Kupetigwa 20:14 - Biblia Kikutu

¹⁴ Abaho Musa kawatuma wanhu kulawa Kadeshi wachole kwa mndewa wa Edomu wamulongele, “Ndugu yako Izilaeli kolonga vino, gweye kugajuwa magayo gose tugapatile,

Kupetigwa 20:14 ပူးပေါင်းရင်းမြစ်များ

Mwanduso 25:23

Mndewa Imulungu kamulongela, “Makabila mabili ga mwiinda yako, ng'holo mbili zonda uzilele, zogomba. Imoja yokuwa na nguvu kubanza iyagwe, imkulu komsang'hanila imdodo.”

Mwanduso 25:25

Wa ichanduso kakala mdung'hu, lukuli lose upipi wiiyeka, avo wamkema Esau.

Mwanduso 25:26

Wa kabili kavumbuka kuno kamgoga Esau mna ikisiginho, avo wamgwaa twaga da Yakobo. Lebeka viyawalelile iwana, Isaka kakala yavikize miyaka malongo sita.

Mwanduso 32:29

Yakobo kamulongela munhu ayo, “Chonde nongela twaga jako.” Lakini munhu ayo kedika, “Habali koniuza twaga jangu?” Abaho kamtambikila.

Kulawa 18:8

Musa kamsimulila tata mkwe yake gose Mndewa Imulungu gayamtendele Falao na Wamisili mbuli ya Waizilaeli na gehile gose gawalawile mnzila na vija Mndewa Imulungu viyawakombole.

Kupetigwa 13:26

Wabwela kwa Musa na Haluni na umting'hano wose wa Waizilaeli ako Kadeshi, kuluwala lwa Palani, walonga gose gawone na wawalagusila matunda ga isi ayo.

Kupetigwa 20:15

kujuwa iwahenga zetu viwacholile ako Misili, na wakala ng'hani ako na wadununzigwa, vivija na siye watudununza.

Kupetigwa 20:22

Abaho Waizilaeli wose wagendelela na mwanza kulawa ako Kadeshi na wavika kulugongo lwa Holi.

Kumbukumbu 23:7

“Sikumuwehile Waedomu kwavija hewo ndugu zenu, na sikumuwehile Wamisili kwavija mukala mwiisi yao kamba wanhu baki.

Yoshua 2:10

Kwavija tuhulika Mndewa Imulungu viyaganyazile mazi ga bahali ya Shamu kuulongozi wenu vimulawile Misili na vimutendile kwa Sihoni na Ogu iwandewa wabili wa Waamoli wakalile umwambu wa Yolidani, awo wamuwakomile.

Yoshua 2:9

kawalongela, “Niye nojuwa kamba Mndewa Imulungu kawagwaa mweye isi ino, na siye towadumba mweye na iwanhu wose wa isi ino mizoyo yao ilumbuka mbuli yenu.

Yoshua 9:10

tugahulika gose gayawatendele iwandewa wabili wa Waamoli wakalile umwambu wa lwanda lwa Yolidani, mndewa Sihoni wa Heshiboni na mndewa Ogu wa Bashani yakalile ako Ashitaloti.

Yoshua 9:9

Wamwidika, “Siye wasang'hanaji zako, tulawa isi ya kutali na twiza mbuli ya twaga da Mndewa Imulungu, Imulungu wenu, na tuhulika ukulu wake na gose gayatendile mwiisi ya Misili,