Kupetigwa 18:15 - Biblia Kikutu

¹⁵ Kila mwana wa chaudele wa Waizilaeli yolavigwa kumwangu, yawe mwana chaudele wa munhu hebu wa mnyama kokuwa wenu. Lakini molondigwa muwagombole wana wose wa chaudele wa wanhu, vivija molondigwa muwagombole wana wose wafitile wa chaudele wa wanyama.

Kupetigwa 18:15 ပူးပေါင်းရင်းမြစ်များ

Kulawa 13:15

Falao kwa udala wa zoyo jake katulemela sikutusegela mwiisi yake, avo Mndewa Imulungu kawakoma wana chaudele wa kimbigalo wa Wamisili, chaudele wa wanhu na wanyama. Lekaavo tomulavila Mndewa Imulungu kila mwana chaudele wa kimbigalo wa fugo zetu lakini kila mwana chaudele wa kimbigalo wa wanhu kogomboligwa.’

Kulawa 13:2

“Muwalave kumwangu wana wose chaudele wa kimbigalo, kwavija kila mwana chaudele wa Kiizilaeli na mwana chaudele wa mnyama wose wangu niye.”

Kulawa 22:29

“Sikuukawe kundavila ndiya na zabibu ili mumgunda wako. “Ndavileni wanenu wa chaudele wa kimbigalo.

Kulawa 34:20

Lakini mwana chaudele wa kihongwe komgombola kwa kungalila ng'hondolo. Kamba humgombola bule umbote isingo. Wanenu wose wa chaudele wa kimbigalo muwagombole. “Munhu yoyose sikuyeze kuulongozi wangu makono gaiyeka.

Kupetigwa 18:16

Awo wose molondigwa muwagombole vonda wavikize mwezi umoja na walaviligwe vihande vitano va shaba, kamba viwopima hanhu hong'ala.

Kupetigwa 3:13

kwavija kila mwana chaudele wa munhu na wa mnyama ni wangu. Kipindi viniwakomile wana chaudele wa Wamisili nimsola kila mwana chaudele wa Izilaeli, kila mwana chaudele wa munhu na vivija wa mnyama, wose okuwa wangu. Niye ayo Mndewa Imulungu.”

Kupetigwa 3:46

Mbuli ya kuwagombolela wana chaudele wa kimbigalo wa Waizilaeli magana mbili sabini na ndatu (273), wabanzile iwambigalo wose wa Walawi,

Kumbukumbu 15:19

“Mulavile Mndewa Imulungu, Imulungu wako wana chaudele wose wa kimbigalo wa fugo yako ya ng'ombe na ng'hondolo. Sikuuwasang'hanile ng'ombe awo na sikuuikanhe imibahila ya ng'hondolo awo.