Kupetigwa 12:6 - Biblia Kikutu

⁶ Abaho Mndewa Imulungu kawalongela, “Tegelezeni mbuli zangu. Kamba hana mtula ndagu hagati yenu, niye Mndewa Imulungu noigubula kwa kumulagusila vinhu na nolonga na heyo mzinzozi.

Kupetigwa 12:6 ပူးပေါင်းရင်းမြစ်များ

Mwanduso 15:1

Vizibitile mbuli azo, Mndewa Imulungu kamulongela Abulamu mzinzozi, “Abulamu, sikuudumbe! Niye ayo ngao yako. Niye na hamoja na gweye, na kinhu acho kinoga ng'hani kumwako.”

Mwanduso 20:7

Sambi mbweze mtwanzi ayo kwa mkasano wake. Abulahamu ni mtula ndagu wangu, avo kokupulila sambi ufe. Lakini kamba humbweza bule, nokuzuma, gweye na wanhu zako wose mofa.”

Mwanduso 28:12

Kalota nzozi, mwiinzozi kona kidando kulawa mwiisi mbaka kuulanga na wasenga wa kuulanga wakala odanda na kuhumuluka mkidando acho.

Mwanduso 28:16

Yakobo viyalamuke muutulo, kalonga, “Ukweli Mndewa Imulungu kabaha, na niye ng'hala sijuwile bule!”

Mwanduso 37:5

Yusufu kalota nzozi, na viyawalongele ndugu zake, avo wabanza kumwihila.

Mwanduso 37:9

Abaho kalota nzozi iyagwe, na kawalongela ndugu zake, kawalongela, “Loleni nilota nzozi iyagwe, avo zuwa na mbalamwezi na nhondo longo na imoja vikala vinifugamila.”

Mwanduso 46:2

Imulungu kalonga na Izilaeli ikilo mwiinzozi kamkema, “Yakobo, Yakobo.” Yakobo kedika, “Nabaha.”

2 Samweli 7:4

Lakini kilo kikija mbuli ya Mndewa Imulungu imwizila Natani imulongela,

Zabuli 105:15

Kalonga, “Sikumuwakwase iwanhu zangu niwasagule, na sikumuwalumize watula ndagu zangu.”

Zabuli 89:19

Kulonga mkipindi fulani mzinzozi, kwa iwanhu wako otamanilwa kulonga, “Nimgwaa nguvu digalu, nimwinula mbwanga hagati ya iwanhu.

Kulawa 7:1

Avo Mndewa Imulungu kamulongela Musa, “Nokutenda gweye kamba Imulungu kwa Falao, na ndugu yako Haluni kokuwa kamba mtula ndagu wako.

Kupetigwa 24:4

Usenga wa munhu yahulike mbuli za Imulungu. Munhu yalagusiligwe kinhu na Mndewa Imulungu yeli na Udahi wose. Munhu yagwile kingubanguba na kugona gose.

Matayo 1:20

Viyakalile kogelegeza vivo, msenga wa kuulanga wa Mndewa kamulawila mzinzozi na kamulongela, “Yusufu mzukulu wa Daudi, sikuudumbe kumsola Malia yawe mwehe wako, kwavija inda yake kaipata kwa udahi wa Loho Yang'alile.

Matayo 2:19

Helode viyafile, msenga wa Mndewa kamulawilila Yusufu mzinzozi mwiisi ya Misili,

Matayo 23:31

Avo moilagusa wenyego kamba mwa wazukulu wa hewo wawakomile watula ndagu wa Imulungu.

Matayo 23:34

Avo nowagalila watula ndagu wa Imulungu na wanhu weli na nzewele, na wafundiza. Wayagwe mowakoma, wayagwe mowawamba na wayagwe mowatowa mbalati mna zing'anda za kumpula Imulungu na kuwawinga kulawa buga dino wachole buga diyagwe.

Matayo 23:37

“Gweye Yelusalemu, Gweye Yelusalemu! Kowakoma watula ndagu wa Imulungu na kuwatowa kwa mabwe waja Imulungu yawatumile kumwako! Miyanza mingapi nilonda kuwahagata wanago kwa makono gangu, kamba vija nguku viyovihagata vinziya vake mna gamabawa gake, lakini hulondile bule.

Matayo 27:19

Pilato viyakalile mna ikigoda cha nhaguso, mwehe wake kamtumila usenga, “Sikuumtendele chochose munhu ayo hatendile gehile, kwavija nigaya ng'hani mzinzozi mbuli yake.”

Luka 1:11

Msenga wa kuulanga wa Mndewa kamulawilila Zakalia, kema mwambu wa mkono wa kudila wa upango wa kusomela ubani.

Luka 1:22

Viyalawile kunze hadahile kulonga nao. Wajuwa hana kinhu cha unzonza kiyaonile Mng'anda ya Imulungu, kwavija kawagwaa kilaguso kwa kwinula makono gake, na kakala halonga.

Luka 20:6

Na twahalonga, ‘Ulawa kwa wanhu,’ lunhu lose luno lotutowa mabwe, kwavija wose otogola kamba Yohana kakala mtula ndagu wa Imulungu.”

Sang'hano 10:11

Kona ulanga ugubuka na kona kinhu kamba mgolole mkulu uwambigwe mhande zake nne ohumulusigwa hasi.

Sang'hano 10:17

Petulo viyakalile kokanganya fambulo da kinhu acho, wanhu watumigwe na Kolinelio wavika hana ing'anda ya Simoni, na wakala wemile haulongozi wa ulwivi.

Waefeso 4:11

Heyo ayo, “yawagwelele wanhu nhunza.” Na kawasagula wanhu wayagwe wawe watumigwa na wayagwe wawe watula ndagu wa Imulungu, na wayagwe wawapetele wanhu Mbuli Inogile na wayagwe wawe wasusilaji na wafundiza.

Kumbukumbu 18:15

“Mndewa Imulungu, Imulungu wenu komwinulilani mtula ndagu kamba niye kulawa hagati yenu, Mwiizilaeli miyenu na mweye mumtegeleze heyo.

Kumbukumbu 18:18

Nowenulila mtula ndagu kamba gweye, imoja wa ndugu zao. Niye nogela mbuli zangu mmulomo wake na heyo kowalongela gose gonda nimulagize.

Waebulania 1:1

Baho umwaka, Imulungu kalonga na wahenga zetu miyanza mingi na kwa nzila nyingi kubitila watula ndagu wake,

Ugubulo 11:10

Wanhu okala mwiisi oideng'helela ifa ya wanhu awo wabili. Otenda nyimwilinyimwili na kuigwaa nhunza, kwavija watula ndagu awo wabili wawagaza ng'hani wanhu wa mwiisi.

Ugubulo 11:3

Nowatuma wanhu zangu wabili, olonga usenga wa Imulungu kwa siku elufu moja magana mabili na malongo sita kuno wavala vikumbi.”

1 Samweli 28:6

Hata viyampulile Mndewa Imulungu, Mndewa Imulungu hamwidike kwa nzozi hebu kwa dibwe da kujuwa goyolonda, hebu kwa nzila ya watula ndagu.

1 Samweli 3:15

Samweli kawasa mbaka imitondo, kalamuka kavugula ulwivi lwa ing'anda ya Mndewa Imulungu. Lakini Samweli kakala yodumba kumulongela Eli usenga awo.

1 Samweli 3:21

Mndewa Imulungu kagendelela kumulawilila ako Shilo, kwavija Mndewa Imulungu kaigubula mwenyego kwa Samweli ako Shilo kubitila mbuli yake.