Kumbukumbu 6:7 - Biblia Kikutu

⁷ Muwafunze wanenu, muwasimulile mwahakala ukae hebu mwahawa mmwanza hebu mwahawasa ikilo hebu imitondo mwahalamuka.

Kumbukumbu 6:7 ပူးပေါင်းရင်းမြစ်များ

Mwanduso 18:19

Nimsagula heyo ili yawalagize wanage na ulelo wao wagoge nzila ya Mndewa Imulungu kwa kutenda gaja goyolonda Mndewa, avo Mndewa yagavikize gaja gayamulongele Abulahamu.”

Zabuli 119:13

Kwa mulomo wangu nolonga, nhaguso zose za mulomo wako.

Zabuli 119:46

Nozilonga amuli zako kuulongozi wa iwandewa, na sikona kinyala bule.

Zabuli 129:8

Waja obita behi hawalonga, “Imulungu yakutende umwede. Tokutambikila kwa twaga da Mndewa Imulungu.”

Zabuli 37:30

Mulomo wa imunhu yanogile olonga mbuli za ubala, na lulimi lwake lolonga mbuli za haki.

Zabuli 71:17

Gweye Imulungu kunifunza tangu ubwanga wangu, mbaka lelo nolonga mbuli zako za unzonza.

Nongezi 10:21

Mbuli za munhu yeli na haki zowafaya wengi, lakini wabozi ofa kwa kuleka kugelegeza goya.

Nongezi 15:2

Lulimi lwa munhu yeli na ubala lolonga goya mbuli za kutanga vinhu, lakini kulawa mmulomo wa munhu mbozi kokwita ubozi.

Nongezi 15:7

Milomo ya wene ubala yobwililisa kutanga vinhu, lakini mizoyo ya wabozi haili vivo bule.

Nongezi 6:22

Gokulongoza mnzila zako, gokukaliza kipindi wahawasa, na gokugwaa magesa kipindi vonda ulamuke.

Matayo 12:35

Munhu yanogile kolava ganogile mna ingama ya ganogile geli mmwake, na munhu yehile kolava gehile mna ingama ya gehile geli mmwake.

Luka 6:45

Munhu yanogile kolava ganogile mwiingama yake inogile ili muumoyo wake, lakini munhu yehile kolava gehile mwiingama yake ihile ili muumoyo wake. Kwavija munhu kolonga gaja gamemile muumoyo wake.

Waefeso 4:29

Sikumulosoke, lakini mulonge mbuli zinogile, za kuwataza wanhu, ili mbuli zimulonga ziwataze kamba viilondigwa kwa awo ozihulika.

Waefeso 6:4

Na mweye kina tata sikumuwagevuze wanenu ila waleleni goya na wafundizeni mafundizo ga Kilisito.

Kumbukumbu 11:19

Wafunzeni wanenu mbuli azo, simulileni mbuli azo mwahakala mzing'anda zenu hebu mwahawa mmwanza hebu mwahawasa ikilo hebu imitondo mwahalamuka.

Kumbukumbu 6:2

Siku zose vimwili wagima mumdumbe Mndewa Imulungu, Imulungu wenu, na mugoge malagizo gake gose na mafundizo goniwagwelela mweye na ulelo wenu ili mukale siku nyingi.

Wakolosai 4:6

Ulonzi wenu siku zose olondigwa unoge na uwataze wanhu na molondigwa mujuwe kuwedika goya wanhu wose.

1 Petulo 3:15

Lakini mumgwee ukulu Kilisito kamba Mndewa mmizoyo yenu. Siku zose muitande kumwidika munhu yoyose yowauza kilamuso cha tamanilo jenu dimulinajo.

Lusi 2:12

Mndewa Imulungu yakutendele ganogile kwa gose gautendile. Mndewa Imulungu, Imulungu wa Izilaeli yumkimbilile kamba kinziya yomkimbilila mamake, yakulihe ng'hani.”

Lusi 2:4

Vikibitile kipindi kidogo, Boazi kavika kulawa Beselehemu kawalamusa wasengaji, kawalongela, “Mndewa Imulungu yawe na mweye.” Na hewo wamwidika, “Mndewa Imulungu yakutendele ganogile.”

Lusi 4:11

Abaho iwanhu wose wakalile hana ulwivi na iwavele walonga, “Ona siye wao wasindila. Mndewa Imulungu yamtende mtwanzi ayo yokwingila mwiing'anda yako kamba Laheli na Lea wose wabili waizenga ng'anda ya Izilaeli. Na gweye ugendelele ng'hani mna iwanhu wa Efulata ukawe na nhogolwa Beselehemu.