Kumbukumbu 4:34 - Biblia Kikutu

³⁴ Vino kuna imulungu yoyose iyagwe yagezile kusola iwanhu wake kulawa mwiisi ya iwanhu wayagwe, kamba viyatendile Mndewa Imulungu, Imulungu wenu? Heyo katenda avo kwa magazo na vilaguso na unzonza na ng'hondo na kwa nguvu yake ng'hulu, katenda vinhu vigela bwembwe na mweye mugona gose ago kwa meso genu ako Misili.

Kumbukumbu 4:34 ပူးပေါင်းရင်းမြစ်များ

Zabuli 136:12

Katenda avo kwa mkono wake uli na nguvu, unogelo wake hawishaga okala milele.

Zabuli 24:8

Nani ayo Mndewa yeli na udahi wose? Ayo Mndewa Imulungu, yeli na nguvu na mdaha gose, heyo ayo Mndewa Imulungu, hahumwaga kung'hondo.

Zabuli 78:12

Katenda unzonza mgameso ga iwahenga zao, ako Soani mwiisi ya Misili.

Kulawa 1:9

Kawalongela wanhu zake, “Loleni Waizilaeli viweli wengi ng'hani na wana nguvu ng'hani kubanza siye.

Kulawa 10:21

Abaho Mndewa Imulungu kamulongela Musa, “Golosa mkono wako uchanha kuulanga, isi ya Misili iwe na ziza, wanhu wababase babase mdiziza.”

Kulawa 10:7

Watawala wa Falao wamuuza, “Vino, munhu ino kotugaza mbaka lini? Waleke Waizilaeli wasegele, wakamtambikile Mndewa Imulungu wao. Vino hulola kamba isi ya Misili yobanangika?”

Kulawa 13:3

Musa kawalongela wanhu, “Sikumuisemwe siku ino. Mweye vimulawile mwiisi ya Misili kuko kumukalile watumwa, kwavija Mndewa Imulungu kawalava kwa nguvu za makono gake. Sikumuje magate gageligwe hamila.

Kulawa 14:30

Mdisiku dijo Mndewa Imulungu kawakombola Waizilaeli kulawa mna gamakono gawa Misili, na Waizilaeli wawona Wamisili kumgwazo wa bahali wafa mwaka.

Kulawa 15:11

Mndewa Imulungu, mna iwaja oikema mulungu nani kamba gweye? Nani yaigalile na gweye, gweye ung'alile ng'hani, Nani yodaha kutenda unzonza na vinhu vikulu kamba vako?

Kulawa 19:4

‘Mweye wenyego mugoga gaja ganiwatendele Wamisili, na vija viniwasegese mweye kamba jola viyogasegesa makinda gake kwa mabawa gake, niwagala kumwangu.

Kulawa 3:10

Sambi nokutuma kwa Falao, ili uwalave wanhu zangu wa Izilaeli mwiisi ya Misili.”

Kulawa 6:6

Walongele Waizilaeli vino, ‘Niye Mndewa Imulungu, nowalava mwiisi ya Misili. Nowatenda mulekeswe kulawa muutumwa. Nougolosa mkono wangu na nowakoboza Wamisili na kuwakombola mweye.

Kulawa 7:3

Lakini noutenda moyo wa Falao uwe mdala. Hata nahakongeza unzonza na vilaguso mwiisi ya Misili,

Kupetigwa 20:16

Tumulilila Mndewa Imulungu na heyo kahulika kulila kwetu, katugalila imsenga wake yatusegese ako Misili. Avo, sambi twa hano Kadeshi, kudibuga diibakane na isi yako.

Kumbukumbu 1:30

Mndewa Imulungu, Imulungu wenu, ayo yowalongolela, heyo mwenyego koitowa na hewo mbuli yenu kamba viyatendile kuno molola ako Misili,

Kumbukumbu 10:21

Heyo ayo wakuigodela, heyo ayo Imulungu wenu, yawatendele mbuli zino ng'hulu na zakudumbiza, zimonile kwa meso genu wenyego.

Kumbukumbu 11:2

Lelo kumbukeni gaja gamuifunzile mbuli ya Mndewa Imulungu, Imulungu wenu kubitila gaja gamugonile. Mweye awo mugonile siyo wanenu, mweye mona ukulu wake na udahi wake na nguvu zake,

Kumbukumbu 26:8

Avo, Mndewa Imulungu katulava kuko Misili kwa mkono wake wa nguvu, kwa vinhu vidumbiza na vilaguso na unzonza.

Kumbukumbu 29:3

Kwa meso genu mugona magazo makulu na vilaguso na unzonza mkulu.

Kumbukumbu 33:29

Mmweda mweye Waizilaeli. Nani kamba mweye, mweye mukomboligwe na Mndewa Imulungu, heyo yeli ngao yenu, na sime diwatenda muhume. Wanhu owehila okwiza kuno onyawanyawa mgameso genu, na mweye mowabojoga.

Kumbukumbu 34:12

Haduhu mtula ndagu iyagwe yatendile vinhu vikulu na vigela bwembwe kamba viyatendile Musa mgameso ga Waizilaeli wose.

Kumbukumbu 5:15

Kumbuka kamba gweye kukala mtumwa ako mwiisi ya Misili, na Mndewa Imulungu, Imulungu wako, kakulava kuko kwa udahi wake mkulu, avo Mndewa Imulungu, Imulungu wako kakulagiza uigoge siku ya kubwihila.

Kumbukumbu 6:21

Mweye muwedike, ‘Siye tukala watumwa wa Falao ako Misili, lakini Mndewa Imulungu katulava mwiisi ya Misili kwa nguvu zake ng'hulu.

Kumbukumbu 7:19

Kumbukeni imitamu ihile imuyonile kwa meso genu, unzonza na vilaguso na udahi na nguvu ng'hulu ya Mndewa Imulungu, Imulungu wenu yaisang'hanile kuwakombola, na kotenda vivo kwa iwanhu wose omuwadumba.

Kumbukumbu 9:29

Lakini wano wanhu wako, wanhu wauwalavile kulawa Misili kwa nguvu na udahi wako mkulu.’

Yoshua 24:7

Iwahenga zenu viwanililile niye Mndewa Imulungu, nika ziza hagati yao na Iwamisili na nitenda bahali iwagubike Iwamisili. Mweye mukona gaja ganitendile ako Misili. Mukala ako kuluwala kwa miyaka mingi.

1 Petulo 5:6

Avo, ikeni hasi wenyego mumkono wa Imulungu uli na nguvu, ili yawenule mna ikipindi chake kinogile.