Kumbukumbu 20:4 - Biblia Kikutu

⁴ kwavija Mndewa Imulungu, Imulungu wenu ayo yochola hamoja na mweye kuitowa na iwanhu owehila mbuli yenu ili yawatende muhume.’

Kumbukumbu 20:4 ပူးပေါင်းရင်းမြစ်များ

Kulawa 14:14

Mndewa Imulungu kowagombela, mweye nyamaleni.”

Walumi 8:37

Bule, mzimbuli zose zino tuhuma ng'hani kubitila heyo yotunogela siye!

Kumbukumbu 1:30

Mndewa Imulungu, Imulungu wenu, ayo yowalongolela, heyo mwenyego koitowa na hewo mbuli yenu kamba viyatendile kuno molola ako Misili,

Kumbukumbu 11:25

Kuduhu munhu yoyose yonda yadahe kugomba na mweye. Kokose konda muchole Mndewa Imulungu, Imulungu wenu kowagela bwembwe wanhu wa isi azo ili wawadumbe kamba viyalongile kotenda.

Kumbukumbu 3:22

Sikumuwadumbe, kwavija Mndewa Imulungu, Imulungu wenu koitowa na hewo mbuli yenu.’

Kumbukumbu 31:6

Mugangamale na muwe magalu, sikumuwadumbe hebu kunyawanyawa, kwavija Mndewa Imulungu, Imulungu wenu kochola hamoja na mweye. Heyo hawaleka bule hebu kuwasemwa.”

Kumbukumbu 32:30

Munhu imoja kodaha vilihi kuwahuma wanhu elufu imoja hebu wanhu wabili odaha vilihi kuwahuma wanhu elufu kumi? Yodahika kamba Dibwe jao kulu kawaleka, na Mndewa Imulungu wao mkulu kawadonha.

Yoshua 10:11

Abaho viwakalile owakimbila Waizilaeli kumtelemko wa Beti Holoni, baho Mndewa Imulungu kawatowela mvula ya mibwe mikulu kulawa kuulanga viwakalile mnzila mbaka ako Azeka na wakomigwa. Iwanhu wengi wafa kwa mvula ayo ya mibwe kubanza awo wakomigwe na iwanhu wa Izilaeli.

Yoshua 10:42

Yoshua kaisola isi ayo yose na iwandewa wose kwa mwanza umoja, kwavija Mndewa Imulungu, Imulungu wa Izilaeli kawagombela.

Yoshua 23:10

Munhu imoja hagati yenu kodaha kuwawinga iwanhu elufu imoja, kwavija Mndewa Imulungu, Imulungu wenu ayo yowagombela kamba viyawalongele kotenda.

1 Samweli 14:23

Ng'hondo yenela kubanza Beti Aveni, na siku dijo Mndewa Imulungu kawatenda Waizilaeli wahume.