Kupetigwa 21:7 - Biblia Kikutu

⁷ Avo, wanhu wamcholela Musa, wamulongela, “Tutenda nzambi tumuyalalila Mndewa Imulungu na gweye vivija. Mpule Mndewa Imulungu yatusegesele imizoka ino.” Avo Musa kawapulila iwanhu kwa Mndewa Imulungu.

Kupetigwa 21:7 ပူးပေါင်းရင်းမြစ်များ

Mwanduso 20:17

Abaho Abulahamu kampula Imulungu, nayo kamuhonya Abimeleki na mwehe wake na watumwa zake wa kitwanzi avo wadaha kulela wana kabili,

Mwanduso 20:7

Sambi mbweze mtwanzi ayo kwa mkasano wake. Abulahamu ni mtula ndagu wangu, avo kokupulila sambi ufe. Lakini kamba humbweza bule, nokuzuma, gweye na wanhu zako wose mofa.”

Zabuli 106:23

Imulungu kalonga kamba kowabananga, ila Musa ayo iyamsagule kema kuulongozi wake, na kaikimila ng'hasiliki yake sikuiwanange.

Zabuli 78:34

Viyawakomile wamzahila, waleka gehile gao na wambwelela Imulungu kabili kwa mizoyo yao yose.

Kulawa 10:17

Avo nowapula mugele kumgongo nzambi zangu mwanza uno na Mndewa Imulungu wenu yanisegesele mbuli ino igala ifa.”

Kulawa 32:11

Lakini Musa kampula Mndewa Imulungu wake kalonga, “Go Mndewa Imulungu, habali kowagevuzikila ng'hani wanhu wako uwalavile mwiisi ya Misili kwa udahi na mkono wenye nguvu?

Kulawa 32:30

Imitondo yake Musa kawalongela wanhu, “Mtenda nzambi ng'hulu ng'hani. Lakini sambi nokwela kulugongo kwa Mndewa Imulungu, sengine nodaha kutenda Imulungu yazigele kumgongo nzambi zenu.”

Kulawa 8:28

Falao kalonga, “Nowaleka musegele muchole mkamulavile nhosa kuluwala Mndewa Imulungu, Imulungu wenu, lakini sikumuchole kutali ng'hani. Mhulileni na niye.”

Kulawa 8:4

Mibula ayo yokwela mulukuli lwako, na mna izing'huli za wanhu zako na watawala zako.’ ”

Kulawa 8:8

Abaho Falao kawakema Musa na Haluni kawalongela, “Mpuleni Mndewa Imulungu yaisegese mibula ino kumwangu na kwa wanhu zangu, na niye nowaleka wanhu zenu wachole kumulavila nhosa Mndewa Imulungu.”

Kupetigwa 11:2

Wanhu wamulilila Musa, na heyo kampula Mndewa Imulungu na moto awo ufa.

Matayo 27:4

Kawalongela, “Nhenda nzambi kwa kumuhinduka munhu yatendile ganogile yakomigwe!” Lakini wao wamwidika, “Ajo jako wiiyeka, siye twamduhu!”

Sang'hano 8:24

Simoni kamulongela Petulo na Yohana, “Mhulileni kwa Mndewa, gano gamulongile sikugandawilile.”

Walumi 10:1

Ndugu zangu, moyo wangu olonda ng'hani na nowapulila kwa Imulungu Waizilaeli wayangu wakomboligwe!

Kumbukumbu 9:20

Vivija Mndewa Imulungu kamgevuzikila ng'hani Haluni na kalonda kumkoma, avo vivija nimpulila Haluni kipindi acho.

Yakobo 5:16

Avo kila munhu yamulongele miyage nzambi zake, muipulile ili muhonyigwe. Kupula kwa munhu yanogile mgameso ga Imulungu kuna nguvu ng'hani ya kutenda mengi.

1 Samweli 15:24

Baho Sauli kamulongela Samweli, “Nhenda mbuli ihile. Nigabena malagizo ga Mndewa Imulungu na malagizo gako, kwavija niwadumba wanhu na kuwategeleza wao.

1 Samweli 15:30

Sauli kalonga, “Nhenda mbuli zihile lakini nokupula unitegeleze kuulongozi wa iwavele na kuulongozi wa Waizilaeli na ubwele na niye ili nimtambikile Mndewa Imulungu, Imulungu wako.”