Kupetigwa 13:33 - Biblia Kikutu

³³ Ako tuyona mizinhu mikulu, awo iwanhu wa ulelo wa Anaki. Siye tuyona kamba mbalangulu na hewo vivo watuwone.”

Kupetigwa 13:33 ပူးပေါင်းရင်းမြစ်များ

Mwanduso 6:4

Mzisiku azo na kumwande, kukala na mizinhu mikulu mwiisi ilawilile mbuli ya viumbe wayagwe wa kuulanga viwawasile na wandele wa wanhu. Mizinhu ayo, iyo ikalile na nguvu na ijuwigwa ng'hani baho umwaka, na ikemigwa Wanefili.

Kupetigwa 13:22

Wachola mbaka Negebu na wabita mbaka buga da Hebuloni. Amo wawavika Waahimani na Washeshai na Watalimai, ulelo wa Anaki. Buga da Hebuloni dikala dilongole kuzengwa kwa miyaka saba ding'hali hadinazengwa buga da Soani dili ako Misili.

Kupetigwa 13:28

Lakini iwenekae wa isi ayo wana nguvu ng'hani na mabuga gao makulu na gazunguluswa senyenge ya mibwe. Vivija tuyona mizinhu mikulu, awo iwanhu wa ulelo wa Anaki.

Kupetigwa 14:1

Ikilo acho wanhu wose wa Izilaeli waiyalala na kulila.

Kumbukumbu 1:28

Avo tuchole kwahi? Ndugu zetu watubena nguvu, watulongela, “Wanhu awo wana nguvu na watali kubanza siye, mabuga gao makulu, wagazungulusila senyenge mbaka kuulanga. Vivija tuyona mizinhu mikulu, awo iwanhu wa ulelo wa Waanaki!” ’

Kumbukumbu 2:10

Umwaka isi ayo ya Ali wakala wanhu wengi ng'hani wakalile na nguvu wakemigwe Waemi na wakala watali kamba Waanaki.

Kumbukumbu 3:11

Mndewa Ogu wa ako Bashani ayo yaiyeka yasigale hagati ya Walefai, lusazi lwake lutendigwa kwa zuma, na lukala na utali wa makono mane na ugazi wa makono mabili, kamba iwanhu viwapimaga. Lusazi alo lung'hali kuko ako Laba buga da Waamoni.

Kumbukumbu 9:2

Wanhu wenyego watali na wana nguvu, awo Waanaki na kamba vimujuwa na kamba vimuhulika iwanhu viwalongaga, ‘Nani yodaha kuitowa na Waanaki?’

Yoshua 11:21

Kipindi acho Yoshua kachola kuwakoma Waanaki wakalile okala ako kuna iisi ya kuvigongo, kulawa Hebuloni na Debili na Anabu na isi yose ya kuvigongo va Yuda na isi yose ya kuvigongo va Izilaeli. Yoshua kagananga mabuga gao gose na kawakoma wose.

Yoshua 14:12

Avo, sambi unigwelele isi ino ya kuvigongo iyalongile Mndewa Imulungu siku ija, kwavija gweye kuhulika siku ija kamba Waanaki wakala okala mumo, mna gamabuga gazunguluswe senyenge ya mibwe. Mndewa Imulungu yawe na niye, na niye nowawinga kamba Mndewa Imulungu viyalongile.”

Yoshua 15:14

Kalebu kawawinga wanhu wadatu wa ulelo wa Anaki hamoja na wanhu zao, wakalile Sheshai na Ahimani na Talimai.

1 Samweli 17:24

Waizilaeli viwamonile Goliati, wamkimbila na kumdumba ng'hani.

1 Samweli 17:42

Ija Imfilisiti viyamulolile goya Daudi, kambezeli kwavija Daudi kakala mbwanga yanogile.