Kumbukumbu 8:16 - Biblia Kikutu

¹⁶ Heyo kawagwaa mana ako kuluwala, ndiya haijuwigwe na iwahenga zenu. Katenda vivo ili yawasegesele kuitapa na yawageze ili ako kumwande yawatendele ganogile.

Kumbukumbu 8:16 ပူးပေါင်းရင်းမြစ်များ

Mwanduso 22:1

Ako kumwande, Imulungu kamgeza Abulahamu, kamkema, “Abulahamu!” Abulahamu kamwidika, “Nabaha!”

Zabuli 119:68

Gweye kunoga na kotenda ganogile, nifunze malagizo gako.

Kulawa 15:25

Musa kamulilila Mndewa Imulungu, nayo Mndewa Imulungu kamulagusila kibiki. Abaho Musa kakigela mgamazi, mazi gakala gaumulile. Kuko Mndewa Imulungu kawagwaa Waizilaeli malagizo vivija kawageza.

Kulawa 16:15

Waizilaeli viwachone kinhu acho, waiuza, “Akino choni?” Kwavija hawakijuwile kikala kinhu gani. Musa kawalongela, “Dino dijo gate diyowagwaa Mndewa Imulungu muje.

Kulawa 16:31

Waizilaeli waikema ndiya ayo, “Mana.” Ikala kamba mbeyu ya uhemba mzelu na uhaulanza ukala kamba gate digeligwe uki.

Kulawa 16:4

Abaho Mndewa Imulungu kamulongela Musa, “Nowagalila magate kulawa kuulanga. Kila siku odondola chakuja cha kuwafaya siku dijo. Kwa nzila ino nowageza nilole kamba odaha kugagoga malagizo gangu.

Kulawa 20:20

Musa kawalongela, “Sikumudumbe, kwavija Imulungu keza kuwageza ili mumdumbe siku zose na sikumutende nzambi.”

Nongezi 17:3

Zahabu na shaba vopimigwa muumoto, lakini Mndewa Imulungu ayo yopima mizoyo ya wanhu.

Walumi 8:28

Tojuwa kuwa mna ivinhu vose Imulungu kosang'hana vinogile kwa waja omnogela Imulungu, waja yawakemile watende goyolonda.

2 Wakolinto 4:17

Magazo gotupata gabuha na gokala kwa kipindi kidodo, lakini gotugalila ukulu wa milele kubanza gago gamagazo.

Kumbukumbu 13:3

sikumutogole mbuli za mtula ndagu ayo hebu munhu ayo yalotaga nzozi. Kwavija Mndewa Imulungu, Imulungu wenu kowageza ili yajuwe kamba momnogela heyo Mndewa Imulungu, Imulungu wenu, kwa mizoyo yenu yose na kwa loho zenu zose.

Kumbukumbu 8:2

Kumbukeni Mndewa Imulungu, Imulungu wenu viyawalongoze mmwanza mtali kubitila kuluwala kwa miyaka malongo mane, ili yawasegesele kuitapa na kawageza yagajuwe gaja geli mmizoyo yenu, kamba mogoga hebu hamugoga malagizo gake.

Kumbukumbu 8:3

Kawasegesela kuitapa kwa kuwatenda mukone nzala, abaho kawagwaa ndiya ya mana muje, ndiya ayo hamuijuwile na vivija iwahenga zenu hawaijuwile. Katenda avo ili yawafunze kamba munhu hadaha kuwa mgima kwa kuja kwiiyeka lakini kwa kila mbuli ilawa mmulomo wa Mndewa Imulungu.

Yakobo 1:12

Kamweda munhu ija yofunga umoyo kipindi yahagezigwa, kwavija yahagangamala kobokela fungu da ugima uyalongile Imulungu kowagwaa wanhu omnogela.

1 Petulo 1:7

ili tamanilo jenu, difaya ng'hani kubanza zahabu joneke goya. Zahabu yobanangika lakini yogezigwa muumoto. Vivo ili kwa tamanilo jenu dogezigwa ili joneke goya na dilave ukulu na kutogoligwa na kutegelezigwa mna isiku yonda yagubuligwe Yesu Kilisito.