Kupetigwa 12:8 - Biblia Kikutu

⁸ Niye nolonga na heyo kihanga kwa kihanga, silonga kwa kuzunguluka. Heyo konyona niye Mndewa Imulungu vinili. Avo habali hamdumbile kumulonga vihile msang'hanaji wangu Musa?”

Kupetigwa 12:8 ပူးပေါင်းရင်းမြစ်များ

Mwanduso 32:30

Yakobo kalonga, “Nimona Imulungu meso kwa meso, na ning'hali mgima.” Avo kahakema hanhu aho Penueli.

Zabuli 17:15

Lakini niye nokilola kihanga chako mna ihaki, nahalamuka nokwiguta kihanga chako.

Zabuli 49:4

Notega gwiti jangu nhegeleze nongezi, notegula kitendawili kwa bango.

Kulawa 19:19

Sauti ya mhalati igendelela kuhulikigwa ng'hani. Abaho Musa kalonga na Imulungu, Imulungu nayo kamwidika kwa ng'huwa.

Kulawa 20:4

“Sikuutende kinyago kiigalile na kinhu chochose kili kuulanga hebu mwiisi hebu mgamazi hasi ya isi ili ukitambikile.

Kulawa 33:11

Mndewa Imulungu kakala kolonga na Musa meso kwa meso, kamba vija munhu na mbwigake. Abaho Musa kabwela kabili kuna ing'hambi na mbwanga Yoshua mwanage Nuni hasegele kuna dihema.

Kulawa 33:19

Mndewa Imulungu kamulongela Musa, “Nobita kuulongozi wako, kuno noditambula twaga jangu Mndewa Imulungu. Nomtendela ganogile munhu yoyose inimulonda na nomonela bazi munhu yoyose inimulonda.

Kulawa 33:23

Abaho nousegesa mkono wangu kuchugu changu, na gweye konyona kumgongo, lakini honda uchone kihanga changu.”

Kulawa 34:30

Haluni na Waizilaeli wose viwamonile Musa, wadumba kumkwesela behi kwavija kihanga chake kikala chong'ala.

Nongezi 1:6

Odaha kutanga nongezi na mafambulo gake, ozitanga mbuli za wanhu weli na ubala na vitendawili vao.

Kupetigwa 14:14

owalongela wanhu okala isi ino. Wanhu wano wahulika kamba gweye Mndewa Imulungu kwa hamoja na siye, kwavija gweye Mndewa Imulungu koneka kwa meso kipindi wingu jako dahemaga uchanha yetu, na gweye kutulongolelaga, imisi kwa mhanda ya wingu na ikilo kwa mhanda ya moto.

Kupetigwa 7:89

Musa viyengile mna dihema da mting'hano ili kulonga na Mndewa Imulungu, kahulika sauti kulawa mwambu wa uchanha wa ingubiko ya disanduku da lagano, hagati ya awo iviumbe wabili weli na mabawa, sauti ayo imulongela.

Matayo 13:35

Katenda gano ili galawilile gaja gayalongile mtula ndagu wa Imulungu, “Nolonga nao kwa simo, Nowalongela mbuli zifisigwe kusongela kulumbigwa kwa isi.”

Luka 10:16

Yesu kawalongela wanahina zake, “Munhu yoyose yowategeleza mweye, konhegeleza niye, na yoyose yowalema mweye, kondema niye. Na munhu yoyose yondema niye, komulema ija yanhumile.”

Yohana 1:18

Kuduhu munhu yamonile Imulungu, lakini Imwana yaiyeka yaigalile na Imulungu na kuilumba na Tata, ayo yatutendile tumjuwe Imulungu.

Yohana 15:15

Siwakema kabili watumwa, kwavija watumwa hawajuwa kija chootenda mkulu wao. Lakini nowakema mbwiga, kwavija niwalongela kila kinhu kimhulike kwa Tatangu.

Yohana 15:24

Maza sitendile kumwao mbuli zija hazinatendigwa na munhu yoyose, sambi wawe na nhaguso ya nzambi. Lakini wazona mbuli zinhendile na watwihila niye na Tatangu.

1 Wakolinto 13:12

Kitona sambi kamba lumvuye mvuye mna ikiyoo, lakini aho kumwande tokona meso kwa meso. Sambi nojuwa hadodo, aho kumwande nojuwa goya, kamba vija Imulungu viyanjuwile niye.

2 Wakolinto 3:18

Avo siye wose, vihanga vetu havigubikigwe tuigala na kiyoo kulagusa ukulu wa Mndewa. Togalusigwa tuigale ng'hani na tuvike muukulu ng'hani. Ino ayo sang'hano ya Loho wa Mndewa.

Kumbukumbu 18:15

“Mndewa Imulungu, Imulungu wenu komwinulilani mtula ndagu kamba niye kulawa hagati yenu, Mwiizilaeli miyenu na mweye mumtegeleze heyo.

Kumbukumbu 34:10

Hanalawilila mtula ndagu iyagwe hagati ya iwanhu wa Izilaeli kamba Musa, ayo Mndewa Imulungu yalongile nayo meso kwa meso.

Kumbukumbu 4:15

“Avo, sikumuisemwe kamba Mndewa Imulungu viyalongile na mweye muumoto ako kulugongo lwa Holebu, hammone viyali. Avo muiteganye ng'hani,

Kumbukumbu 5:8

“ ‘Sikuutende kinyago kiigalile na kinhu chochose kili kuulanga hebu mwiisi hebu mgamazi hasi ya isi ili ukitambikile.

Wakolosai 1:15

Kilisito yokoneka kaigala too na Imulungu hakoneka. Kilisito ayo chaudele, heyo ayo mkulu wa vinhu vose viumbigwe.

1 Wasesalonike 4:8

Avo munhu yoyose iyolema mafundizo gano hamulema munhu ila komulema Imulungu mwenyego yowagwaa Loho wake Yang'alile.

1 Timoseo 6:16

Heyo yaiyeka yeli mgima siku zose, yakalaga kuna umulenge uleka kuvikigwa na munhu. Kuduhu munhu yamonile, kuduhu yodaha kumona. Kumwake uwe ukulu na kutegelezigwa siku zose! Ona.

Waebulania 1:1

Baho umwaka, Imulungu kalonga na wahenga zetu miyanza mingi na kwa nzila nyingi kubitila watula ndagu wake,

Waebulania 1:3

Heyo ayo mng'alo wa ukulu wa Imulungu na koigala na Imulungu too! Kila kinhu cholawilila kwa lagizo jake dili na nguvu. Viyamambukize kuzisunha nzambi za wanhu, kakala kuna uukulu kuko kuulanga mwambu wa mkono wa kudila wa Imulungu mkulu.

2 Petulo 2:10

Ng'hani ng'hani wanhu waja okweleleza vizisulukila ng'huli zao na oubeza udahi wa Imulungu. Wanhu awo wavizi na oitapa, hawadumba kuviliga vinhu ving'ala viumbigwe vili ako kuulanga.

Yuda 1:8

Vivo ili kwa wanhu wano, wao walota nzozi, ng'huli zao zifitizwa, wenyego oubezeli udahi wa Imulungu na kuviliga viumbe ving'alile ako kuulanga.