Kumbukumbu 7:13 - Biblia Kikutu

¹³ Heyo kowanogela na kowatenda mumwede, mokwengezeka na mokuwa wengi, koitenda migunda yenu ilele ng'hani, ili mupate ndiya na divai na mavuta. Kowatendela ganogile kwa kuwagwaa ng'ombe na ng'hondolo wengi mwiisi ayo iyaiduwile kowagwaa iwahenga zenu.

Kumbukumbu 7:13 ပူးပေါင်းရင်းမြစ်များ

Zabuli 1:3

Ayo kaigala na biki dihandigwe kumgwazo wa vizanda, dolela matunda mkipindi chake, mijani yake hainyalaga. Kila kinhu kiyotenda chomweda.

Zabuli 107:38

Kawatenda wamwede na kongezeka ng'hani, na fugo yao haihungule.

Zabuli 11:7

Kwavija Mndewa Imulungu kotenda ganogile, konogezwa na ganogile, iwanhu wanogile ochona kihanga chake.

Zabuli 127:3

Wana awo uhazi kulawa kwa Mndewa Imulungu, wana awo nhunza kulawa kumwake.

Zabuli 146:8

Mndewa Imulungu kowafumbula meso wasuwameso, Mndewa Imulungu kowenula waja olemelwa na mizigo yao, Mndewa Imulungu kowanogela wene haki.

Kulawa 23:25

Kamba mwahanitambikila niye, Mndewa Imulungu wenu, nowatendela ganogile kwa kuwagwaa ndiya na mazi na noisegesa mitamu hagati yenu.

Nongezi 10:22

Ganogile ga Mndewa Imulungu gago gogala ugoli, na hagahanganya na lusikisiki.

Nongezi 15:9

Nzila za wasang'hana gehile, ngevuzo kwa Mndewa Imulungu, lakini Imulungu kowanogela waja okweleleza haki.

Walawi 26:9

Nowatendela ganogile na kuwatenda mupate wana wengi na mokongezeka, na niye noditenda goya lagano jangu na mweye.

Matayo 6:33

Lakini tanhu uzahileni Undewa wa Imulungu na gaja goyolonda, na vino vose mogweleligwa.

Yohana 14:21

“Wanhu wose ogatogola malagizo gangu na kugagoga, wao oninogela. Tatangu kowanogela wose oninogela niye, na niye vivija nowanogela wao na kuilagusa kumwao.”

Yohana 15:10

Mwahagagoga malagizo gangu, mokala muunogelwa wangu kamba vija niye vinigagogile malagizo ga Tatangu na kukala muunogelwa wake.

Yohana 16:27

kwavija Tata mwenyego kowanogela. Kowanogela kwavija moninogela niye na mutogola kamba ndawa kwa Imulungu.

Kumbukumbu 1:8

Isi yose ayo niwagwaa mweye, avo gendeni mukaisole isi ayo, niye Mndewa Imulungu niiduwila kwa wahenga zenu, Abulahamu na Isaka na Yakobo na ulelo wao.’ ”

Kumbukumbu 13:17

Sikumusole kinhu chochose kilavigwe ili kisomigwe moto, ili Mndewa Imulungu yaleke kuwagevuzikila ng'hani. Kowatendela ganogile na kowonela bazi na kowatenda muwe wengi ng'hani kamba viyaiduwile kwa wahenga zenu,

Kumbukumbu 28:1

“Mwahamtegeleza goya Mndewa Imulungu, Imulungu wenu na kugagoga goya malagizo gake goniwalagiza lelo, Mndewa Imulungu, Imulungu wenu kowatenda mukale uchanha mwa wanhu wa isi zose mwiisi yose.

Kumbukumbu 28:11

Mndewa Imulungu kowagwelela wana wengi na fugo nyingi na ndiya nyingi mna iisi iyaiduwile Mndewa Imulungu kwa wahenga zenu kuwagwaa mweye.

Kumbukumbu 30:5

Mndewa Imulungu, Imulungu wenu, kowagala mna iisi iwaisolile iwahenga zenu, na mweye moisola isi ayo, na kowatendela ganogile ng'hani na mokuwa wanhu wengi ng'hani kubanza iwahenga zenu.

Kumbukumbu 7:7

“Mndewa Imulungu hawanogele mweye na kuwasagula kwavija mwa wengi kubanza wanhu wayagwe, mweye mwa wadodo kubanza iwanhu wose mwiisi.