Kupetigwa 22:5 - Biblia Kikutu

⁵ kamtumila usenga Balaamu mwanage Beoli ako Petoli, behi na lwanda lwa Fulate, mwiisi ya Amawi. Kamulongela vino, “Hana wanhu walawile mwiisi ya Misili, wanhu awo wenela kila hanhu mwiisi na vivija olonda kuniboka isi yangu.

Kupetigwa 22:5 ပူးပေါင်းရင်းမြစ်များ

Mwanduso 13:16

Nowatenda wanhu wa ulelo wako wawe wengi mbaka munhu sikuyadahe kuwapeta, kamba vija msanga, avo kamba hana munhu kodaha kuupeta msanga baho kodaha kuwapeta wanhu wa ulelo wako.

Zabuli 105:24

Mndewa Imulungu kawatenda iwanhu zake walele ng'hani, kawatenda wengi kubanza awo owehila.

Kulawa 10:15

Waigubika isi yose ya Misili mbaka ikala ziza. Wakija kila kinhu kisigasigwe na mvula ya mabwe na waija minoga na matunda gakalile mna imigunda. Kuduhu tepo jojose disigale mdibiki wala mna iminoga mwiisi ya Misili.

Kupetigwa 23:7

Balaamu kamgwaa Balaki uusenga kwa kulagula kalonga, “Balaki kanigala hano kulawa Alamu Ona, mndewa wa Moabu kanigala kulawa kuvigongo va mwambu wa kudilawilila zuwa. Kalonga, ‘Izo uniduwilizile wanhu wa Yakobo, ona, izo uwaduwile Waizilaeli!’

Kupetigwa 31:8

Mna iwanhu awo wakomigwe kukala na wandewa watano wa isi ya Midiani, wakala Evi na Lekemu na Suli na Huli na Leba. Vivija wamkoma Balaamu mwanage Beoli.

Kumbukumbu 23:4

kwavija walema kuwagwelela ndiya na mazi vimukalile mnzila molawa Misili, na wamgwaa kibaluwa Balaamu mwanage Beoli kulawa Petoli ako Mesopotamia yeze yawaduwile mweye.

Kumbukumbu 23:5

Lakini Mndewa Imulungu, Imulungu wenu hamtegeleze bule Balaamu ila kagimbula gamakungu gawa kinhu kinogile, kwavija Mndewa Imulungu, Imulungu wenu kawanogela.

Yoshua 13:22

Vivija Waizilaeli wamkoma mna ing'hondo Balaamu mwanage Beoli, ayo yakalile yolagula.

Yoshua 24:9

Abaho Balaki mwanage Sipoli, imndewa wa Moabu, keza kuitowa na Waizilaeli. Heyo kamgoneka Balaamu mwanage Beoli ili yawaduwile mweye,

Yuda 1:11

Wanhu awo ogaya! Kwavija wakweleleza mbuli ziyasang'hane Kaini. Mbuli ya kulonda sente waigala wenyego muimhome iija ya Balaamu. Walema kamba viyalemile Kola vivija na hewo onangigwa kamba viyanangigwe heyo.

Ugubulo 2:14

Lakini ning'hali na mbuli ndodo kumwako, kuna wanhu kumwako okweleleza mafundizo ga Balaamu, yamfundize Balaki yawekile ng'hwalo wanhu wa Izilaeli watende nzambi kwa kuwasusumiza waje ndiya ilavigwe kwa vinyago va imilungu na watende ugoni.