Kumbukumbu 4:20 - Biblia Kikutu

²⁰ Lakini mweye awo yawakombole kulawa Misili mulawe mditanuli da zuma. Kawalava kuko ili muwe wanhu zake kamba vimwili lelo.

Kumbukumbu 4:20 ပူးပေါင်းရင်းမြစ်များ

Kumbukumbu 32:9

Lakini Mndewa Imulungu kaweka wanhu wa Yakobo wawe wake, awo kawasagula wawe uhazi wake.

Kumbukumbu 9:29

Lakini wano wanhu wako, wanhu wauwalavile kulawa Misili kwa nguvu na udahi wako mkulu.’

1 Petulo 2:9

Lakini mweye mwa wanhu musaguligwe, walava nhosa wa kindewa na wanhu wa isi ing'alile, wanhu wa Imulungu, ili mupete mbuli za unzonza ziyatendile, kawakema mulawe mdiziza mwize mmulenge wa kukanganya.

Tito 2:14

Yesu kailava mwenyego mbuli yetu ili yatulekese kulawa mna izinzambi na kututenda wanhu wanogile weli wake mwenyego, wanhu osulukila kutenda ganogile.

Zabuli 135:4

Mndewa Imulungu kamsagula Yakobo kuwa wake mwenyego, kamsagula Izilaeli kamba kinhu chake kinogile.

Zabuli 33:12

Imweda isi ayo Imulungu wake ayo Mndewa Imulungu, wamweda iwanhu yawasagule kamba iwanhu zake mwenyego.

Zabuli 28:9

Imulungu uwakombole wanhu zako, uwatende wamwede iwanhu awo weli wako. Uwasusile na kuwataza milele.

Kumbukumbu 9:26

Nimpula Mndewa Imulungu, nilonga, ‘Go, Mkulu Mndewa Imulungu sikuuwabanange wanhu wako, wanhu wano kuwakombola kulawa mwiisi ya Misili kwa udahi wako na nguvu ng'hulu.

Waefeso 1:18

Nompula Imulungu yawataze mudahe kujuwa goya tamanilo diyawakemele na vinhu vingi vinogile viyawekile wanhu zake,

Waefeso 1:11

Kwa kuilumba na Kilisito, siye tusaguligwa tuwe wanhu zake kamba viyalondile Imulungu toka mwaka. Imulungu kotenda kila kinhu kamba viyolonda mwenyego.

Kulawa 1:13

Avo Wamisili wawatenda Waizilaeli kamba watumwa kwa kuwagwaa sang'hano ndala.

Kulawa 6:7

Nowatenda muwe wanhu zangu, na niye nokuwa Imulungu wenu. Mojuwa kamba niye na Mndewa Imulungu, Imulungu wenu, vonda niwalave muutumwa ako Misili.

Kulawa 34:9

Abaho kalonga, “Go Mndewa kamba koninogela, nokupula ugende na siye. Wanhu wano wana mizoyo midala, lakini nokupula ugele kumgongo gehile getu na nzambi zetu, tubokele kamba wanhu wako mwenyego.”

Kumbukumbu 7:6

Tendeni vivo kwavija mweye mwa wanhu wang'alile mgameso ga Mndewa Imulungu, Imulungu wenu. Mna iwanhu wose mwiisi yose kawasagula mweye ili muwe wanhu zake mwenyego.

Kumbukumbu 14:2

Mweye mwa wanhu ong'ala kwa Mndewa Imulungu, Imulungu wenu, na Mndewa Imulungu kawasagula mweye muwe wanhu zake mna iwanhu wose okala mwiisi yose.

Kumbukumbu 26:18

Na Mndewa Imulungu lelo kalonga kamba mweye mwa wanhu zake heyo mwenyego kamba viyaiduwile na kamba molondigwa mugagoge malagizo gake gose.

Kulawa 1:14

Wautenda ugima wao uwe mdala kwa kuwananahiza sang'hano ndala ya kuzenga ng'anda na sang'hano zose za migunda. Waizilaeli hawoneligwe bazi.