Kupetigwa 15:30 - Biblia Kikutu

³⁰ “ ‘Lakini munhu yoyose yotenda nzambi giladi, yawe mwenekae hebu munhu baki, ayo komuliga Mndewa Imulungu, avo kolondigwa yabaguligwa mna iwanhu zake.

Kupetigwa 15:30 ပူးပေါင်းရင်းမြစ်များ

Mwanduso 17:14

Mbigalo yoyose yahaleka kwingila kumbi yabaguligwe na wanhu zake kwavija kadibena lagano jangu.”

Zabuli 19:13

Unikalize niye msang'hanaji wako na nzambi zitendagwa giladi, sikuutogole gago ganitawale! Aho nokuwa ning'ala na nokuwa nabule kitala kikulu.

Zabuli 69:9

Kwavija unogelwa wangu kwa ng'anda yako osoma mgati mmwangu kamba moto, maligo ga awo okuliga ganizila.

Zabuli 74:18

Kumbuka mdetaji viyakubezeli gweye Mndewa Imulungu, wanhu viwadiligile twaga jako.

Zabuli 74:22

Inuka gweye Imulungu uigombele, kumbuka iwanhu wabozi viwokubezeli imisi yose.

Zabuli 79:12

Wabwezele iwanhu wa behi yetu miyanza saba, mbuli ya maligo gawakuligile gweye Mndewa.

Zabuli 89:51

Wanhu wanideta na kunyonela, gweye Mndewa Imulungu. Wanilonga kila kinhu kinhenda niye yuunigidile mavuta gako.

Kulawa 21:14

Lakini munhu yahatenda giladi kumtowa munhu na kumkoma, hata kamba yahakimbilila hana uupango wa nhosa, mumsegese munhu ayo na mumkome.

Kulawa 30:33

Munhu yoyose yonda yatende mavuta kamba gano, hebu yahamgidila munhu hafaya kugidiligwa mavuta gano, munhu ayo kobaguligwa na wanhu zake.’ ”

Nongezi 14:31

Yombezeli mkiwa komuliga yamulumbile, lakini munhu yomonela bazi ngaengae komtogola Imulungu.

Walawi 20:10

“ ‘Kamba mbigalo yahatenda ugoni na mwehe wa miyage, wose wabili wakomigwe.

Walawi 20:3

Niye mwenyego nomgevuzikila munhu ayo na kumbagula na wanhu zake kwavija kamulava imoja wa wanage nhosa kwa imulungu Moleki na avo kahafitiza hanhu hong'ala na twaga jangu ding'ala.

Walawi 20:6

“ ‘Kamba munhu yoyose yahawacholela walaguzi wa mizimu na wahawi na koleka kunitamanila niye, nomgevuzikila munhu ayo na nombagula na wanhu zake.

Kupetigwa 15:29

Mokuwa na malagizo gagano kwa munhu yoyose yotenda nzambi bila kujuwa, yawe mwenekae hebu munhu baki yokala hamoja na mweye.

Kupetigwa 9:13

Lakini munhu yoyose yong'ala hebu heli mmwanza, yahaleka kuideng'helela nyimwilinyimwili ya Pasaka, yabaguligwe na wanhu zake kwavija hanilavile nhosa mna ikipindi kikigwe. Kolondigwa yatagusigwe kwa nzambi yake.

Matayo 12:32

Munhu yoyose yolonga mbuli za kumliga Mwana wa Munhu, maligo gake gogeligwa kumgongo, lakini munhu yomuliga Loho Yang'alile, maligo gake honda gageligwe kumgongo ng'o mwiisi ino hebu mwiisi yonda ize.

Kumbukumbu 1:43

Avo niye niwalongela, lakini hamutegeleze bule na mudilema lagizo da Mndewa Imulungu na kwa kuitapa kwenu mukwela kuvigongo avo.

Kumbukumbu 32:27

ila nidumba kuitapa kwa awo owehila, ili awo owehila sikuwagese kamba wawabananga, na niye Mndewa Imulungu sitendile kinhu!’

Waebulania 10:26

Twahagendelela kutenda nzambi giladi na kwavija tuujuwa ukweli, kuduhu nhosa isigale yonda ilavigwe kabili kusegesa nzambi za wanhu.

Waebulania 10:29

Vino, yokuwa vilihi wanhu waja ombezeli Mwana wa Imulungu? Munhu iyogesa kamba kinhu kidodo damu ya lagano da Imulungu isunhile nzambi zake, munhu yomulonga vihile Loho wa Imulungu yotugwaa ng'hekewa. Geseni nhaguso yonda yaipate munhu ayo yobanza ukwiha!

2 Petulo 2:10

Ng'hani ng'hani wanhu waja okweleleza vizisulukila ng'huli zao na oubeza udahi wa Imulungu. Wanhu awo wavizi na oitapa, hawadumba kuviliga vinhu ving'ala viumbigwe vili ako kuulanga.

1 Yohana 5:16

Munhu yahamona ndugu yake katenda nzambi haimgala mwiiifa, yampulile kwa Imulungu nayo Imulungu komgwelela ugima. Nolonga mbuli ino kwa awo watendile nzambi haimgala munhu mwiiifa. Lakini kuna nzambi yomgala munhu mwiiifa, na niye silonga kamba mumpulile kwa Imulungu.

1 Samweli 2:25

Kamba munhu yahamtendela nzambi miyage, Imulungu kodaha kuwagombeleza, lakini kamba munhu yahamtendela nzambi Imulungu nani yodaha kumgombeleza?” Lakini wanage hawamtegeleze tatao, kwavija Mndewa Imulungu kagesa kuwakoma.

1 Samweli 3:14

Avo noiduwila mbuli ya ing'anda ya Eli kamba gehile ga ng'anda ya Eli hagaloholigwa kwa nhosa hebu kwa sadaka yoyose milele.”