Kumbukumbu 8:3 - Biblia Kikutu

³ Kawasegesela kuitapa kwa kuwatenda mukone nzala, abaho kawagwaa ndiya ya mana muje, ndiya ayo hamuijuwile na vivija iwahenga zenu hawaijuwile. Katenda avo ili yawafunze kamba munhu hadaha kuwa mgima kwa kuja kwiiyeka lakini kwa kila mbuli ilawa mmulomo wa Mndewa Imulungu.

Kumbukumbu 8:3 ပူးပေါင်းရင်းမြစ်များ

Zabuli 105:40

Viwalondile kagala ng'hwale, kawagwaa ndiya ya kuulanga mbaka washiba.

Zabuli 37:3

Mtamanile Mndewa Imulungu, na utende ganogile, ukale mwiisi na udeng'helele goya ganogile.

Matayo 4:4

Lakini Yesu kamwidika, “Maandiko Gang'alile golonga, ‘Munhu hawa mgima kwa kuja kwiiyeka, lakini kwa kila mbuli ilawa mmulomo wa Imulungu.’ ”

Luka 4:4

Lakini Yesu kamwidika, “Maandiko Gang'alile golonga, ‘Munhu hawa mgima kwa kuja kwiiyeka!’ ”

1 Wakolinto 10:3

Wose waja gate didija da kiloho.

Kumbukumbu 29:5

“Kwa kipindi cha miyaka malongo mane niwalongoza kuluwala, viwalo venu havilalile, na vilatu venu havilalile mmagulu genu.

Kumbukumbu 29:6

Hamudile magate hebu kung'wa divai hebu kung'wa ugimbi. Nitenda vivo ili mujuwe kamba niye ayo Mndewa Imulungu, Imulungu wenu.

Kumbukumbu 32:47

Kwavija malagizo gano siyo mbuli ziiyeka ila ago ugima wenu, kubitila malagizo gano mokala siku nyingi mwiisi yumuchola kuisola, mwambu wa lwanda lwa Yolidani.”

Kumbukumbu 9:9

Vinikwelile kulugongo kusola ivibao vibili va mabwe, vandikigwe lagano diyatendile Mndewa Imulungu na mweye, ng'hala kuko kulugongo kwa siku malongo mane imisi na ikilo sidile gate hebu kung'wa mazi.