Kumbukumbu 7:10 - Biblia Kikutu

¹⁰ Lakini kwa waja omwihila, hakawa bule kuwaliha kwa kuwakoboza.

Kumbukumbu 7:10 ပူးပေါင်းရင်းမြစ်များ

Kulawa 20:5

Sikuuvifugamile hebu kuvitambikila, kwavija niye Mndewa Imulungu wako nina migongo. Nowakoboza wana mbuli ya nzambi za tata zao, hata ulelo wa kadatu na wa ikane wa waja onihila.

Kulawa 34:7

Notenda gaja ganongile kwa maelufu ga ulelo na nogela kumgongo gehile na nzambi, lakini sileka kuwakoboza wana na wazukulu mbaka ulelo wa kadatu na wa ikane kwa nzambi za iwahenga zao.”

Nongezi 11:31

Kamba munhu yeli na haki kolihigwa hano mwiisi, avo msang'hana gehile na mwene nzambi obanza ng'hani.

Kupetigwa 10:35

Kila kipindi sanduku vidinuligwe ili wasegele, Musa kalonga, “Inuka, gweye Mndewa Imulungu, uwapwililise iwanhu okwihila, na uwatende wakimbile kuulongozi wako.”

Kupetigwa 14:18

‘Niye Mndewa Imulungu sigevuzika himahima, nimema bazi na nogela kumgongo nzambi na gehile. Lakini sileka kuwakoboza wana na wazukulu mbaka ulelo wa kadatu na wa ikane kwa nzambi za iwahenga zao.’

Walumi 12:19

Mbwiga zangu, sikumulihe gehile, lakini lekeni ng'hasiliki ya Imulungu itende vivo. Kwavija Maandiko Gang'alile golonga, “Mndewa kolonga, niye ayo yonda nilihe gehile.”

Kumbukumbu 32:25

Ng'hondo yogala ifa kudibuga, na mzing'anda wanhu okuwa na bwembwe ng'hani, wabwanga na wandele okomigwa, hata ving'hele na wavele weli na uhenga.

Kumbukumbu 32:35

Niye ayo yonda nilihe gehile, niye nowaliha gehile mna ikipindi vonda walemelwe, kwavija siku da kubanangigwa kwao divika, na kimambukizo chao cha mmabehi.

Kumbukumbu 32:41

mwahajona sime jangu dimelemeta, na nogolosa mkono kutagusa, nowaliha gehile awo onilema, na nowakoboza awo onihila.

Kumbukumbu 5:9

Sikuuvifugamile hebu kuvitambikila, kwavija niye Mndewa Imulungu, Imulungu wako nina migongo. Nowakoboza wana mbuli ya nzambi za tata zao, hata ulelo wa kadatu na wa ikane wa waja onihila.

Kumbukumbu 7:11

Avo, muiteganye mugoge malagizo na mafundizo na gaja golondigwa goniwalagiza lelo.

Kumbukumbu 7:9

Avo, mujuwe kamba Mndewa Imulungu, Imulungu wenu heyo Imulungu yotamaniligwa, kogoga lagano jake na kolagusa unogelwa wake kwa maelufu ga ulelo kwa waja ogoga malagizo gake.