Kumbukumbu 9:4 - Biblia Kikutu

⁴ “Mndewa Imulungu, Imulungu wenu vonda yamambukize kuwawinga iwanhu awo mgameso genu sikumugelegeze mmizoyo yenu, ‘Kwavija siye tunoga lekaavo Mndewa Imulungu katugala tuisole isi ino.’ Mndewa Imulungu kawawinga iwanhu wano mgameso genu kwavija hewo otenda gehile.

Kumbukumbu 9:4 ပူးပေါင်းရင်းမြစ်များ

Mwanduso 15:16

Vizukulu vako vilembwe vobwela hano, kwavija nzambi za Waamoli zing'hali hazinavikila kuwa nyingi avo niwataguse.”

Walawi 18:3

Sikumutende kamba viwotenda wanhu wa isi ya Misili kuko kumulawile, vivija sikumutende kamba viwotenda wanhu wa isi ya Kanaani kuko kuniwagala. Sikumukweleleze viwotenda hewo.

Walumi 11:20

Ona molonga. Wakanhigwa kwavija hawatogole, mweye musola hanhu hao kwavija mutogola. Lakini sikumuigodele mbuli ayo, ila dumbeni.

Walumi 11:6

Avo wasaguligwa kwa ng'hekewa ya Imulungu, siyo mbuli ya gaja gawasang'hane. Maza Imulungu kosagula wanhu kwa gaja goyosang'hana, baho ng'hekewa yake sambi iwe ng'hekewa bule.

1 Wakolinto 4:4

Muumoyo wangu kuduhu kinhu kinitagusa niye, lakini mbuli ino hailagusa kuwa sibanange. Mndewa ayo wa kunitagusa niye.

1 Wakolinto 4:7

Sikuugese gweye kunoga kubanza wayagwe? Vino siyo Imulungu yakugwelele kila kinhu kiulinacho? Avo lelo koigodela choni, kamba vija vinhu viulinavo hugweleligwe bule?

Kumbukumbu 12:31

Sikumumtambikile kamba vivo Mndewa Imulungu, Imulungu wenu, kwavija kila kinhu kimgevuza Mndewa Imulungu, hewo waitendela imilungu yao, na vivija wawasoma moto wanao wa ikimbigalo na wa ikitwanzi ili kuitambikila imilungu yao.

Kumbukumbu 31:27

Kwavija nojuwa mweye vimwili wadulu na hamutogolaga kutegeleza. Kamba mmulema Mndewa Imulungu vivino vinili mgima avo mobanza ng'hani kumulema vonda nife!

Kumbukumbu 8:17

Avo muiteganye sikumulonge mmizoyo yenu, ‘Siye tuwa matajili kwa nguvu zetu na udahi wetu wenyego.’

Kumbukumbu 9:24

Mweye mmulema Mndewa Imulungu tangu siku viniwajuwile.

Kumbukumbu 9:5

Mweye moisola isi ya hewo siyo kwavija mweye munoga hebu mizoyo yenu inoga ila Mndewa Imulungu, Imulungu wenu, kowawinga iwanhu awo mgameso genu kwavija watenda gehile na kolonda kudivikiza dija dilagano diyaiduwile kwa iwahenga zenu, Abulahamu na Isaka na Yakobo.

Kumbukumbu 9:7

“Kumbukeni na sikumuisemwe vimumgevuze Mndewa Imulungu, Imulungu wenu kuja kuluwala. Tangu siku dija dimusegele mwiisi ya Misili mbaka vimuvikile hanhu hano, mweye momulema Mndewa Imulungu.

2 Timoseo 1:9

Imulungu katukombola na katukema tuwe wanhu zake, siyo mbuli ya gaja gatusang'hane, lakini mbuli ya magesa gake mwenyego na ng'hekewa yake. Isi ing'hali hainalumbigwa katugwaa ng'hekewa kubitila Yesu Kilisito.