Kupetigwa 21:2 - Biblia Kikutu

² Avo Waizilaeli waiduwila kwa Mndewa Imulungu walonga, “Kamba wahawagela wanhu wano mmakono getu, avo togananga mabuga gao.”

Kupetigwa 21:2 ပူးပေါင်းရင်းမြစ်များ

Mwanduso 28:20

Abaho Yakobo kaiduwila kwa Imulungu, kalonga, “Kamba Imulungu kokuwa hamoja na niye na kuulola goya mwanza wangu na kungwaa ndiya na viwalo,

Zabuli 116:18

Nigavikiza gaja gose ganongile kwa Mndewa Imulungu, kuulongozi wa iwanhu wake wose,

Zabuli 132:2

Heyo kaiduwila kwa Mndewa Imulungu, heyo kailagana na heyo mwene udahi wose wa Yakobo.

1 Wakolinto 16:22

Munhu yoyose hamnogela Mndewa, yaduwiligwe na Imulungu! Mndewa wetu izo!

Kumbukumbu 13:15

avo wakomeni kwa misime iwanhu iwokala kudibuga dijo, na dinangeni buga dijo na zikomeni fugo zao zose kwa misime.

Kumbukumbu 13:16

Muvilundize hamoja ivinhu vose vimusolile, na muvike kulubuga lwa dibuga na mvisome moto hamoja na dibuga kamba nhosa ya kusoma moto kwa Mndewa Imulungu, Imulungu wenu. Buga dijo dokuwa vihame siku zose, na hodizengwa kabili.

Kumbukumbu 20:16

“Lakini mna gamabuga ga isi ayo iyowagwaa Mndewa Imulungu, Imulungu wenu, sikumuleke kinhu chochose king'hali kigima.

Kumbukumbu 7:2

Vivija Mndewa Imulungu, Imulungu wenu, vonda yawagele mmakono genu na mowahuma iwanhu awo avo muwakome wose, sikumutende lagano na hewo na sikumuwonele bazi.

Yoshua 6:17

Dibuga na vose vili mumo vilavigwa kwa Mndewa Imulungu ili vibanangigwe. Lahabu imgoni yaiyeka na iwanhu weli mng'anda yake awo onda wasigale wagima, kwavija kawafisa iwasenga tuwatumile.

Yoshua 6:26

Yoshua kalonga mbuli za kuiduwila kuulongozi wa iwanhu, kawalongela “Yaduwiligwe na Mndewa Imulungu munhu yoyose yonda yadizenge kabili buga dino da Yeliko. Munhu yoyose yonda yazenge chandusilo cha buga dijo, mwanage wa chaudele yafe, munhu yoyose yonda yazenge ulwivi lwa buga dijo, mwanage kizuwanda yafe.”

Wasemi 11:30

Yefisa kaiduwila kwa Mndewa Imulungu kalonga, “Uhawagela Waamoni mmakono gangu,

1 Samweli 1:11

Keka lagano kalonga, “Go Mndewa Imulungu uli na udahi wose, kamba kogalola magazo gangu niye msang'hanaji wako, na kong'humbuka na hunisemwa niye msang'hanaji wako, ila konigwaa niye msang'hanaji wako mwana wa kimbigalo, avo niye nokugwelela gweye Mndewa Imulungu mwana ayo yawe wako siku zose za ugima wake, mvili zake hazibeigwa ng'oo.”