Kumbukumbu 4:1 - Biblia Kikutu

¹ Musa kagendelela kuwalongela Waizilaeli, “Gogeni na kukweleleza malagizo na mafundizo gose ganiwafunzile, ili muwe wagima na kuisola isi yonda yawagwee Mndewa Imulungu, Imulungu wa wahenga zenu.

Kumbukumbu 4:1 ပူးပေါင်းရင်းမြစ်များ

Zabuli 105:45

ili wagagoge malagizo gake, na kugoga gaja goyolonga. Mndewa Imulungu yatogolwe.

Zabuli 119:4

Gweye kutugwaa usi, ili siye tuugoge ng'hani.

Kulawa 18:20

Wafunze wanhu malagizo ga Imulungu, walongele vija viwolondigwa kukala na sang'hano ziwolondigwa kusang'hanwa.

Walawi 18:5

Gogeni malagizo gangu na gaja goniwalongela kwavija munhu yogagoga kokuwa mgima kubitila gago, niye ayo Mndewa Imulungu.

Walawi 19:19

“ ‘Gagogeni malagizo gangu gano. “ ‘Sikuutogole fugo yako ikweligwe na wanyama wa aina iyagwe. “ ‘Sikuuhande mumgunda wako mbeyu za aina mbili. “ ‘Sikuuvale kiwalo kitendigwe kwa nyuzi za aina mbili.

Walawi 19:37

“ ‘Molondigwa mugagoge malagizo gangu gose na gaja goniwalongela. Niye ayo Mndewa Imulungu.’ ”

Walawi 20:8

Gogeni malagizo gangu, niye ayo Mndewa Imulungu niwatenda mweye mung'ale.

Walawi 22:31

“Gogeni malagizo gangu na mugakweleleze. Niye ayo Mndewa Imulungu.

Matayo 28:20

na muwafundize wagoge kila kinhu kiniwalagizeni, na niye nokuwa hamoja na mweye siku zose mbaka kukimambukizo cha isi.”

Luka 1:6

Wose wabili wakala otenda ganogile mgameso ga Imulungu, na kugagoga Malagizo gose ga Mndewa Imulungu.

Yohana 15:14

Mweye mwa mbwiga zangu mwahatenda gaja goniwalagiza.

Walumi 10:5

Mbuli ya kutendigwa kunoga mgameso ga Imulungu kwa kugagoga Malagizo, Musa kandika vino, “Munhu yoyose yogoga Malagizo kokuwa mgima kwa Malagizo.”

Kumbukumbu 1:3

Siku ya ichanduso ya mwezi wa longo na moja, mwaka wa malongo mane, toka Waizilaeli viwasegele Misili, Musa kawalongela wanhu kila kinhu kiyamulagize Mndewa Imulungu yawalongele.

Kumbukumbu 1:8

Isi yose ayo niwagwaa mweye, avo gendeni mukaisole isi ayo, niye Mndewa Imulungu niiduwila kwa wahenga zenu, Abulahamu na Isaka na Yakobo na ulelo wao.’ ”

Kumbukumbu 11:1

“Mnogeleni Mndewa Imulungu, Imulungu wenu na mutende gaja goyolonda, siku zose gogeni malagizo gake na mafundizo gake na nzila zake.

Kumbukumbu 11:32

iteganyeni, mugagoge malagizo gose na mafundizo gose goniwagwaa lelo.

Kumbukumbu 13:1

“Yahalawila mtula ndagu hebu munhu yalotaga nzozi hagati yenu na kowagwaa kilaguso hebu kinhu cha unzonza,

Kumbukumbu 16:20

Mutende haki na muikweleleze, ili mudahe kukala na kuisola isi iyowagwaa Mndewa Imulungu, Imulungu wenu.

Kumbukumbu 30:16

Kamba mwahagagoga malagizo ga Mndewa Imulungu, Imulungu wenu, goniwalagiza lelo, kwa kumnogela Mndewa Imulungu, Imulungu wenu, kwa kukweleleza nzila zake na kugoga malagizo gake na mafundizo gake na gaja golondigwa, avo mokuwa wagima na mokongezeka na Mndewa Imulungu, Imulungu wenu, kowatendela ganogile mwiisi imukwingila kuisola.

Kumbukumbu 30:19

Lelo noukema ulanga na isi viwalole mweye, kamba niwekila kuulongozi wenu ugima na ifa, kumweda na makungu. Avo saguleni ugima, mweye na ulelo wenu ili mukale wagima,

Kumbukumbu 30:20

mumnogele Mndewa Imulungu, Imulungu wenu, na mumtegeleze na mumgoge heyo. Kwavija heyo ayo ugima wenu na heyo ayo yowagwaa siku nyingi za kukala wagima, ili mukale mwiisi Mndewa Imulungu iyaiduwile kuwagwaa iwahenga zenu, Abulahamu na Isaka na Yakobo.”

Kumbukumbu 4:40

Gogeni gaja gayalongile na malagizo gake goniwagwaa lelo, ili mugendelele goya mweye na wanenu baho kumwande na mukale siku nyingi mwiisi ayo iyowagwaa Mndewa Imulungu, Imulungu wenu iwe yenu siku zose.”

Kumbukumbu 4:45

Gano gago galondigwe na mafundizo na malagizo Musa gayawalongele Waizilaeli viwalawile mwiisi ya Misili,

Kumbukumbu 4:8

Vivija kuduhu wanhu wa isi yoyose, hata kamba isi yao ng'hulu, wana malagizo na mafundizo ga haki, kamba gago ganiwafunzile lelo.

Kumbukumbu 5:1

Musa kawakema wanhu wose wa Izilaeli na kawalongela, “Mweye wanhu wa Izilaeli, tegelezeni mafundizo na malagizo goniwalongela lelo. Ifunzeni na mugagoge goya.

Kumbukumbu 5:33

Kwelelezeni gose gayawalagize Mndewa Imulungu, Imulungu wenu ili muwe wagima na mugendelele goya na mukale siku nyingi mwiisi yonda muisole.

Kumbukumbu 6:1

“Gano gago malagizo na mafundizo na gaja golondigwa na Mndewa Imulungu, Imulungu wenu na kanilagiza niwafunze ili mugagoge ako mwiisi yumuchola kuisola iwe yenu.

Kumbukumbu 6:24

Avo, Mndewa Imulungu katulagiza tugoge malagizo gano gose na tumdumbe heyo Mndewa Imulungu, Imulungu wetu ili tumwede na tukale wagima kamba vitwili lelo.

Kumbukumbu 7:11

Avo, muiteganye mugoge malagizo na mafundizo na gaja golondigwa goniwalagiza lelo.

Kumbukumbu 8:1

“Muiteganye mugoge malagizo gose goniwagwaa lelo, ili muwe wagima na mongezeke na mwingile na kuisola isi ayo iyaiduwile Mndewa Imulungu, Imulungu wenu kwa iwahenga zenu.

Kumbukumbu 8:11

“Muiteganye sikumumsemwe Mndewa Imulungu, Imulungu wenu, kwa kuleka kugoga malagizo gake na mafundizo gake na gaja golondigwa goniwalagiza lelo.

Kumbukumbu 9:1

“Mutegeleze mweye wanhu wa Izilaeli, sambi moloka lwanda lwa Yolidani na mochola kuisola isi ya wanhu wa isi ng'hulu na weli na nguvu kubanza mweye. Mabuga gao makulu na gazunguluswa senyenge ivikile mbaka kuna gamawingu.

Yoshua 3:9

Avo Yoshua kawalongela iwanhu wa Izilaeli, “Kweseni behi mutegeleze mbuli ziyolonga Mndewa Imulungu, Imulungu wenu.”