Kupetigwa 21:9 - Biblia Kikutu

⁹ Avo Musa katenda zoka da shaba kadinanika mdibiki. Kila munhu yalumigwe na zoka viyadilolile ajo dizoka da shaba kahona.

Kupetigwa 21:9 ပူးပေါင်းရင်းမြစ်များ

Yohana 1:29

Imitondo yake Yohana kamona Yesu komwizila, kalonga, “Loleni, Mwanang'hondolo wa Imulungu yosegesa nzambi za wanhu wa mwiisi!

Yohana 12:32

Kipindi nahenuligwa uchanha kulawa hasi, nomkwega kila munhu kumwangu.”

Yohana 6:40

Kwavija kiyolonda Tatangu acho kino, kila munhu yomulola Mwana na kumtogola heyo yawe na ugima wa milele. Na niye nomzilibula munhu ayo mna isiku ya uhelelo.”

Walumi 1:17

Kwavija Mbuli Inogile yogubula vija Imulungu viyowatenda wanhu wanoge mgameso gake. Mbuli ino yotendeka kwa kutamanila, kusongela haichanduso mbaka kuuhelelo. Kamba Maandiko Gang'alile vigalonga, “Munhu yatendigwe kanoga na Imulungu, kokuwa mgima kwa kumtamanila.”

Walumi 8:3

Kija hakidahike kutendigwa na Malagizo ga Musa mbuli ya kunyolila kwa unhu wa wanhu, Imulungu kasang'hana kwa kumtuma Mwanage mwenyego, yezile mulukuli luigalile na ng'huli zetu siye wene nzambi. Avo kazitagusa nzambi zili mulukuli lulo.

2 Wakolinto 5:21

Imulungu kamtenda ija yelibule nzambi yasole nzambi zetu, ili kubitila heyo Imulungu yatutende tunoge mgameso gake.

Waebulania 12:2

Meso getu tumulole Yesu, itumtamanila kulawa ichanduso mbaka kuuhelelo. Viyakalile mumsalaba habwelile kuchugu! Mbuli ya ndeng'helelo ikalile yombeta, hatongile kinyala cha msalaba na sambi kakala muukulu mwambu wa mkono wa kudila wa kigoda cha ukulu cha Imulungu.

1 Yohana 3:8

Munhu yoyose yotenda nzambi munhu ayo wa Mwenembago, kwavija Mwenembago katenda nzambi toka mwanduso. Lakini Mwana wa Imulungu keza mwiisi kuzinanga sang'hano za Mwenembago.