Kupetigwa 14:9 - Biblia Kikutu

⁹ Lakini sikummuleme Mndewa Imulungu, na sikumuwadumbe iwenekae wa isi ayo, kwavija hewo kamba wana wadodo kumwetu. Kiwotamanila kisegesigwa, lakini Mndewa Imulungu kahamoja na siye, sikumuwadumbe!”

Kupetigwa 14:9 ပူးပေါင်းရင်းမြစ်များ

Mwanduso 48:21

Abaho Izilaeli kamulongela Yusufu, “Niye sambi nofa. Lakini Imulungu kokuwa hamoja na mweye, na kowabweza mwiisi ya wahenga zenu.

Zabuli 106:24

Waibezeli isi ija inogile, hawagatogole gaja gayalongile.

Zabuli 121:5

Mndewa Imulungu ayo mkalizi wako, Mndewa Imulungu kokukaliza ubanzi wa mkono wako wa kudila.

Zabuli 14:4

Vino awo otenda gehile wabule nzewele? Owadafuna wanhu zangu kamba magate, na hawamgelegeza Mndewa Imulungu.

Zabuli 46:11

Mndewa Imulungu yeli na udahi wose kahamoja na siye, Imulungu wa Yakobo ayo ngome yetu.

Zabuli 46:7

Mndewa Imulungu yeli na udahi wose kahamoja na siye, Imulungu wa Yakobo ayo ngome yetu.

Zabuli 46:8

Mwize mulole gaja gayatendile Mndewa Imulungu, loleni viyaitendile isi vihame.

Zabuli 74:14

Gweye ayo utulile pala da Lewiasani, na kumulava kamba ndiya ya viumbe va kuluwala.

Zabuli 91:1

Heyo yokala hana uukalizi wa ayo yeli Uchanha Ng'hani, yokala kudisisila da ayo yeli na udahi wose.

Kulawa 14:13

Musa kawedika, “Sikumudumbe, imeni mulole lelo Mndewa Imulungu vonda yawakombole, kwavija wano Wamisili omuwona lelo honda muwone kabili.

Kulawa 33:16

Vino niye nojuwaze kamba nonogeligwa na gweye, niye na wanhu zako kamba huchola hamoja na siye? Wahachola na siye mbuli ayo yotutenda niye na wanhu zako tuwe wanhu tulieka mna iwanhu wose mwiisi yose.”

Kupetigwa 13:30

Lakini Kalebu kawatenda wanhu wanyamale kuulongozi wa Musa, kawalongela, “Tucholeni tukaisole isi ayo, kwavija todaha kuwahuma.”

Kupetigwa 17:6

Musa kawalongela Waizilaeli. Vilongozi wa iwanhu wose wamgwaa kila imoja fimbo yake kamba kabila jake vidili, zose kwa zose zikala fimbo longo na mbili. Fimbo ya Haluni ikigwa hamoja na fimbo azo.

Kupetigwa 20:2

Hanhu aho hawekile ing'hambi kukala kuduhu mazi ga kung'wa. Avo wanhu wose waiting'hana kuulongozi wa Musa na Haluni.

Kupetigwa 24:8

Imulungu kawalava mwiisi ya Misili. Heyo kowagombela kwa nguvu zake kamba simba viyowagombela wanage. Kowakoboza wanhu wa isi owehila. Koibena mizege yao. Kowahoma kwa migoha yake.

Matayo 1:23

“Mhambe kogoga inda, na kolela mwana wa kimbigalo, nao omkema Imanueli,” fambulo jake, “Imulungu kahamoja na siye.”

Walumi 8:31

Mzimbuli zose zino, tulonge choni, Imulungu yahawa ubanzi wetu, nani yodaha kututenda mbuli yoyose?

Kumbukumbu 1:21

Loleni, Mndewa Imulungu, Imulungu wenu kawagwaa mweye isi ino. Avo ingileni mukaisole kamba Mndewa Imulungu, Imulungu wa wahenga zenu viyawalongele. Sikumudumbe hebu kunyawanyawa!’

Kumbukumbu 1:26

“Lakini mweye hamulondile kugoga lagizo da Mndewa Imulungu, Imulungu wenu, mulema kuchola mwiisi ayo.

Kumbukumbu 1:29

“Lakini niye niwalongela vino, ‘Sikumunyawenyawe na sikumuwadumbe wanhu awo.

Kumbukumbu 31:6

Mugangamale na muwe magalu, sikumuwadumbe hebu kunyawanyawa, kwavija Mndewa Imulungu, Imulungu wenu kochola hamoja na mweye. Heyo hawaleka bule hebu kuwasemwa.”

Kumbukumbu 31:8

Mndewa Imulungu ayo yowalongoza, heyo kokuwa hamoja na mweye, heyo hawaleka bule hebu kuwasemwa. Avo sikumudumbe hebu kunyawanyawa.”

Kumbukumbu 32:42

Misale yangu yokoligwa damu, sime jangu dokwiguta nyama, sime jangu dododa kwa damu ya vilonda va wafungwa, na awo onihila weli na mvili nhali.’

Kumbukumbu 7:18

Sikumuwadumbe, kumbukeni gaja Mndewa Imulungu, Imulungu wenu, gayamtendele Falao na iwanhu wose wa Misili.

Kumbukumbu 7:21

Avo, sikumuwadumbe kwavija Mndewa Imulungu, Imulungu wenu kahamoja na mweye. Heyo kana udahi na nguvu.

Kumbukumbu 9:7

“Kumbukeni na sikumuisemwe vimumgevuze Mndewa Imulungu, Imulungu wenu kuja kuluwala. Tangu siku dija dimusegele mwiisi ya Misili mbaka vimuvikile hanhu hano, mweye momulema Mndewa Imulungu.

Wafilipi 1:27

Avo kinhu kilondigwa hano mbuli zenu ziigale kamba viilonda mbuli inogile ya Kilisito, kamba nahadaha kwiza kuwalola hebu nahawahulika, nojuwa kuwa mose mogangamala hamoja kwa loho imoja na kudigombela hamoja tamanilo dilawa kwa Mbuli Inogile.

Yoshua 1:5

Kuduhu munhu yodaha kukuhuma siku zose za ugima wako. Nokuwa hamoja na gweye, kamba vinikalile hamoja na Musa. Sikuleka bule hebu kukusemwa.

Yoshua 14:12

Avo, sambi unigwelele isi ino ya kuvigongo iyalongile Mndewa Imulungu siku ija, kwavija gweye kuhulika siku ija kamba Waanaki wakala okala mumo, mna gamabuga gazunguluswe senyenge ya mibwe. Mndewa Imulungu yawe na niye, na niye nowawinga kamba Mndewa Imulungu viyalongile.”

Wasemi 1:22

Vivija iwanhu wa ulelo wa Yusufu, kabila da Efulaimu na kabila da Manase wakwela wachola kudibuga da Beseli, na Mndewa Imulungu kakala hamoja na hewo.