Kumbukumbu 4:13 - Biblia Kikutu

¹³ Kawalongela lagano jake, na kawalagiza mugagoge gaja Gamalagizo Longo, gayandike mna ivibao vibili va mabwe.

Kumbukumbu 4:13 ပူးပေါင်းရင်းမြစ်များ

Zabuli 119:4

Gweye kutugwaa usi, ili siye tuugoge ng'hani.

Kulawa 19:5

Avo, kamba monitegeleza niye na kugoga lagano jangu, mokuwa wanhu zangu musaguligwe hagati ya isi zose hamoja vivija isi yose yangu.

Kulawa 24:12

Mndewa Imulungu kamulongela Musa, “Izo kumwangu uchanha kulugongo, ukale hano, nokugwelela vibao vibili va mabwe mumo nyandika malagizo na gaja golondigwa ili gawafunze Waizilaeli.”

Kulawa 31:18

Mndewa Imulungu viyeshilize kulonga na Musa kuna ulugongo lwa Sinai, kamgwelela Musa vija ivibao vibili va mabwe, Imulungu viyandike malagizo kwa kidole chake mwenyego.

Kulawa 34:1

Mndewa Imulungu kamulongela Musa, “Usongole vibao vibili va mabwe kamba vija va ichanduso na niye nokwandika mbuli zija zikalile mvibao vija va ichanduso, vija uvibenile.

Kulawa 34:28

Musa kakala kuko kulugongo hamoja na Mndewa Imulungu kwa siku malongo mane imisi na ikilo bila kuja kinhu chochose wala kung'wa mazi. Na kandika mvibao vivo mbuli zose za lagano na Malagizo Longo.

Walumi 9:4

Awo wao Wayahudi, wasaguligwe na Imulungu wawe wanage, kawalagusila ukulu wake, kailagana nao, kawagwaa Malagizo gake, na vija viwolondigwa kumtambikila na gaja gayalongile.

2 Wakolinto 3:7

Malagizo gekigwa mgamabwe, na ukulu wa Imulungu oneka mbaka wanhu wa Izilaeli walemelwa kulola kihanga cha Musa hata mng'alo wa kihanga viukalile ovulala. Kamba malagizo gogala ifa gasang'hana na kugala ukulu kamba awo,

Kumbukumbu 4:12

Abaho Mndewa Imulungu kalonga na mweye kulawa muumoto awo. Muzihulika mbuli ziyalongile lakini hammone, mweye muihulika sauti yake iiyeka.

Kumbukumbu 4:14

Kipindi acho Mndewa Imulungu kanilagiza niwafunze malagizo na mafundizo gomulondigwa kugagoga mwiisi yumuchola kuisola.

Kumbukumbu 5:22

“Gano gago malagizo gayalongile Mndewa Imulungu kwa sauti ng'hulu kulawa muumoto na mdiwingu na ziza totolo vimuiting'hane ako kulugongo na hongeze mbuli yoyose. Abaho kagandika malagizo gago mna ivibao vibili va mabwe na kanigwaa niye.

Waebulania 9:4

Mgati yake kukala na upango wa zahabu wa kusomela ubani na sanduku da lagano dibakigwe zahabu mhande zose na mgati kwikigwa nongo ya zahabu ikigwe ndiya ikemigwa Mana na mkongoja wa Haluni uzukile majani na maluwa, na mabwe ga bambalagwe gandikigwe malagizo.