Kumbukumbu 9:5 - Biblia Kikutu

⁵ Mweye moisola isi ya hewo siyo kwavija mweye munoga hebu mizoyo yenu inoga ila Mndewa Imulungu, Imulungu wenu, kowawinga iwanhu awo mgameso genu kwavija watenda gehile na kolonda kudivikiza dija dilagano diyaiduwile kwa iwahenga zenu, Abulahamu na Isaka na Yakobo.

Kumbukumbu 9:5 ပူးပေါင်းရင်းမြစ်များ

Mwanduso 12:7

Ako Mndewa Imulungu kamulawilila Abulamu, kamulongela, “Ino ayo isi yonda niwagwee ulelo wako.” Abaho Abulamu kamzengela upango wa kulavila nhosa Mndewa yamulawilile.

Mwanduso 13:15

Isi yose ino yuulola, nokugwaa gweye na ulelo wako, iwe yenu milele.

Mwanduso 15:16

Vizukulu vako vilembwe vobwela hano, kwavija nzambi za Waamoli zing'hali hazinavikila kuwa nyingi avo niwataguse.”

Mwanduso 15:7

Abaho Mndewa Imulungu kamulongela Abulamu, “Niye ayo Mndewa Imulungu nikugalile kulawa Uli, buga da Wakalidayo, ili nikugwee isi ino.”

Mwanduso 17:8

Nokugwaa isi ino yose ya Kanaani yuukala kamba munhu baki. Isi yose ya Kanaani yokuwa ya ulelo wako milele, na niye nokuwa Imulungu wao.”

Mwanduso 19:29

Avo Mndewa Imulungu viyagabanange mabuga geli kubonde kuyakalile Lutu, kamgesa Abulahamu na katogola Lutu yahonyeke.

Mwanduso 26:4

Noutenda ulelo wako wengezeke kamba vizili nhondo za kuulanga na nowagwaa isi zose zino. Kubitila ulelo wako, wanhu wa makabila gose omweda,

Mwanduso 28:13

Mndewa kema mkidando acho kalonga, “Niye ayo Mndewa Imulungu, Imulungu wa Abulahamu na Imulungu wa Isaka tatako. Isi yuuwasile nokugwaa gweye na ulelo wako.

Kulawa 32:13

Wakumbuke wasang'hanaji zako Abulahamu na Isaka na Izilaeli, gweye mwenyego kuiduwila kwa kulonga, ‘Nowatenda muwe na ulelo kamba nhondo za kuulanga na nowagwelela isi yose inilongile nowagwaa iwe yao milele.’ ”

Walawi 18:24

“ ‘Sikumuifitize kwa kutenda mbuli azo, kwavija mbuli azo zizo zowotenda wanhu wa isi zili kuulongozi wenu na niye nowawinga ili mukale mweye.

Walawi 18:25

Isi yao ifitizigwa na niye niitagusa, nayo iwadeka wanhu okala mumo.

Sang'hano 3:25

Lagano da Imulungu kubitila watula ndagu zake ni jenu, na mweye mwamgati mna idilagano da Imulungu yaditendile kwa wahenga zenu. Kamba viyalongile kwa Abulahamu, ‘Kubitila lukolo lwako nowatenda wanhu wose wa mwiisi wamwede.’

Walumi 11:28

Kwavija Wayahudi wailema Mbuli Inogile, waihila na Imulungu mbuli ya mweye wanhu hamwili Wayahudi. Lakini kwavija wasaguligwa, wang'hali onogeligwa na Imulungu mbuli ya wahenga zao.

Walumi 15:8

Kwavija nowalongela, Kilisito kawasang'hanila Wayahudi kuwalagusila Imulungu kotenda kija kiyalongile, kotenda kija kiyailagane na wahenga zao kilawilile,

Kumbukumbu 1:8

Isi yose ayo niwagwaa mweye, avo gendeni mukaisole isi ayo, niye Mndewa Imulungu niiduwila kwa wahenga zenu, Abulahamu na Isaka na Yakobo na ulelo wao.’ ”

Kumbukumbu 12:31

Sikumumtambikile kamba vivo Mndewa Imulungu, Imulungu wenu, kwavija kila kinhu kimgevuza Mndewa Imulungu, hewo waitendela imilungu yao, na vivija wawasoma moto wanao wa ikimbigalo na wa ikitwanzi ili kuitambikila imilungu yao.

Kumbukumbu 18:12

Munhu yoyose yotenda mbuli kamba zizo komgevuza Mndewa Imulungu. Kwa mbuli kamba azo zigevuza, Mndewa Imulungu, Imulungu wenu kowawinga iwanhu wa isi azo zili kuulongozi wenu.

Kumbukumbu 18:9

“Mwahengila mwiisi iyowagwaa Mndewa Imulungu, Imulungu wenu sikumukweleleze mila zigevuza za iwanhu wa isi azo.

Kumbukumbu 20:18

buleavo, owafunza kukweleleza mila zao zigevuza ziwatendaga kwa imilungu yao, avo na mweye motenda nzambi kwa Mndewa Imulungu, Imulungu wenu.

Tito 3:5

katukombola, siyo kwavija tusang'hana mbuli zinogile lakini kwa mbuli ya bazi jake. Na kubitila Loho Yang'alile, yotutenda tuvumbuke sambi na ugima wa sambi kwa kutusunha kwa mazi.