Kumbukumbu 4:6 - Biblia Kikutu

⁶ Gagogeni na kugakweleleza gago kwavija mwahatenda vivo iwanhu wa isi ziyagwe vonda wagajuwe, ojuwa kamba mweye muna nzewele na ubala na olonga, ‘Wanhu wa isi ino ng'hulu wana nzewele na wabala!’

Kumbukumbu 4:6 ပူးပေါင်းရင်းမြစ်များ

Zabuli 111:10

Kumdumba Mndewa Imulungu acho chandusilo cha ubala, wose ogagoga malagizo gake ogweleligwa nzewele. Nhogolwa zake zosigala milele.

Zabuli 19:7

Malagizo ga Mndewa Imulungu gatelela, goideng'heza loho, Amuli za Mndewa Imulungu za ukweli, zomgwaa ubala imunhu yauswelile.

Zabuli 19:8

Nzila za Mndewa Imulungu zinoga, zoudeng'heza moyo, lagizo da Mndewa Imulungu ding'ala, dogamwemwesela meso.

Nongezi 1:4

Zowagwaa ubala mizozolo, zowagwaa wabwanga kutanga vinhu na kusagula goya.

Nongezi 1:5

Yeli na ubala yategeleze na yongeze ubala wake, na mwene nzewele zomfunza.

Nongezi 1:7

Kumdumba Mndewa Imulungu acho chanduso cha kutanga vinhu, lakini wabozi obezeli ubala na kuzumwa.

Nongezi 14:34

Haki yoigwaa ukulu isi, lakini nzambi makungu kwa isi.

Nongezi 14:8

Nzewele za munhu mbala zomgwaa kutanga goya nzila yake, lakini ubozi wa wabozi owavizila mwenyego.

Kumbukumbu 29:9

Avo zigogeni mbuli zose zilongigwe mdilagano dino na mutende kamba vizilonga ili mumwede mna ikila kinhu kimutenda.

Kumbukumbu 32:46

kawalongela, “Zikeni mmizoyo yenu mbuli zose ziniwagwelele lelo. Molondigwa muwalongele wanenu ili wazigoge kwa kutamaniligwa mbuli zose za malagizo gano.

Kumbukumbu 32:47

Kwavija malagizo gano siyo mbuli ziiyeka ila ago ugima wenu, kubitila malagizo gano mokala siku nyingi mwiisi yumuchola kuisola, mwambu wa lwanda lwa Yolidani.”

2 Timoseo 3:15

Na gweye kojuwa kuwa toka haudodo kugajuwa Maandiko Gang'alile, godaha kukugwaa nzewele zigala ukombola kubitila kumtamanila Yesu Kilisito.

Yakobo 3:13

Vino nani yeli na nzewele na ubala kumwenu? Yalaguse mbuli ayo kwa kusang'hana ganogile, ganogile gotendeka kwa moyo wa uhole uli kwa munhu yeli na nzewele.