Kupetigwa 19:9 - Biblia Kikutu

⁹ “Munhu yong'ala yazole ayo imitozi ya ing'ombe na yaigale hanhu hanogile kunze ya ing'hambi. Mitozi ayo ikigwe goya na isang'hanilwe na iwanhu wose wa Izilaeli kutendela mazi ga kusegesela gehile, ili kusegesa nzambi.

Kupetigwa 19:9 ပူးပေါင်းရင်းမြစ်များ

Walawi 15:20

Kinhu chochose kiyowasila mna ikipindi viyotumika chokuwa kifita, na kinhu chochose chonda yakikalile chokuwa kifita.

Kupetigwa 19:13

Munhu yoyose yahakwasa maiti na haisunha kodifitiza hema da Mndewa Imulungu na yabaguligwe na iwanhu wa Izilaeli. Munhu ayo kosigala yafitile kwavija hamiziligwe gaja gamazi ga kusegesa gehile.

Kupetigwa 19:17

“Mbuli ya wanhu awo wafitile isoligwe ayo imitozi ya ing'ombe mdung'hu ya kusegesa gehile na ihanganyigwe na mazi ga lwanda mna inongo.

Kupetigwa 19:18

Abaho munhu yong'ala yasole bunho da hisopo yadivabike mgamazi gago abaho yadimizile dihema na viya vose vili mng'anda na iwanhu weli mumo mng'anda. Vivija yammizile gago gamazi, munhu ayo yakwasile imizege ya munhu yafile hebu ayo yakwasile imaiti ya munhu yakomigwe hebu imunhu yakwasile maiti ya munhu yafile mwenyego hebu imunhu yakwasile panga.

Kupetigwa 19:3

Mweye mumgwelele ng'ombe ayo Eleazali imulava nhosa. Ng'ombe ayo yalavigwe kunze ya ing'hambi na yachinjigwe kuulongozi wa ayo imulava nhosa.

Kupetigwa 19:8

Vivija imunhu ayo yonda yamsome moto ayo ing'ombe yavifuwe viwalo vake kwa mazi na yakoge lukuli lose, vivija na heyo kokala yafitile mbaka ichungulo.

Kupetigwa 6:12

na yailave kwa Mndewa Imulungu kwa siku zake za kuilava. Avo siku za ichanduso hazipetigwa bule kwavija mvili zake zikalile zilavigwe kwa Mndewa Imulungu zifitizigwa. Avo, yagale mwana ng'hondolo wa kimbigalo wa mwaka umoja kamba nhosa ya kulihila gehile.

Kupetigwa 8:7

Vino vivo vonda uwatende wang'ale, wamizile mazi gang'alile abaho uwalongele wakaibee mzing'huli zao zose, na wafuwe viwalo vao na wakoge.

Kupetigwa 9:13

Lakini munhu yoyose yong'ala hebu heli mmwanza, yahaleka kuideng'helela nyimwilinyimwili ya Pasaka, yabaguligwe na wanhu zake kwavija hanilavile nhosa mna ikipindi kikigwe. Kolondigwa yatagusigwe kwa nzambi yake.

2 Wakolinto 5:21

Imulungu kamtenda ija yelibule nzambi yasole nzambi zetu, ili kubitila heyo Imulungu yatutende tunoge mgameso gake.

2 Wakolinto 7:1

Mbwiga zangu niwanogela, gaja gose gayalongile Imulungu ni mbuli ya siye. Avo tusunhe dikwe da ng'huli zetu hebu mizoyo yetu, tung'ale ng'hani na tumtegeleze Imulungu.

Waebulania 7:26

Avo siye tulonda mulava nhosa mkulu kamba ayo, yotusang'hanila vitulonda na yang'alile na yelibule kitala hebu nzambi. Yainegile na wanhu otenda nzambi na kenuligwa kuchola kuulanga kwa Imulungu.

Waebulania 9:13

Damu ya mbuzi na ng'ombe na mitozi ya bofu da ng'ombe vomizwa kwa wanhu wafitile na kuwasunha ukufita kwao mulukuli lwiiyeka.