Kupetigwa 18:20 - Biblia Kikutu

²⁰ Mndewa Imulungu kamulongela Haluni, “Gweye kokuwa kuduhu uhazi mwiisi ayo, vivija kokuwa kuduhu fungu jojose mna iwanhu, fungu jako na uhazi wako mna iwanhu wa Izilaeli dokuwa niye.”

Kupetigwa 18:20 ပူးပေါင်းရင်းမြစ်များ

Mwanduso 15:1

Vizibitile mbuli azo, Mndewa Imulungu kamulongela Abulamu mzinzozi, “Abulamu, sikuudumbe! Niye ayo ngao yako. Niye na hamoja na gweye, na kinhu acho kinoga ng'hani kumwako.”

Zabuli 142:5

Go Mndewa Imulungu, nokulilila, nolonga, “Gweye ayo kimbililo jangu, gweye ayo fungu jangu hano mwiisi ya wagima.”

Zabuli 16:5

Gweye Mndewa Imulungu ayo fungu jangu na kikasi changu, gweye ayo ugoga ugima wangu.

Zabuli 73:26

Lukuli lwangu na moyo wangu vodaha kulemelwa, ila Imulungu ayo nguvu ya moyo wangu na fungu jangu milele.

Kupetigwa 18:7

Lakini gweye wiiyeka na wanago mosang'hane kamba walava nhosa mbuli ya uupango wa nhosa na vinhu vose vili mna ihanhu hong'ala. Sang'hano ayo yenu mweye kwavija niwagwaa nhunza ya ulava nhosa. Munhu yoyose iyagwe yahakwesa behi na ihanhu hong'ala yakomigwe.”

Kupetigwa 26:62

Walawi wambigalo wose kwa wose kusongela wana weli na mwezi umoja na kugendelela wakala elufu ishilini na ndatu (23,000). Wano hawapetigwe hamoja na Waizilaeli wayagwe kwavija wao hawagweleligwe isi yoyose kamba uhazi wao mna iwanhu wa Izilaeli.

Kumbukumbu 10:9

Lekaavo wanhu wa kabila da Lawi wabule uhazi wa isi kamba Waizilaeli wayao. Mndewa Imulungu ayo uhazi wao kamba Mndewa Imulungu, Imulungu wenu viyawalongele.

Kumbukumbu 12:12

Ako modeng'helela kuulongozi wa Mndewa Imulungu, Imulungu wenu, mweye hamoja na wanenu wa ikimbigalo na wa ikitwanzi na wasang'hanaji zenu wa ikimbigalo na wa ikitwanzi na Walawi iwokala hamoja na mweye kwavija hewo wabule isi ili yao wenyego wala uhazi.

Kumbukumbu 14:27

Sikumuwasemwe Walawi iwokala hagati yenu, kwavija awo wabule fungu hebu uhazi hagati yenu.

Kumbukumbu 14:29

Ago gokuwa mbuli ya Walawi kwavija wabule fungu hebu uhazi hagati yenu na mbuli ya wanhu baki na wana wakiwa na wagane iwokala mna gamabuga genu, hewo woja na kuwa wagima. Tendeni avo na Mndewa Imulungu, Imulungu wenu, kowatenda mumwede mna zisang'hano zenu zose za makono genu.

Yoshua 13:14

Musa hawagwelele bule isi yoyose kamba uhazi wao iwanhu wa kabila da Lawi. Lakini zinhosa zilavagwa kwa kusoma moto kwa Mndewa Imulungu, Imulungu wa Izilaeli, azo uhazi wao, kamba Mndewa Imulungu viyamulongele Musa.

Yoshua 13:33

Lakini kwa iwanhu wa kabila da Lawi Musa hawagwelele isi yoyose kamba uhazi wao. Mndewa Imulungu, Imulungu wa Izilaeli ayo uhazi wao kamba viyawalongele.

Yoshua 14:3

Kwavija Musa kakala yawagwelele uhazi iwanhu wa makabila mabili na nusu ako umwambu wa kudilawila zuwa wa lwanda lwa Yolidani, lakini kwa Iwalawi hawagwelele bule uhazi wowose.

Yoshua 18:7

Walawi wabule fungu jojose da isi hagati yenu, kwavija awo uulava nhosa wa Mndewa Imulungu ajo fungu jao. Kabila da Gadi na Lubeni na nusu ya kabila da Manase wagweleligwa uhazi wao ako umwambu wa kudilawila zuwa wa lwanda lwa Yolidani. Musa imsang'hanaji wa Mndewa Imulungu kawagwelela.”

Ugubulo 21:3

Abaho mhulika sauti ng'hulu kulawa kukigoda cha undewa, “Sambi kae ya Imulungu ya hamoja na wanhu! Kokala nao, na hewo okuwa wanhu zake. Imulungu mwenyego kokuwa nao. Nayo kokuwa Imulungu wao.