Kupetigwa 21:4 - Biblia Kikutu

⁴ Waizilaeli wagendelela na mwanza kulawa kulugongo lwa Holi wabitila nzila ilongoza kuna ibahali ya Shamu ili waizunguluke isi ya Edomu. Lakini mnzila wanhu wadonha kugendelela na umwanza.

Kupetigwa 21:4 ပူးပေါင်းရင်းမြစ်များ

Kulawa 6:9

Musa kawalongela Waizilaeli mbuli azo, lakini hewo hawamtegeleze bule, kwavija wakala na lusikisiki mmizoyo yao mbuli ya magazo ga utumwa.

Kupetigwa 14:25

Kwavija Waamaleki na Wakanaani okala kugamabonde ga isi ayo, avo mayo mubwele kukisogo muchole kuluwala kuna inzila ilongoza bahali ya Shamu.”

Kupetigwa 20:27

Musa katenda kamba Mndewa Imulungu viyamulagize. Wose wadatu wakwela kulugongo lwa Holi kuulongozi wa iwanhu wose wa Izilaeli.

Kupetigwa 32:7

Habali mowadonheza Waizilaeli sikuwachole mwiisi iyawalongele Mndewa Imulungu kowagwelela?

Kupetigwa 32:9

Hewo wachola mbaka kubonde da Eshikoli, wayona isi ayo lakini viwabwelile wawadonheza Waizilaeli ili sikuwengile mwiisi iyalongile Mndewa Imulungu kowagwaa.

Kupetigwa 33:41

Kulawa kulugongo lwa Holi, Waizilaeli weka ng'hambi yao ako Salimona.

Sang'hano 14:22

Wawagangamiza wanahina wa Yesu na wawalonda wakale mna ukutamanila, wawafundiza, “Tolondigwa tubitile madununzo mengi ili twingile Muundewa wa Imulungu.”

Kumbukumbu 1:40

Lakini mweye, hindukeni mubwele kuluwala kubitila nzila ya kuchola bahali ya Shamu.’

Kumbukumbu 2:1

“Abaho tuhinduka tufunga mwanza wa kuchola kuluwala kubitila nzila ya bahali ya Shamu, kamba Mndewa Imulungu viyanongele. Kwa siku nyingi tung'hali tuzunguluka mnzila kuvigongo va isi ya Seili.

Wasemi 11:18

Abaho wachola wabitila kuzunguluka isi ya Edomu na Moabu mbaka wavika mwambu wa kudilawila zuwa wa Moabu, weka ng'hambi kumgwazo wa lwanda lwa Alinoni. Lakini hawengile bule mwiisi ya Moabu, kwavija ulwanda lwa Alinoni awo ukalile imbaka ya Moabu.