Kupetigwa 18:21 - Biblia Kikutu

²¹ “Mbuli ya Walawi, hewo niwagwaa mafungu ga longo gose goondavila Waizilaeli kamba uhazi wao. Dino dijo fungu jao kwa sang'hano iwotenda kuna dihema jangu da mting'hano.

Kupetigwa 18:21 ပူးပေါင်းရင်းမြစ်များ

Mwanduso 14:20

Na Imulungu yeli Uchanha Ng'hani yagweleligwe ukulu, kwa kukugwaa udahi wa kuwahuma wanhu wakwihile.” Na heyo Abulamu kamgwaa Melikizedeki kinhu kimoja mna ikila vinhu longo kwa vinhu vose viyapatile kuing'hondo.

Mwanduso 47:24

Lakini mwahasenga ndiya mna gamafungu matano dimoja mumgwelele Falao, na mafungu mane gasigale gokuwa genu mbuli ya mbeyu kwa migunda yenu na ndiya yenu na wanhu wa mzing'anda zenu na wanenu.”

Mwanduso 47:26

Vivo Yusufu viyekile lagizo mwiisi ya Misili na dabaho mbaka sambi, kuwa fungu dimoja mna gamafungu matano ga ndiya yose yagweleligwe Falao. Migunda ya walava nhosa waiyeka ayo haisoligwe na Falao.

Kupetigwa 18:6

Niye ayo niwasagule ndugu zenu Walawi mna iwanhu Waizilaeli kamba nhunza kumwenu. Hewo walavigwa mbuli yangu niye Mndewa Imulungu ili wasang'hane kuna dihema da mting'hano.

Kupetigwa 3:6

“Wagale behi wanhu wa kabila da Lawi na uweke kuulongozi wa mulava nhosa Haluni ili wamsang'hanile heyo.

Kupetigwa 31:28

Abaho kulawa mdifungu da iwakalizi wacholile kuna ing'hondo, usole kinhu kimoja kulawa mna kila vinhu magana matano, iwe wanhu, ng'ombe, vihongwe, ng'hondolo hebu mbuzi.

Wagalatia 6:6

Munhu yofundizigwa mbuli ya Kilisito kolondigwa waigwelele vinhu vake vose vinogile na mfundiza wake.

Kumbukumbu 18:8

Heyo yagweleligwa ndiya sawasawa na iwalava nhosa wayagwe, hamoja heyo kapata sente mbuli ya vinhu va iwahenga zake viuzigwe.

Waebulania 7:5

Na wanhu wose wa lukolo lwa Lawi weli walava nhosa, malagizo ga Musa gowalonda wasole fungu da longo kulawa kwa wanhu zao wa Izilaeli, hata kamba wao vivija olawa mulukolo lwa Abulahamu.