Kupetigwa 18:12 - Biblia Kikutu

¹² “Nokugwaa vinhu vose vinogile kulawa mna ivinhu va ichanduso kusengigwa viondavila Waizilaeli. Mavuta ganogile, divai na ndiya.

Kupetigwa 18:12 ပူးပေါင်းရင်းမြစ်များ

Mwanduso 27:28

Nompula Imulungu yagale mvula mna imigunda yako na yakugwelele vinhu vose va mwiisi, na uigwise ndiya na zabibu.

Zabuli 147:14

Kokugwaa tindiwalo mzimbaka zako, kokutenda ushibe kwa ngano inogile.

Zabuli 81:16

Lakini mweye mwahagweleligwe ngano inogile, na kushiba kwa uki ulawa kudibwe.”

Kulawa 22:29

“Sikuukawe kundavila ndiya na zabibu ili mumgunda wako. “Ndavileni wanenu wa chaudele wa kimbigalo.

Kulawa 23:19

“Ndavileni matunda ganogile gaichanduso mgagale mng'anda ya Mndewa Imulungu wako. “Sikuuteleke nyama ya mwana mbuzi mna gamaziwa ga mamake.

Kulawa 34:26

“Nilavileni ndiya za ichanduso za imigunda yenu na muzigale mng'anda ya Mndewa Imulungu wenu. “Sikuuteleke nyama ya mwana mbuzi mna gamaziwa ga mamake.”

Walawi 2:12

Kodaha kumgalila Mndewa Imulungu ndiya ya ichanduso yuusengile, lakini sikuilavigwe muupango wa kulavila nhosa kamba nhosa imnung'hila goya Mndewa Imulungu.

Walawi 2:14

“ ‘Kamba komgalila Mndewa Imulungu nhosa ya ndiya ya ichanduso yuusengile, ugale kuno ikanzingigwa, hebu idugigwe.

Walawi 23:17

Kila ng'anda ilave magate mabili ili genuligwe uchanha kamba kilaguso cha kumulavila Mndewa Imulungu. Kila gate ditendigwe kwa mhishi imoja ya usage unogile na ugeligwe hamila, abaho mmulavile Mndewa Imulungu kamba nhosa ya gaja gasengigwe ichanduso.

Walawi 23:20

Mulava nhosa yawenule uchanha awo iwang'hondolo wabili kamba kilaguso cha kumulavila Mndewa Imulungu hamoja na gamagate ga ndiya ya ichanduso kusengigwa. Nhosa azo zing'ala kwa Mndewa Imulungu na zokuwa za iwalava nhosa waiyeka.

Kumbukumbu 18:3

“Dino dokuwa fungu da iwalava nhosa kulawa mzinhosa zilavigwa, iwe nhosa ya ng'ombe hebu ng'hondolo, wamgwelele imulava nhosa umkono na zisaya na usapi.

Kumbukumbu 18:4

Muwagwelele ndiya yenu ya ichanduso kusengigwa na divai na mavuta genu na mibahila ya ichanduso ya ng'hondolo zenu.

Kumbukumbu 26:2

usole ndiya yonda usonge kusenga kulawa mwiisi iyokugwaa Mndewa Imulungu, Imulungu wako, uike mkigelo na ugale hanhu aho honda yahasagule Mndewa Imulungu, Imulungu wako kwika twaga jake.

Kumbukumbu 32:14

Kawagwaa mtindi na maziwa ga ng'ombe na mbuzi, mavuta ga ng'hondolo, ng'hondolo mbigalo na mbuzi wa Bashani. Kawagwaa ngano inogile, na divai ya sambi wang'we.