Kupetigwa 18:7 - Biblia Kikutu

⁷ Lakini gweye wiiyeka na wanago mosang'hane kamba walava nhosa mbuli ya uupango wa nhosa na vinhu vose vili mna ihanhu hong'ala. Sang'hano ayo yenu mweye kwavija niwagwaa nhunza ya ulava nhosa. Munhu yoyose iyagwe yahakwesa behi na ihanhu hong'ala yakomigwe.”

Kupetigwa 18:7 ပူးပေါင်းရင်းမြစ်များ

Zabuli 115:10

Mweye ulelo wa Haluni, mtamanileni Mndewa Imulungu, heyo ayo yowataza na ngao yenu.

Kulawa 28:1

“Mgale ndugu yako Haluni na wanage wa kimbigalo, Nadabu na Abihu na Eleazali na Itamali. Uwasagule hagati ya wanhu wa Izilaeli ili wanisang'hanile kamba walava nhosa.

Kulawa 29:9

Uwafunge mikwiji mvigudi vao na uwavaze vilemba vao. Vino vivo vonda uwatende Haluni na wanage wang'ale. Hewo na ulelo wao okuwa walava nhosa milele.

Walawi 16:2

“Mulongele ndugu yako Haluni sikuyengile hanhu hong'ala ng'hani kukisogo cha panziya kipindi halondigwa kwingila, sikuyengile hanhu aho kwavija aho honda nilawilile mdiwingu uchanha ya ngubiko ya disanduku da lagano. Yahalema kofa.

Walawi 7:35

Dino dijo fungu diwekiligwe Haluni na ulelo wake mna zinhosa zilavagwa kwa Mndewa Imulungu kwa moto, kulawa siku diwasaguligwe wawe walava nhosa wa Mndewa Imulungu.

Kupetigwa 1:51

Dihema dahang'oligwa, Walawi awo onda wading'ole na dahasimikigwa, Walawi awo onda wadisimike. Munhu yoyose heli Mulawi yahadikwesela dihema yakomigwe.

Kupetigwa 16:40

Mbuli ayo ikala kilaguso kwa Waizilaeli kamba munhu heli mulava nhosa, ndio kulonga halawa muulelo wa Haluni sikuyachole hana uupango wa nhosa na kusoma ubani kuulongozi wa Mndewa Imulungu. Ama sivo kokomigwa kamba Kola na wayage. Ago gose gatendigwa kamba Mndewa Imulungu viyamulagize Eleazali kubitila Musa.

Kupetigwa 18:20

Mndewa Imulungu kamulongela Haluni, “Gweye kokuwa kuduhu uhazi mwiisi ayo, vivija kokuwa kuduhu fungu jojose mna iwanhu, fungu jako na uhazi wako mna iwanhu wa Izilaeli dokuwa niye.”

Kupetigwa 18:3

Hewo osang'hana sang'hano zose zonda uwagwelele mna dihema. Lakini hawalondigwa kuvikwasa viya vili mdihema hebu kuukwesela behi upango wa nhosa, wahatenda avo wose gweye na wao mofa.

Kupetigwa 3:10

Abaho msagule Haluni na wanage wasang'hane kamba walava nhosa, lakini munhu yoyose iyagwe yonda yasang'hane sang'hano ayo yakomigwe.”

Kupetigwa 3:38

Musa na Haluni na wanao weka ng'hambi yao mwambu wa kudilawilila zuwa kuulongozi wa dihema da mting'hano, hewo sang'hano yao ikala kulava nhosa na kulola goya hanhu hong'ala na kusang'hana hanhu aho mbuli ya kinhu chochose kilondigwe kwa Waizilaeli. Munhu yoyose iyagwe yahakwesa behi yakomigwe.

Matayo 10:8

Muwahonye watamu, wazilibuleni wafile, muwahonye waja weli na utamu wa dikulu, muwalave vinyamkela. Mugweleligwa bule, laveni bule.

Yohana 3:27

Yohana kawedika, “Kuduhu munhu yodaha kuwa na kinhu chochose kamba Imulungu hamgwelele.

Waefeso 3:8

Niye na munhu mdodo kubanza wanhu wose wa Imulungu, lakini Imulungu kanigwaa ng'hekewa, ili niwapetele wanhu haweli Wayahudi Mbuli Inogile, ya vinhu vinogile va Kilisito vilibule uhelelo,

Kumbukumbu 18:2

Sikuwawe na uhazi hamoja na ndugu zao, Waizilaeli wayao, Mndewa Imulungu ayo uhazi wao kamba viyawalongele.

Waebulania 5:4

Kuduhu munhu yoisagula mwenyego na kuigwaa ukulu wa kuwa mulava nhosa mkulu. Kolondigwa yakemigwe na Imulungu, kamba viyakalile Haluni.

Yoshua 18:7

Walawi wabule fungu jojose da isi hagati yenu, kwavija awo uulava nhosa wa Mndewa Imulungu ajo fungu jao. Kabila da Gadi na Lubeni na nusu ya kabila da Manase wagweleligwa uhazi wao ako umwambu wa kudilawila zuwa wa lwanda lwa Yolidani. Musa imsang'hanaji wa Mndewa Imulungu kawagwelela.”

1 Petulo 5:2

mdisusile bumbila da Imulungu dili mmakono genu, mdilolese goya, siyo kwa kunanahizigwa lakini kwa kulonda wenyego, kamba Imulungu viyolonda. Sikumusulukile sente, lakini muwambe kusang'hana.

1 Petulo 5:3

Sikumuwatawale kwa nguvu wanhu awo weli mmakono genu, lakini muwe kinhu cha kuifunzila kwa wanhu wamdibumbila.

1 Samweli 2:28

Niye nimsagula heyo mna gamakabila gose ga Izilaeli, ili yawe mulava nhosa wangu, yachole kuna uupango wangu wa nhosa, yakasome ubani na yavale kikoti kuulongozi wangu. Nimgwaa muhenga wako na iwanhu wa mng'anda yake nhosa zose zilavigwa kumwangu kwa moto kulawa kwa iwanhu wa Izilaeli.