Kumbukumbu 6:1 - Biblia Kikutu

¹ “Gano gago malagizo na mafundizo na gaja golondigwa na Mndewa Imulungu, Imulungu wenu na kanilagiza niwafunze ili mugagoge ako mwiisi yumuchola kuisola iwe yenu.

Kumbukumbu 6:1 ပူးပေါင်းရင်းမြစ်များ

Kulawa 21:1

“Wagwelele Waizilaeli malagizo gano,

Kulawa 23:13

“Uzigoge mbuli zose zinikulongele, sikumupule kwa milungu yoyose iyagwe, na hata sikumugatambule matwaga gao mmilomo yenu.

Walawi 27:34

Gano gago malagizo ga Mndewa Imulungu gayamgwelele Musa yawalongele wanhu wose wa Izilaeli kuko kulugongo lwa Sinai.

Kupetigwa 36:13

Gano gago malagizo ga Mndewa Imulungu gayawagwelele Waizilaeli kubitila Musa ako kudibawe da Moabu, behi na lwanda lwa Yolidani uilola na buga da Yeliko dikalile umwambu wa ulwanda.

Kumbukumbu 12:1

“Gano gago malagizo na mafundizo gomulondigwa mugagoge goya mwiisi ayo Mndewa Imulungu, Imulungu wa wahenga zenu, iyowagwaa muisole, siku zose zonda mukale mwiisi ayo.

Kumbukumbu 3:18

“Kipindi acho niwagwaa malagizo gano, ‘Mndewa Imulungu, Imulungu wenu kawagwaa isi ino ili umwambu wa kudilawila zuwa wa Yolidani, muisole. Avo mweye mudahaga kuitowa mwiing'hondo, soleni migoha yenu muloke ulwanda lwa Yolidani kuwalongolela ndugu zenu Waizilaeli waenu.

Kumbukumbu 33:3

Mndewa Imulungu kawanogela wanhu zake, na kowakaliza wanhu zake wang'alile. Avo wakweleleza lwayo lwake, na wagoga gayawalongele.

Kumbukumbu 4:1

Musa kagendelela kuwalongela Waizilaeli, “Gogeni na kukweleleza malagizo na mafundizo gose ganiwafunzile, ili muwe wagima na kuisola isi yonda yawagwee Mndewa Imulungu, Imulungu wa wahenga zenu.

Kumbukumbu 4:14

Kipindi acho Mndewa Imulungu kanilagiza niwafunze malagizo na mafundizo gomulondigwa kugagoga mwiisi yumuchola kuisola.

Kumbukumbu 4:45

Gano gago galondigwe na mafundizo na malagizo Musa gayawalongele Waizilaeli viwalawile mwiisi ya Misili,

Kumbukumbu 4:5

“Loleni, niwafunza malagizo na mafundizo kamba Mndewa Imulungu, Imulungu wangu viyanilagize nitende, ili mugakweleleze ako kuna iisi yumuchola kuisola.

Kumbukumbu 5:31

Lakini gweye wime baha behi na niye, na niye nokulongela gaja golondigwa na malagizo gose na mafundizo gonda uwafunze wagoge ako mwiisi iniwagwelela iwe yao.’

Kumbukumbu 5:33

Kwelelezeni gose gayawalagize Mndewa Imulungu, Imulungu wenu ili muwe wagima na mugendelele goya na mukale siku nyingi mwiisi yonda muisole.

Kumbukumbu 6:2

Siku zose vimwili wagima mumdumbe Mndewa Imulungu, Imulungu wenu, na mugoge malagizo gake gose na mafundizo goniwagwelela mweye na ulelo wenu ili mukale siku nyingi.