Kupetigwa 1:53 - Biblia Kikutu

⁵³ Lakini Walawi weke ng'hambi yao kudizunguluka dihema na wadilole goya ili munhu yoyose sikuyadikwesele behi na kuitenda ng'hasiliki yangu iwe ng'hulu mbuli ya wanhu zangu wa Izilaeli.”

Kupetigwa 1:53 ပူးပေါင်းရင်းမြစ်များ

Walawi 10:6

Abaho Musa kamulongela Haluni na wanage wabili, Eleazali na Itamali, “Sikumuleke kubunha mvili zenu na sikumuiyalale kwa kudega dega viwalo venu, bule mofa na Mndewa Imulungu kowagevuzikila wanhu wose. Lakini ndugu zenu na wanhu wose wa Izilaeli, odaha kuiyalala mbuli ya awo walukuzigwe na Mndewa Imulungu.

Kupetigwa 1:50

lakini uwasagule ili wadilolege goya dihema da mting'hano na viya vake vose na kila kinhu kili mgati, wadipape hamoja na viya vake vose. Wasang'hanile mumo na weke ng'hambi yao kudizunguluka dihema.

Kupetigwa 1:54

Avo Waizilaeli watenda kamba Mndewa Imulungu viyamulagize Musa.

Kupetigwa 16:46

Musa kamulongela Haluni, “Sola kiya chako cha kuhalila makala ga moto, gela makala ga moto kulawa muupango wa nhosa, abaho ugele ubani na uchole nacho himahima kwa iwanhu uwatendele loholo. Lopola! Ng'hasiliki ya Mndewa Imulungu iwavikila na utamu usonga hagati yao.”

Kupetigwa 16:9

Vino, mweye mokona mbuli ndodo kumwenu, Mndewa Imulungu kawasagula mweye hagati ya Waizilaeli wose, ili mumkwesele behi na musang'hane mdihema da Mndewa Imulungu, na muwasang'hanile wanhu wose?

Kupetigwa 17:7

Abaho Musa kazika fimbo azo zose kuulongozi wa Mndewa Imulungu mna dihema da mting'hano.

Kupetigwa 2:17

Abaho ing'hambi ya kabila da Walawi ili hagati ya izing'hambi zose, na kuno odipapa ajo dihema na kusegela najo. Kila kabila dochola kwa kukweleleza hanhu hake hasi ya bendela yake.

Kupetigwa 3:23

Ulelo uno wa Gelishoni, walondigwa kwika ng'hambi yao mwambu wa kudihongela zuwa, kumzingo wa dihema da mting'hano.

Kupetigwa 3:29

Ulelo wa Kohati walondigwa weke ng'hambi yao mwambu wa kusini wa dihema da mting'hano,

Kupetigwa 3:35

Kilongozi wa ulelo wa Melali kakala Sulieli mwanage Abihaili, awo olondigwa weke ng'hambi yao mwambu wa kasikazini wa dihema da mting'hano.

Kupetigwa 3:38

Musa na Haluni na wanao weka ng'hambi yao mwambu wa kudilawilila zuwa kuulongozi wa dihema da mting'hano, hewo sang'hano yao ikala kulava nhosa na kulola goya hanhu hong'ala na kusang'hana hanhu aho mbuli ya kinhu chochose kilondigwe kwa Waizilaeli. Munhu yoyose iyagwe yahakwesa behi yakomigwe.

Kupetigwa 31:30

Kulawa mdifungu da iwanhu wose, lava kinhu kimoja kwa kila vinhu malongo matano, iwe wanhu, ng'ombe, vihongwe, ng'hondolo hebu mbuzi. Vinhu avo uwagwee Walawi awo osang'hana mna dihema da Mndewa Imulungu.”

Kupetigwa 31:47

Kulawa mna inusu ayo iwagweleligwe Waizilaeli, Musa kalava mnyama imoja hebu munhu imoja kulawa kila bumbila da malongo matano, kamba Mndewa Imulungu viyamulagize, kawagwaa Walawi awo wasang'hane kuna dihema da Mndewa Imulungu.

Kupetigwa 8:19

na nimgwelela Haluni na wanage, kamba nhunza kulawa kwa Waizilaeli, ili wasang'hane kuna dihema da mting'hano mbuli ya Waizilaeli na wawatendele loholo ili sikukulawilile mikubulo hagati ya Waizilaeli vonda wakwese hanhu hong'ala.”

2 Timoseo 4:2

nokulagiza uwapetele wanhu usenga, uitande kwa kipindi kinogile na kihile, uwalamule wanhu na uwazume na uwagangamize kwa uhole.

1 Samweli 6:19

Mndewa Imulungu kawakoboza wanhu wayagwe wa buga da Beti Shemeshi kwavija walola mgati ya sanduku da lagano da Mndewa Imulungu. Mndewa Imulungu kawakoma wanhu malongo saba na wanhu walila kwa usungu kwavija Mndewa Imulungu kawatowa kwa mikubulo mikulu.