Kumbukumbu 6:2 - Biblia Kikutu

² Siku zose vimwili wagima mumdumbe Mndewa Imulungu, Imulungu wenu, na mugoge malagizo gake gose na mafundizo goniwagwelela mweye na ulelo wenu ili mukale siku nyingi.

Kumbukumbu 6:2 ပူးပေါင်းရင်းမြစ်များ

Mwanduso 18:19

Nimsagula heyo ili yawalagize wanage na ulelo wao wagoge nzila ya Mndewa Imulungu kwa kutenda gaja goyolonda Mndewa, avo Mndewa yagavikize gaja gayamulongele Abulahamu.”

Mwanduso 22:12

Kamulongela, “Sikuumulumize imwana. Sambi nojuwa komdumba Imulungu, kwavija hugomese bule mwanago yuumnogela.”

Zabuli 111:10

Kumdumba Mndewa Imulungu acho chandusilo cha ubala, wose ogagoga malagizo gake ogweleligwa nzewele. Nhogolwa zake zosigala milele.

Zabuli 128:1

Wamweda iwanhu wose omdumba Mndewa Imulungu, waja okala kwa kukweleleza malagizo gake.

Zabuli 91:16

Nomgwaa nhunza ya kukala mgima siku nyingi, na nomulagusila ukombola wangu.”

Kulawa 20:12

“Wategeleze tatako na mamako, ili ukale mgima siku nyingi mwiisi inikugwelela, niye Mndewa Imulungu wako.

Kulawa 20:20

Musa kawalongela, “Sikumudumbe, kwavija Imulungu keza kuwageza ili mumdumbe siku zose na sikumutende nzambi.”

Nongezi 16:6

Kwa unogelo hawishaga na kutamanilwa munhu kosegesiligwa nzambi, kwa kumdumba Mndewa Imulungu koinega na gehile.

Nongezi 3:16

Ubala mumkono wake wa kudila kana siku nyingi, na mumkono wake wa kumoso kuna utajili na kutegelezigwa.

Nongezi 9:11

Kwa kutazigwa na niye ubala siku zako zokwengezigwa, kokwengeziligwa miyaka mingi muugima wako.

Luka 12:5

Lakini nowalagusila wa kumdumba, mdumbeni Imulungu, heyo yahakoma, kana udahi wa kumwasa munhu muumoto wa jehanamu. Nowalongeleni, mdumbeni ayo!

Kumbukumbu 10:20

Mdumbeni Mndewa Imulungu, Imulungu wenu na mumsang'hanile na mumgoge ng'hani na muiduwile kwa twaga jake.

Kumbukumbu 11:9

na mukale siku nyingi mwiisi ayo imemile maziwa na uki, iyaiduwile Mndewa Imulungu kwa wahenga zenu kamba kowagwaa hewo na ulelo wao.

Kumbukumbu 13:4

Mkwelelezeni Mndewa Imulungu, Imulungu wenu, na mumdumbe na mugoge malagizo gake na mumtegeleze na mumsang'hanile na mumgoge heyo.

Kumbukumbu 15:5

kamba mwahamtegeleza goya Mndewa Imulungu, Imulungu wenu na kukweleleza malagizo gano goniwalagiza lelo.

Kumbukumbu 22:7

Muleke mama munhu yachole, lakini kodaha kugasola gamakinda. Wahatenda vivo mbuli zako zokugendela goya na kokala siku nyingi.

Kumbukumbu 30:19

Lelo noukema ulanga na isi viwalole mweye, kamba niwekila kuulongozi wenu ugima na ifa, kumweda na makungu. Avo saguleni ugima, mweye na ulelo wenu ili mukale wagima,

Kumbukumbu 30:20

mumnogele Mndewa Imulungu, Imulungu wenu, na mumtegeleze na mumgoge heyo. Kwavija heyo ayo ugima wenu na heyo ayo yowagwaa siku nyingi za kukala wagima, ili mukale mwiisi Mndewa Imulungu iyaiduwile kuwagwaa iwahenga zenu, Abulahamu na Isaka na Yakobo.”

Kumbukumbu 4:10

siku ayo vumwimile kuulongozi wa Mndewa Imulungu, Imulungu wenu ako Holebu viyanilongele, ‘Wating'hanize awo iwanhu kuulongozi wangu, niwalongele mbuli zangu ili waifunze kunidumba niye, siku zose viwokala mwiisi na vivija wawafunze wanao watende vivo.’

Kumbukumbu 4:40

Gogeni gaja gayalongile na malagizo gake goniwagwaa lelo, ili mugendelele goya mweye na wanenu baho kumwande na mukale siku nyingi mwiisi ayo iyowagwaa Mndewa Imulungu, Imulungu wenu iwe yenu siku zose.”

Kumbukumbu 4:9

“Muiteganye na mugelegeze, sikumuisemwe gaja gamugonile kwa meso genu wenyego. Sikumuisemwe gago mna imizoyo yenu muugima wenu wose. Wasimulileni wanenu na iwazukulu zenu,

Kumbukumbu 5:16

“ ‘Wategeleze tatako na mamako, kamba Mndewa Imulungu, Imulungu wako viyakulagize, utende vivo ili ukale mgima siku nyingi na mbuli zako zokugendela goya mwiisi iyokugwelela Mndewa Imulungu, Imulungu wako.

Kumbukumbu 5:33

Kwelelezeni gose gayawalagize Mndewa Imulungu, Imulungu wenu ili muwe wagima na mugendelele goya na mukale siku nyingi mwiisi yonda muisole.

Kumbukumbu 6:1

“Gano gago malagizo na mafundizo na gaja golondigwa na Mndewa Imulungu, Imulungu wenu na kanilagiza niwafunze ili mugagoge ako mwiisi yumuchola kuisola iwe yenu.

Kumbukumbu 6:24

Avo, Mndewa Imulungu katulagiza tugoge malagizo gano gose na tumdumbe heyo Mndewa Imulungu, Imulungu wetu ili tumwede na tukale wagima kamba vitwili lelo.

Kumbukumbu 6:7

Muwafunze wanenu, muwasimulile mwahakala ukae hebu mwahawa mmwanza hebu mwahawasa ikilo hebu imitondo mwahalamuka.

Yoshua 4:24

ili iwanhu wose weli mwiisi yose wajuwe kamba Mndewa Imulungu kana udahi, na mumdumbe Mndewa Imulungu, Imulungu wenu siku zose.”

1 Petulo 1:17

Kwavija mwahampula momkema Tata, yuyo yonda yamtaguse kila munhu bila kubagula kamba viyasang'hane, mukale hano mwiisi kamba wanhu baki kuno momtegeleza kwa kugwaya.