Kupetigwa 16:26 - Biblia Kikutu

²⁶ viyavikile kawalongela iwanhu, “Chonde segeleni kuna ivibanda va wanhu wano wehile, sikumkwase kinhu chao chochose, ili sikumukomigwe hamoja na hewo mbuli ya nzambi yao.”

Kupetigwa 16:26 ပူးပေါင်းရင်းမြစ်များ

Mwanduso 19:17

Viwawalavile kunze, msenga imoja wa kuulanga kawalongela, “Kimbileni muuhonye ugima wenu! Sikumulole kukisogo na sikumwime hanhu hohose kubonde. Kimbileni kuvigongo, sikumufe.”

Kupetigwa 16:25

Avo Musa kachola kwa Datani na Abilamu, na vilongozi wa Waizilaeli wamkweleleza,

Matayo 10:14

Munhu yoyose yahalema kuwabokela hebu kuwategeleza, vonda musegele baho kung'huseni matimbwisi mmagulu genu kamba kilaguso cha kuwalema.

Sang'hano 13:51

Watumigwa wakung'husa nhimbwisi za mmagulu gao kulagusa walemigwa, abaho wachola Ikonia.

Sang'hano 8:20

Lakini Petulo kamwidika, “Upotele kutali gweye na sente zako, kwa kugesa kodaha kugula kwa sente nhunza ya Imulungu!

2 Wakolinto 6:17

Avo Mndewa kolonga, “Segeleni kumwao na mwiinege nao. Sikumukwase kinhu kifitile, na niye nowabokela mweye.

Kumbukumbu 13:17

Sikumusole kinhu chochose kilavigwe ili kisomigwe moto, ili Mndewa Imulungu yaleke kuwagevuzikila ng'hani. Kowatendela ganogile na kowonela bazi na kowatenda muwe wengi ng'hani kamba viyaiduwile kwa wahenga zenu,

1 Timoseo 5:22

Sikuulopole kumwikila makono munhu yoyose yailavile kumsang'hanila Mndewa. Sikuuilumbe na munhu yoyose mzinzambi. Ukale kwa kumnogela Imulungu.

Ugubulo 18:4

Abaho mhulika sauti iyagwe kulawa kuulanga ilonga, “Wanhu zangu, segeleni kudibuga da Babeli, ili sikumuilumbe nayo mzinzambi zake, sikumupate nhaguso yake.