Kupetigwa 15:15 - Biblia Kikutu

¹⁵ Muulelo wenu wose onda wize, malagizo gagaja gomukweleleza mweye gago gonda wakweleleze hewo na vivija munhu baki yoyose yokala hamoja na mweye. Mgameso ga Mndewa Imulungu mose mwa sawa,

Kupetigwa 15:15 ပူးပေါင်းရင်းမြစ်များ

Kulawa 12:14

Siku ayo muikumbuke, na mweye mutende nyimwilinyimwili kwa Mndewa Imulungu, muitende iwe nyimwilinyimwili kwa ulelo wenu wose mbuli ya niye, dino dokuwa lagizo da milele kumwenu.”

Kulawa 12:24

Mweye na ulelo wenu mugagoge malagizo gano milele.

Kulawa 12:43

Mndewa Imulungu kawalongela Musa na Haluni, “Uno awo mwiko wa Pasaka. “Munhu baki sikuyaje ndiya ya Pasaka.

Kulawa 12:49

Mwiko uno okuwa kwa Mwiizilaeli na kwa munhu baki yokala na mweye.”

Kulawa 28:43

Haluni na wanage wavale kaputula zizo wahengila mdihema da mting'hano, hebu waheza muupango wa kulavila nhosa, kusang'hana kamba walava nhosa hanhu hong'ala ili sikuwoneke wa mwazi na wakomigwe. Lagizo dino digogigwe milele na Haluni na ulelo wake.

Walawi 24:22

Molondigwa muwe na malagizo gagano, kwa munhu baki hebu kwa mwenekae. Niye ayo Mndewa Imulungu wenu.’ ”

Kupetigwa 10:8

Wanhu wa ulelo wa Haluni, awo iwalava nhosa, awo onda wazitowe azo zimhalati. Mbuli azo muzigoge siku zose mweye na ulelo wenu.

Kupetigwa 15:14

Na kamba kuna munhu baki yokala hamoja na mweye kwa siku ndodo hebu siku nyingi, yahalonda kulava nhosa yake ya kusoma moto kamba mnung'ho uninogeza niye Mndewa Imulungu, munhu ayo yatende kamba mweye vimutenda.

Kupetigwa 15:29

Mokuwa na malagizo gagano kwa munhu yoyose yotenda nzambi bila kujuwa, yawe mwenekae hebu munhu baki yokala hamoja na mweye.

Kupetigwa 18:8

Mndewa Imulungu kamulongela Haluni, “Nokugwaa gweye sadaka ziwanilavile Waizilaeli, nokugwaa vinhu Waizilaeli wavilavile kumwangu nokugwaa gweye. Nokugwaa gweye na ulelo wako vinhu vose avo kamba fungu jenu, ajo dokuwa fungu jenu siku zose.

Kupetigwa 9:14

“ ‘Kamba kuna munhu baki kokala kumwenu na kolonda kuideng'helela nyimwilinyimwili ya Pasaka, kolondigwa yatende kamba malagizo ga Pasaka vigolonda. Kila munhu kolondigwa yakweleleze malagizo gano, yawe munhu baki hebu mwenekae.’ ”

Wagalatia 3:28

Avo kwa kuilumba na Yesu Kilisito wanhu wose kuduhu kuibagula. Kuduhu Wayahudi na Wagiliki, kuduhu watumwa na wanhu wakomboligwe, kuduhu wambigalo na watwanzi, wose kinhu kimoja.

Wakolosai 3:11

Kwa mbuli ino kuduhu wanhu haweli Wayahudi hebu Wayahudi, wengile kumbi hebu hawengile kumbi, wenekae hebu wanhu baki na walekesigwe lakini Kilisito ayo kila kinhu na kamumo mna igose.

Yoshua 8:33

Waizilaeli wose, iwanhu baki na iwenekae na iwavele wao na vilongozi na iwasemi wema mwambu kwa mwambu wa disanduku na Iwalawi, iwalava nhosa wadipapile disanduku da lagano da Mndewa Imulungu, nusu wema kuulongozi wa lugongo lwa Gelizimu na nusu wema kuulongozi wa lugongo lwa Ebali kamba Musa imsang'hanaji wa Mndewa Imulungu viyalagize aho haichanduso mbuli ya kuwatambikila Waizilaeli.

1 Samweli 30:25

Siku dijo Daudi keka lagizo mwiisi ya Izilaeli na kumwande na mbaka lelo.