Kupetigwa 13:29 - Biblia Kikutu

²⁹ Waamaleki okala ako Negebu, Wahiti na Wayebusi na Waamoli okala kuvigongo, na Wakanaani okala behi na bahali ya Meditelania na behi ya lwanda lwa Yolidani.”

Kupetigwa 13:29 ပူးပေါင်းရင်းမြစ်များ

Mwanduso 14:7

Abaho wabwela kuchugu mbaka Enimishipati hebu Kadeshi, waitowa isi yose ya Waamaleki na kuwahuma na vivija wawatowa Waamoli wakalile Hazazoni Tamali.

Zabuli 83:7

wanhu wa Gebali na Amoni na Amaleki, na Ufilisiti, hamoja na iwanhu wa Tilo.

Kulawa 3:17

Na niye nilonga kamba nowalava mwiisi ya Misili kuna gamagazo, nowagala mwiisi ya Wakanaani na Wahiti na Waamoli na Wapelizi na Wahivi na Wayebusi mwiisi imemile uki na maziwa.’

Kulawa 3:8

avo nihumuluka ili niwakombole walawe mmakono gawa Misili na niwagale mwiisi ng'hulu na inogile, isi imemile uki na maziwa, isi ya Wakanaani na Wahiti na Waamoli na Wapelizi na Wahivi na Wayebusi.

Kupetigwa 13:17

Musa viyawatumile wachole wakaisungulile isi ya Kanaani, kawalongela, “Avo choleni Negebu, mkakwele ivigongo,

Kupetigwa 13:30

Lakini Kalebu kawatenda wanhu wanyamale kuulongozi wa Musa, kawalongela, “Tucholeni tukaisole isi ayo, kwavija todaha kuwahuma.”

Kupetigwa 14:25

Kwavija Waamaleki na Wakanaani okala kugamabonde ga isi ayo, avo mayo mubwele kukisogo muchole kuluwala kuna inzila ilongoza bahali ya Shamu.”

Kupetigwa 14:43

Avo mwahachola kuitowa na Waamaleki na Wakanaani, mofa kuing'hondo kwavija mulema kumkweleleza Mndewa Imulungu, heyo hali hamoja na mweye.”

Kupetigwa 14:45

Avo Waamaleki na Wakanaani wakalile okala mwiisi ayo ya ivigongo wahumuluka hasi wawatowa na kuwahuma, wawawinga mbaka mwiisi ya Holima.

Kupetigwa 24:20

Abaho Balaamu kawalola Waamaleki, kalonga usenga uno wa ulaguzi, “Waamaleki ni wanhu wa isi ili na nguvu kubanza zose. Lakini ako kumwande yopotela yose.”

Kumbukumbu 20:17

Muwakome iwanhu wose, Wahiti na Waamoli na Wakanaani na Wapelizi na Wahivi na Wayebusi kamba Mndewa Imulungu, Imulungu wenu viyawalagize,

Kumbukumbu 7:1

“Mndewa Imulungu, Imulungu wenu vonda yawavikize mwiisi yumuchola kuisola, na kowawinga wanhu wa isi nyingi wasegele mwiisi ayo. Vonda mwingile kowawinga wanhu wa isi saba, isi zili na nguvu na wanhu wengi kubanza mweye, isi za Wahiti na Wagiligashi na Waamoli na Wakanaani na Wapelizi na Wahivi na Wayebusi.

Yoshua 10:5

Abaho awo iwandewa watano wa Waamoli, mndewa wa Yelusalemu na mndewa wa Hebuloni na mndewa wa Yalimuti na mndewa wa Lakishi na mndewa wa Eguloni wailumba hamoja na iwakalizi zao, abaho wachola Gibeoni, weka ng'hambi kudizunguluka dibuga na kudivamila.

Yoshua 10:6

Iwanhu kulawa Gibeoni wamgalila usenga Yoshua ako Giligali kuna ing'hambi, wamulongela, “Sikuutuleke siye wasang'hanaji wako, wize himahima utuhonye na ututaze, kwavija iwandewa wose wa Waamoli iwokala mwiisi ya kuvigongo waiting'hana watutowe siye.”

Yoshua 3:10

Yoshua kawalongela, “Sambi mojuwa kamba Imulungu yeli mgima ka hagati yenu na heyo halemelwa kinhu, kowaswaswanya mgameso genu Wakanaani na Wahiti na Wahivi na Wapelizi na Wagiligashi na Waamoli na Wayebusi.

Yoshua 5:1

Baho iwandewa wose wa Waamoli wakalile okala umwambu wa kudihongela zuwa wa lwanda lwa Yolidani, na iwandewa wose wa Wakanaani wakalile okala behi ya bahali, viwahulike Mndewa Imulungu kaganyaza mazi ga lwanda lwa Yolidani mbuli ya iwanhu wa Izilaeli mbaka wose viwalokile, wadumba na kuduhu nguvu isigale kumwao mbuli ya iwanhu wa Izilaeli.

Yoshua 9:1

Iwandewa wose wakalile umwambu wa lwanda lwa Yolidani, mna iisi ya vigongo na kudibawe na isi yose ili behi na ibahali ing'hulu kulongozela Lebanoni, Wahiti na Waamoli na Wakanaani na Wapelizi na Wahivi na Wayebusi viwahulike mbuli ayo,

Wasemi 3:5

Avo iwanhu wa Izilaeli wakala hagati ya Wakanaani na Wahiti na Waamoli na Wapelizi na Wahivi na Wayebusi.

Wasemi 6:3

Waizilaeli wahahanda mbeyu mmigunda, Wamidiani na Waamaleki na wanhu wayagwe wa kuko umwambu wa kudilawila zuwa weza kuwavamila.

1 Samweli 14:48

Kaitowa na hewo kwa udahi, na kawahuma Waamaleki na kawagombola Waizilaeli kulawa mmakono ga awo wawavamile na kusola vinhu vao.

1 Samweli 27:8

Kipindi chose acho Daudi na wanhu zake wakala owatowa Wageshuli na Wagilizi na Waamaleki, tangu umwaka wanhu awo wakala wenekae wa isi azo. Kawatowa kulawa mwiisi yao mbaka Shuli, mzimbaka za isi ya Misili.

1 Samweli 30:1

Siku da kadatu, Daudi na wanhu zake wavika Sikilagi. Waamaleki wakala wavamile Negebu ya Yuda hamoja na buga da Sikilagi na wadisoma moto buga da Sikilagi,

1 Samweli 7:14

Gaja gamabuga ga Izilaeli, Wafilisiti wakalile wagasolile, gabwezigwa kwa Waizilaeli, kulawa buga da Ekiloni mbaka buga da Gati na Waizilaeli waigombola isi yao yose. Avo kukala na tindiwalo hagati ya Waizilaeli na Waamoli.