Kupetigwa 11:25 - Biblia Kikutu

²⁵ Aho Mndewa Imulungu kahumuluka mdiwingu na kalonga na heyo. Abaho kasola hanhu ha iloho iyamgwelele Musa, kawagwaa kila imoja wa awo iwavele malongo saba. Loho ayo viiwengile awo iwavele wasonga kulagula, lakini hawabwelele kutenda vivo.

Kupetigwa 11:25 ပူးပေါင်းရင်းမြစ်များ

Zabuli 99:7

Mmhanda ya wingu kakala kolonga na hewo. Wazigoga amuli zake na lagizo diyawagwelele.

Kulawa 32:32

Lakini sambi nokupula uzigele kumgongo nzambi zao, kamba huzigela kumgongo, dilave twaga jangu mna ikitabu chako kiwandike matwaga ga wanhu zako.”

Kulawa 34:5

Abaho Mndewa kahumuluka mdiwingu mbaka hasi na kema hamoja na Musa, kaditambula twaga jake, Mndewa Imulungu.

Kulawa 40:38

Mna imiyanza yao yose Waizilaeli wajona diwingu da Mndewa Imulungu dikala uchanha ya dihema da mting'hano imisi, na ikilo wona moto okwaka mdiwingu uchanha ya dihema.

Kupetigwa 11:17

Nohumuluka hanhu aho na kulonga na gweye, na nosola hanhu ha loho inikugwelele gweye, nowagwaa wanhu awo. Na hewo owalola wanhu wano hamoja na gweye, ili sambi udipape zigo dino gweye wiiyeka.

Kupetigwa 12:5

Baho Mndewa Imulungu kahumuluka mna imhanda ya wingu, kema hana ulwivi lwa dihema, kawakema Haluni na Miliamu. Wose wabili wakwesa kuulongozi.

Kupetigwa 16:25

Avo Musa kachola kwa Datani na Abilamu, na vilongozi wa Waizilaeli wamkweleleza,

Kupetigwa 24:2

Kawona Waizilaeli weka ng'hambi, kila kabila dikala hanhu hake. Abaho Loho ya Imulungu imwizila,

Kupetigwa 27:18

Avo Mndewa Imulungu kamulongela Musa, “Msole Yoshua mwanage Nuni, imunhu yeli na moyo unogile, abaho umwikile makono,

Sang'hano 11:28

Imoja wao yakemigwe Agabo, kema na kwa udahi wa Loho Yang'alile kalagula kamba hokuwa na lufilili lwa nzala mwiisi yose. Ilawilila kipindi cha utawala wa Kilaudio.

1 Wakolinto 14:32

Nhunza ya kulonga usenga wa Imulungu yolondigwa iwe mmakono ga mulongaji.

Yakobo 1:17

Kila nhunza inogile na itelele, yolawa kuulanga kwa Imulungu yalumbile vose vilava mulenge, heyo hagalukaga bule kamba sisila.

2 Petulo 1:21

Kwavija kuduhu usenga wa ulaguzi ulawa kwa munhu, lakini munhu kolonga gaja galawile kwa Imulungu kwa kulongozigwa na Loho Yang'alile.

Wasemi 3:10

Avo, Loho ya Mndewa Imulungu imwingila Osinieli, na heyo kawa msemi wa iwanhu wa Izilaeli. Osinieli kachola kuna ing'hondo na Mndewa Imulungu kamgela mmakono gake Kushani Lishataimu imndewa wa Mesopotamia na heyo Osinieli kamuhuma.

1 Samweli 10:10

Viwavikile Gibea, waditing'hana bumbila da watula ndagu na Loho wa Imulungu kamwizila kwa nguvu, bahaja Sauli kasonga kulagula hamoja na iwatula ndagu.