Kupetigwa 16:3 - Biblia Kikutu

³ Waiting'hana kuulongozi wa Musa na Haluni wawalongela, “Mweye mubanza ng'hani! Mting'hano wa wanhu wose ung'ala na kila munhu yeli hano kang'ala, na Mndewa Imulungu kahamoja na siye wose. Habali mweye moitenda wakulu wa mting'hano wa wanhu wa Mndewa Imulungu?”

Kupetigwa 16:3 ပူးပေါင်းရင်းမြစ်များ

Zabuli 106:16

Wamonela migongo Musa ako kuing'hambi, na Haluni ayo yong'ala wa Mndewa Imulungu.

Zabuli 68:17

Mituka ya Imulungu ibanza maelufu longo, maelufu kwa maelufu, Mndewa keza kulawa Sinai mbaka hanhu hake hong'ala.

Kulawa 19:6

Mweye mokuwa undewa wa walava nhosa na isi ing'alile.’ Uwalongele vivo Waizilaeli.”

Kupetigwa 14:14

owalongela wanhu okala isi ino. Wanhu wano wahulika kamba gweye Mndewa Imulungu kwa hamoja na siye, kwavija gweye Mndewa Imulungu koneka kwa meso kipindi wingu jako dahemaga uchanha yetu, na gweye kutulongolelaga, imisi kwa mhanda ya wingu na ikilo kwa mhanda ya moto.

Kupetigwa 16:11

Avo, gweye na wayago momulema Mndewa Imulungu. Mweye momuyalalila Haluni, lakini ukweli mweye momuyalalila Imulungu.”

Kupetigwa 16:41

Imitondo yake Waizilaeli wose wamuyalalila Musa na Haluni walonga, “Muwakoma wanhu wa Mndewa Imulungu.”

Kupetigwa 16:7

haleni makala ga moto na mugele ubani uchanha yake, abaho mvigale kuulongozi wa Mndewa Imulungu. Abaho tolola nani yasaguligwe na Mndewa Imulungu. Mweye Walawi mbanza ng'hani!”

Kupetigwa 23:21

Mndewa Imulungu honile dihile kwa wana wa Yakobo, Vivija honile ndwagi kwa Waizilaeli. Mndewa Imulungu kahamoja na hewo, Na hewo omtogola kamba Mndewa wao.

Kupetigwa 35:34

Sikumuifitize isi imukala, isi ayo inikala niye vivija, kwavija niye Mndewa Imulungu nokala hagati yenu mweye Waizilaeli.”

Kupetigwa 5:3

Muwalave kunze wanhu kamba awo, wambigalo na watwanzi ili sikuwawafitize wanhu zangu wayagwe mna ing'hambi inikala.”

Sang'hano 7:39

“Lakini wahenga zetu walema kumtogola, wamsung'ha kumgwazo na walonga yahanogile kumwao wahabweleganye Misili.

Sang'hano 7:51

Abaho Sitefano kalonga, “Mweye muli na mizoyo midala, na mulekile kumjuwa Imulungu, mweye musitile magwiti genu kutegeleza usenga wa Imulungu! Mwiigala na wahenga zenu na mweye vivija momulema Loho Yang'alile!