Kumbukumbu 32:4 - Biblia Kikutu

⁴ Mndewa Imulungu ayo Dibwe kulu da kuifisila, nzila zake za haki. Imulungu yotamaniligwa na yelibule kitala chochose, heyo kotenda kwa haki na katelela.

Kumbukumbu 32:4 ပူးပေါင်းရင်းမြစ်များ

Mwanduso 1:31

Imulungu kalola kila kinhu kiyasang'hane na kachona kinoga ng'hani. Ikala ichungulo, ikala imitondo, siku da sita.

Mwanduso 18:25

Sigesa kamba kotenda vivo, kuwakoma wanhu wanogile hamoja na wanhu wene nzambi! Havidahika bule, kwavija msemi wa isi yose kolondigwa yataguse goya.”

2 Samweli 22:47

Mndewa Imulungu kamgima, yatogoligwe dibwe jangu, yatogoligwe Imulungu wangu, dibwe wa ukombola wangu.

2 Samweli 23:3

Imulungu wa Izilaeli kalonga, Heyo dibwe da Izilaeli kanilongela, “Munhu yahawatawala wanhu kolondigwa yawatawale kwa haki, Yatawale kwa kumdumba Mndewa Imulungu,

Zabuli 100:5

Kwavija Mndewa Imulungu ayo yanogile, unogelo wake hawishaga okala milele, na kutamanilwa kwake ulelo mbaka ulelo.

Zabuli 138:8

Go Mndewa Imulungu, gavikize gaja goulonda kumwangu, unogelo wako hawishaga okala milele, sikuuisemwe sang'hano ya makono gako.

Zabuli 145:17

Mndewa Imulungu kana haki mnzila zake zose, na kotamaniligwa na viumbe vake vose.

Zabuli 146:6

Heyo yalumbile ulanga na isi, bahali na vose vili mumo. Heyo yotamaniligwa milele.

Zabuli 18:2

Mndewa Imulungu ayo dibwe jangu, na ngome yangu na mkombola wangu, Imulungu wangu na dibwe jangu dinikimbilile, na ngao ya ukombola wangu na ngome yangu.

Zabuli 18:46

Mndewa Imulungu kamgima! Yatogoligwe dibwe jangu! Yatogoligwe Imulungu wa ukombola wangu!

Zabuli 19:7

Malagizo ga Mndewa Imulungu gatelela, goideng'heza loho, Amuli za Mndewa Imulungu za ukweli, zomgwaa ubala imunhu yauswelile.

Zabuli 31:5

Mmakono gako noika loho yangu, kunikombola, gweye Mndewa Imulungu, Imulungu utamaniligwa.

Zabuli 33:4

Mbuli ya Mndewa Imulungu ya ukweli, heyo kotamaniligwa mzisang'hano zake zose.

Zabuli 78:35

Wakumbuka kamba Imulungu kalala dibwe jao, Imulungu yeli Uchanha Ng'hani ayo mkombola wao.

Zabuli 9:16

Mndewa Imulungu kaigubula mwenyego kwa haki yake, iwanhu wehile wagogigwa mna umtego wa sang'hano za makono gao wenyego.

Zabuli 90:16

Sang'hano zako zoneke kwa wasang'hanaji wako, ukulu wako kwa wanao.

Zabuli 92:15

olonga, “Mndewa Imulungu katelela, heyo ayo dibwe jangu, mmwake mduhu gehile.”

Zabuli 97:2

Mawingu na ziza vomzunguluka, haki na kutagusa avo chanduso cha kigoda chake.

Zabuli 98:3

Kaukumbuka unogelo wake hawishaga na kutamanilwa kwake kwa ng'anda ya Izilaeli. Kose kuihelela isi wawona ukombola wa Imulungu wetu.

Zabuli 99:4

Mndewa kana nguvu na koinogela haki, gweye ayo uitawala haki, kugala nhaguso na haki kwa Izilaeli.

Kulawa 34:6

Abaho Mndewa Imulungu kabita kuulongozi wa Musa kuno kolonga, “Niye na Mndewa Imulungu, Imulungu nimemile unogelwa na bazi, sigevuzika himahima nina moyo unogile na notamaniligwa.

Matayo 5:48

Molondigwa mutelele kamba Tataenu yeli kuulanga viyatelele.

Yohana 1:14

Na heyo yakemigwe Mbuli kawa munhu, kakala hamoja na siye, na siye tuwona ukulu wake, ukulu uyagweleligwe na Imulungu Tatake, nayo kamema ng'hekewa na ukweli.

Yohana 1:17

Imulungu kalava Malagizo kubitila Musa, lakini Yesu Kilisito katugalila ng'hekewa na ukweli.

Yohana 14:6

Yesu kamwidika, “Niye ayo nzila, ukweli na ugima. Kuduhu munhu yochola kwa Tata kamba habitila kumwangu.

Yohana 5:22

Tata hamtagusa munhu yoyose. Kamgwelela Mwanage udahi wose wa kutagusa,

Walumi 1:32

Wajuwa malagizo ganogile ga Imulungu golonga wanhu otenda mbuli azo olondigwa wafe. Hawahelele kutenda mbuli azo ziiyeka lakini vivija owagwaa pala ukulu wanhu otenda mbuli zizo.

Walumi 2:2

Siye tojuwa kuwa nhaguso ya Imulungu kwa wanhu otenda mbuli kamba azo ya kweli.

Walumi 2:5

Lakini kuna zoyo dala na kolema kumbwelela Imulungu, avo koikila nhaguso ng'hulu mna isiku ija ya ng'hasiliki za Imulungu na nhaguso yake inogile vondaigubuligwe.

Walumi 3:5

Kamba gaja gehile gotusang'hana golagusa kamba Imulungu kotenda goya, vino tulongeze? Tulonge Imulungu kobananga yahatutagusa? Hano nolonga kiunhu unhu.

1 Wakolinto 10:4

Vivija wang'wa kinhu kikija cha kiloho. Wang'wa kulawa mdibwe dija da kiloho diwacholile najo, dibwe dijo dikala Yesu Kilisito mwenyego.

Kumbukumbu 10:18

Kowagwaa haki iwana iwakiwa na wagane na kowanogela wanhu baki na kowagwaa ndiya na viwalo.

Kumbukumbu 32:15

Wanhu wa Izilaeli waneneha na wavitowa mateke, waneneha na wakala na vitambi na wagilimbala, abaho wamuleka Imulungu yawalumbile, wambeza Dibwe kulu imkombola wao.

Kumbukumbu 32:18

Mmuleka Dibwe yawagwelele ugima, mumsemwa Imulungu yeli chanduso cha ugima wenu.

Kumbukumbu 7:9

Avo, mujuwe kamba Mndewa Imulungu, Imulungu wenu heyo Imulungu yotamaniligwa, kogoga lagano jake na kolagusa unogelwa wake kwa maelufu ga ulelo kwa waja ogoga malagizo gake.

Yakobo 1:17

Kila nhunza inogile na itelele, yolawa kuulanga kwa Imulungu yalumbile vose vilava mulenge, heyo hagalukaga bule kamba sisila.

Yakobo 4:12

Imulungu yaiyeka yolava malagizo na kutagusa, nayo kodaha kukombola na kunanga. Avo gweye kwa nani mbaka komtagusa miyago?

1 Petulo 2:6

Kwavija Maandiko Gang'alile golonga, “Lola nodika dibwe ako Sayuni, dibwe kulu dinisagule na da kutamaniligwa, munhu yoyose yomtamanila honda yagwe kinyala.”

1 Samweli 2:2

“Kuduhu yang'alile kamba Mndewa Imulungu, kuduhu yoyose kubanza heyo, kuduhu dibwe kamba Imulungu wetu.