Kumbukumbu 8:2 - Biblia Kikutu

² Kumbukeni Mndewa Imulungu, Imulungu wenu viyawalongoze mmwanza mtali kubitila kuluwala kwa miyaka malongo mane, ili yawasegesele kuitapa na kawageza yagajuwe gaja geli mmizoyo yenu, kamba mogoga hebu hamugoga malagizo gake.

Kumbukumbu 8:2 ပူးပေါင်းရင်းမြစ်များ

Mwanduso 22:1

Ako kumwande, Imulungu kamgeza Abulahamu, kamkema, “Abulahamu!” Abulahamu kamwidika, “Nabaha!”

Zabuli 103:2

Gweye moyo wangu, mtogole Mndewa Imulungu, sikuuisemwe ganogile gake gose,

Zabuli 106:7

Wahenga zetu ako Misili hawagelegeze mbuli zako za unzonza, hawakumbuke ukulu wa unogelo wako hawishaga, wakulema kuingema ya bahali ya Shamu.

Zabuli 136:16

Heyo ayo yawalongoze wanhu zake kuluwala, unogelo wake hawishaga okala milele.

Zabuli 77:11

Nozikumbuka sang'hano za Mndewa Imulungu, ona noukumbuka unzonza wako wa umwaka.

Zabuli 81:7

Mmagazo gako kunikema na niye nikukombola, nikwidika mmawingu ga kuduma, nikugeza mmazi ga Meliba.

Kulawa 15:25

Musa kamulilila Mndewa Imulungu, nayo Mndewa Imulungu kamulagusila kibiki. Abaho Musa kakigela mgamazi, mazi gakala gaumulile. Kuko Mndewa Imulungu kawagwaa Waizilaeli malagizo vivija kawageza.

Kulawa 16:35

Waizilaeli waja Mana kwa miyaka malongo mane mbaka viwavikile mwiisi ifa ya kukala, isi ikalile mzimbaka za Kanaani.

Kulawa 16:4

Abaho Mndewa Imulungu kamulongela Musa, “Nowagalila magate kulawa kuulanga. Kila siku odondola chakuja cha kuwafaya siku dijo. Kwa nzila ino nowageza nilole kamba odaha kugagoga malagizo gangu.

Kulawa 20:20

Musa kawalongela, “Sikumudumbe, kwavija Imulungu keza kuwageza ili mumdumbe siku zose na sikumutende nzambi.”

Nongezi 17:3

Zahabu na shaba vopimigwa muumoto, lakini Mndewa Imulungu ayo yopima mizoyo ya wanhu.

Kupetigwa 14:33

Wanenu ogunga na kugaya kukuno kuluwala kwa miyaka malongo mane mbuli ya mweye kuswela kutamanila mbaka vonda mufe mose kuluwala.

Luka 18:14

Nowalongela, mbokela kodi ija kachola ukae kumwake kuno katendigwa kanoga mgameso ga Imulungu kubanza ija Mfalisayo. Kwavija wose oitenda wanhu wakulu ohumulusigwa, na waja oihumulusa otendigwa wanhu wakulu.”

Yohana 2:25

Halondile munhu yoyose yamulongele mbuli za wanhu awo, kwavija heyo mwenyego kagajuwa gaja gakalile mmizoyo yao.

Kumbukumbu 1:3

Siku ya ichanduso ya mwezi wa longo na moja, mwaka wa malongo mane, toka Waizilaeli viwasegele Misili, Musa kawalongela wanhu kila kinhu kiyamulagize Mndewa Imulungu yawalongele.

Kumbukumbu 1:33

yawalongolele mmwanza wenu, ikilo kwa mhanda ya moto na imisi kwa wingu, kawazahilila hanhu ha kwika ng'hambi na kawalagusila inzila ya kubita.

Kumbukumbu 13:3

sikumutogole mbuli za mtula ndagu ayo hebu munhu ayo yalotaga nzozi. Kwavija Mndewa Imulungu, Imulungu wenu kowageza ili yajuwe kamba momnogela heyo Mndewa Imulungu, Imulungu wenu, kwa mizoyo yenu yose na kwa loho zenu zose.

Kumbukumbu 2:7

“Mndewa Imulungu, Imulungu wenu kawatenda mumwede mna zisang'hano zenu zose za makono genu. Kawalola goya mmwanza wenu wose wa kukiwala kino kikulu. Miyaka yose ayo malongo mane Mndewa Imulungu, Imulungu wenu, kakala hamoja na mweye na hamuswelile kinhu chochose.

Kumbukumbu 29:5

“Kwa kipindi cha miyaka malongo mane niwalongoza kuluwala, viwalo venu havilalile, na vilatu venu havilalile mmagulu genu.

Kumbukumbu 32:7

Kumbukeni siku za umwaka, gelegezeni miyaka mingi ibitile, wauzeni iwahenga zenu, owalagusila, wauzeni iwavele wenu, owalongela mbuli za umwaka.

Kumbukumbu 7:18

Sikumuwadumbe, kumbukeni gaja Mndewa Imulungu, Imulungu wenu, gayamtendele Falao na iwanhu wose wa Misili.

Kumbukumbu 8:16

Heyo kawagwaa mana ako kuluwala, ndiya haijuwigwe na iwahenga zenu. Katenda vivo ili yawasegesele kuitapa na yawageze ili ako kumwande yawatendele ganogile.

Yakobo 1:3

kwavija mojuwa kamba kutamanila kwenu kwahagezigwa modaha kufunga umoyo.

Yakobo 4:10

Igweni kuulongozi wa Mndewa na mumtamanile nayo kowenula uchanha.

Yakobo 4:6

Lakini ng'hekewa iyotugwaa Imulungu ina nguvu ng'hani. Kamba Maandiko vigalonga, “Imulungu kowalema wanhu oitapa, lakini kowagwaa ng'hekewa wanhu wahole.”

1 Petulo 1:7

ili tamanilo jenu, difaya ng'hani kubanza zahabu joneke goya. Zahabu yobanangika lakini yogezigwa muumoto. Vivo ili kwa tamanilo jenu dogezigwa ili joneke goya na dilave ukulu na kutogoligwa na kutegelezigwa mna isiku yonda yagubuligwe Yesu Kilisito.

Ugubulo 2:23

Vivija nowakoma wanhu omkweleleza, abaho vibumbila vose va wanhu onhogola vojuwa kamba nene heyo nilola goya goyogesa na goyolonda kila munhu. Nomuliha kila imoja wenu kamba vimsang'hane.

Wasemi 2:22

ili kubitila isi azo niwageze iwanhu wa Izilaeli, kamba odaha kuikweleleza nzila ya Mndewa Imulungu kamba viwatendile iwahenga zao hebu hawadaha bule.”

Wasemi 3:4

Mbuli ikala kwa kuwageza iwanhu wa Izilaeli, ili yajuwe kamba iwanhu wa Izilaeli ogagoga malagizo ga Mndewa Imulungu, gayawalagize iwahenga zao kubitila Musa.