Kumbukumbu 2:7 - Biblia Kikutu

⁷ “Mndewa Imulungu, Imulungu wenu kawatenda mumwede mna zisang'hano zenu zose za makono genu. Kawalola goya mmwanza wenu wose wa kukiwala kino kikulu. Miyaka yose ayo malongo mane Mndewa Imulungu, Imulungu wenu, kakala hamoja na mweye na hamuswelile kinhu chochose.

Kumbukumbu 2:7 ပူးပေါင်းရင်းမြစ်များ

Mwanduso 12:2

Nokutenda uwe na ulelo onda uwe kabila kulu. Nokutenda umwede na kuditenda twaga jako dijuwigwe ng'hani, na gweye kokuwa kilamuso cha wanhu wengi kumweda.

Mwanduso 24:35

Mndewa Imulungu kamnogela ng'hani mkulu wangu nayo kana vinhu vingi. Kamgwaa ng'hondolo na ng'ombe na sente na zahabu na wasang'hanaji wa kimbigalo na wasang'hanaji wa kitwanzi na ngamiya na vihongwe.

Mwanduso 26:12

Mwaka awo Isaka kahanda mbeyu mwiisi ija, kaigwisa ndiya kwavija Mndewa Imulungu kakala yamtendele ganogile.

Mwanduso 30:27

Lakini Labani, kamulongela, “Kamba kononda, chonde sikuusegele, kwavija njuwa kwa uhawi kamba Mndewa Imulungu kanitenda nimwede mbuli ya gweye.

Mwanduso 39:3

Mkulu ayo viyajuwile kamba Mndewa Imulungu kakala na Yusufu na Mndewa kamtenda yamwede kwa kila kinhu kiyatendile,

Mwanduso 39:5

Kulawa kipindi Potifa kiyamtendile mwimilizi wa ng'anda yake na kila kinhu kiyakalile nacho, Mndewa Imulungu kamtenda Mmisili ayo yamwede mbuli ya Yusufu. Kumweda ako kukala mna ikila kinhu kiyakalile nacho mng'anda yake na kumgunda.

Zabuli 1:6

kwavija Mndewa Imulungu koijuwa inzila ya iwanhu wanogile, lakini inzila ya iwanhu wehile yohelela mkupotela.

Zabuli 107:4

Wakala tanga nzulule kuluwala, hawajone buga da kukala.

Zabuli 31:7

Nodeng'helela na kusekelela unogelo wako hawishaga, kwavija gweye konyona vinigaya, kojuwa magazo ga moyo wangu.

Zabuli 90:17

Utonele bazi gweye Mndewa Imulungu, Imulungu wetu, uzimize sang'hano za makono getu, ona uzimize sang'hano za makono getu.

Kulawa 16:35

Waizilaeli waja Mana kwa miyaka malongo mane mbaka viwavikile mwiisi ifa ya kukala, isi ikalile mzimbaka za Kanaani.

Kupetigwa 1:1

Mna isiku ya ichanduso ya mwezi wa kabili, mwaka wa kabili Waizilaeli viwalawile Misili, Mndewa Imulungu kalonga na Musa mdihema da mting'hano ako kuluwala lwa Sinai, kamulongela,

Kupetigwa 14:33

Wanenu ogunga na kugaya kukuno kuluwala kwa miyaka malongo mane mbuli ya mweye kuswela kutamanila mbaka vonda mufe mose kuluwala.

Kupetigwa 14:34

Mbuli ya ago gehile genu, mogaya kwa miyaka malongo mane, kamba vizili siku azo zimucholile kuisungulila isi ayo, kila siku mwaka umoja. Avo, mojuwa kumulema Imulungu ndio choni.’

Kupetigwa 22:12

Mndewa Imulungu kamulongela Balaamu, “Sikuuchole hamoja na iwanhu wano na sikuuwaduwile wanhu awo kwavija wanhu awo watambikiligwa.”

Kupetigwa 32:13

Mndewa Imulungu kawagevuzikila Waizilaeli kawatenda tanga nzulule kuluwala kwa miyaka malongo mane mbaka ulelo wose wa awo watendile gehile wafa.

Luka 22:35

Abaho Yesu kawauza wanahina zake, “Vino, kipindi kija viniwatumile kuno mduhu kibindo hebu mkoba hebu vilatu, muhungukiligwa na kinhu chochose?” Wamwidika, “Aka, hatuhungukiligwe na kinhu.”

Yohana 10:27

Ng'hondolo zangu oihulika sauti yangu, niye niwajuwa na wao ong'holeleza.

Kumbukumbu 1:19

“Avo kamba Mndewa Imulungu, Imulungu wetu viyatulagize, tusonga mwanza wetu kulawa kulugongo lwa Holebu, tubita ako kuluwala lugela bwembwe, tugoga inzila ichola kuna iisi ya kuvigongo va Waamoli. Vituvikile Kadeshi Balinea,

Kumbukumbu 1:46

Avo, musigala ako Kadeshi siku heleketwaa, mukala kuko.

Kumbukumbu 2:14

Ibita miyaka malongo madatu na nane tangu vitusegele Kadeshi Balinea mbaka vitulokile bonde da Zeledi. Kipindi acho iwanhu wose wadahile kuitowa kuna ing'hondo wafa, kamba Mndewa Imulungu viyaiduwile wofa.

Kumbukumbu 2:6

Mugule ndiya yonda muje na mazi gonda mung'we.” ’

Kumbukumbu 29:4

Lakini mbaka lelo Mndewa Imulungu hanawagwelela mizoyo ya kujuwa, na meso ga kulola na magwiti ga kuhulika.

Kumbukumbu 29:5

“Kwa kipindi cha miyaka malongo mane niwalongoza kuluwala, viwalo venu havilalile, na vilatu venu havilalile mmagulu genu.

Yoshua 5:6

Kwavija iwanhu wa Izilaeli watembela kuluwala kwa miyaka malongo mane, mbaka iwambigalo wose wadahile kuchola kuing'hondo wafa, kwavija hawamtegeleze Mndewa Imulungu. Mndewa Imulungu kaiduwila kamba honda wayone isi ayo iyaiduwile kwa iwahenga zao kamba kotugwaa siye, isi imemile maziwa na uki.