Kumbukumbu 5:13 - Biblia Kikutu

¹³ Kwa siku sita usang'hane na utende mbuli zako zose,

Kumbukumbu 5:13 ပူးပေါင်းရင်းမြစ်များ

Kulawa 20:9

Kwa siku sita usang'hane na utende mbuli zako zose,

Kulawa 23:12

“Sang'hana kwa siku sita, lakini sikuusang'hane mdisiku da saba, ili ng'ombe wako hebu kihongwe wako vivija nao wahumule, na wana wa watumwa wako na wanhu baki wahumule.

Kulawa 34:21

“Sang'haneni kwa siku sita lakini siku ya saba mubwihile hata kamba chahawa kipindi cha kulima hebu kusenga.

Walawi 23:3

“ ‘Mokuwa na siku sita za kusang'hana, lakini siku ya saba yokuwa siku ya kubwihila. Mwiisiku ayo sikumusang'hane, lakini muiting'hane kwa kutambika. Siku ayo yokuwa siku ya kubwihila ya Mndewa Imulungu, isi yoyose yonda mukale.

Luka 23:56

Abaho wabwela ukae, watanda mavuta gonung'hila goya walubake lukuli lwa Yesu. Mna isiku ya Kubwihila wabwihila kamba Malagizo ga Musa vigalagize.

Kumbukumbu 5:12

Ikumbuke siku ya kubwihila kwa kuitenda ing'ale kamba Mndewa Imulungu, Imulungu wako viyakulagize.

Kumbukumbu 5:14

lakini siku ya saba, siku ya kubwihila ya Mndewa Imulungu, Imulungu wako. Siku ayo sikuusang'hane sang'hano yoyose, gweye mwenyego hebu mwanago wa kimbigalo hebu wa kitwanzi hebu mtumwa wako wa kimbigalo hebu wa kitwanzi hebu ng'ombe wako hebu kihongwe wako hebu mnyama wako yoyose, hebu munhu baki iyokala mwiisi yako, ili mtumwa wako wa kimbigalo na wa kitwanzi wabwihile kamba viubwihila gweye.