Kumbukumbu 4:30 - Biblia Kikutu

³⁰ Mbuli azo zose zahawapata ako kumwande, mogaya ng'hani avo kukimambukizo mombwelela na kumtegeleza Mndewa Imulungu, Imulungu wenu.

Kumbukumbu 4:30 ပူးပေါင်းရင်းမြစ်များ

Mwanduso 49:1

Yakobo kawakema wanage kawalongela, “Kweseni behi niwalongele gaja gonda gawalawilile baho kumwande.”

Zabuli 107:13

Wamulilila Mndewa Imulungu mmagazo gao, kawakombola mmadununzo gao.

Zabuli 107:6

Wamulilila Mndewa Imulungu mmagazo gao, kawakombola mmadununzo gao.

Zabuli 18:6

Mmagazo gangu nimkema Mndewa Imulungu, nimulilila Imulungu wangu yanitaze. Kulawa mng'anda yake kahulika sauti yangu, na kililo changu kimvikila mmagwiti gake.

Zabuli 59:16

Lakini niye nokwimba mbuli ya nguvu zako. Nokwimba kwa sauti imitondo kwa unogelwa wako hawishaga. Kwavija kumwangu niye gweye kwa ngome yangu, na hanhu ha kukimbilila mwiisiku ya magazo.

Kulawa 18:8

Musa kamsimulila tata mkwe yake gose Mndewa Imulungu gayamtendele Falao na Wamisili mbuli ya Waizilaeli na gehile gose gawalawile mnzila na vija Mndewa Imulungu viyawakombole.

Kupetigwa 24:20

Abaho Balaamu kawalola Waamaleki, kalonga usenga uno wa ulaguzi, “Waamaleki ni wanhu wa isi ili na nguvu kubanza zose. Lakini ako kumwande yopotela yose.”

Sang'hano 26:20

Niwapetela wanhu kusongela Damesiki na Yelusalemu na abaho isi yose ya Yudea na kwa wanhu haweli Wayahudi. Waleke nzambi zao na wambwelele Imulungu na watende gaja golagusa waleka nzambi zao.

Sang'hano 3:19

Lelo lekeni nzambi zenu mumbwelele Imulungu, ili Imulungu yazigele kumgongo nzambi zenu.

Kumbukumbu 30:10

kamba mwahamtegeleza Mndewa Imulungu, Imulungu wenu na kugoga malagizo na mafundizo gandikigwe mna ikitabu cha malagizo na kumbwelela Mndewa Imulungu, Imulungu wenu kwa mizoyo yenu yose na kwa loho zenu zose.

Kumbukumbu 30:2

na mombwelela Mndewa Imulungu, Imulungu wenu, mweye na wanenu, na kugoga gose ganiwalagize lelo kwa mizoyo yenu yose na kwa loho zenu zose,

Kumbukumbu 31:17

Aho ng'hasiliki yangu yowakila na niye nowaleka na kufisa kihanga changu, ili wabanangigwe. Gehile na magazo gowapata na olonga, ‘Gehile gano gatupata kwavija Imulungu wetu heli hagati yetu.’

Kumbukumbu 31:21

Wahapata magazo mengi na mikubulo, lwila luno lokuwa kamba usindila kwavija honda usemwigwe na ulelo wao. Vino sambi ning'hali sinawagala mwiisi ayo iniiduwile kuwagwaa, nojuwa gaja gowogesa kusang'hana.”

Kumbukumbu 31:29

Kwavija nojuwa vonda nife motenda gehile na kuileka nzila iniwalagize muikweleleze. Avo, mzisiku azo mopata mikubulo kwavija motenda gehile mgameso ga Mndewa Imulungu na momgevuza kwa ago gomsang'hana.”

Waebulania 1:2

lakini siku zino za kuuhelelo, kalonga na siye kubitila Mwanage, heyo iyo ija kwa nzila yake Imulungu kaumba ulanga na isi na vinhu vose vili mumo. Imulungu kamsagula ayo na kamgwaa vinhu vose viwe vake.

Waebulania 5:9

Nayo viyamambukize sang'hano iyatumigwe na Imulungu, kawa chanduso cha ukombola wa milele kwa waja wose omtegeleza heyo,