Kumbukumbu 2:14 - Biblia Kikutu

¹⁴ Ibita miyaka malongo madatu na nane tangu vitusegele Kadeshi Balinea mbaka vitulokile bonde da Zeledi. Kipindi acho iwanhu wose wadahile kuitowa kuna ing'hondo wafa, kamba Mndewa Imulungu viyaiduwile wofa.

Kumbukumbu 2:14 ပူးပေါင်းရင်းမြစ်များ

Zabuli 106:26

Abaho kawenulila mkono wake kaiduwila, kamba kowakoma ako kuluwala,

Zabuli 90:15

Utudeng'heze kamba zisiku vuutukoboze, kamba miyaka itugazigwe.

Zabuli 90:3

Kowabweza iwanhu kuditimbwisi, gweye kolonga, “Bweleni kuditimbwisi, mweye iwanhu.”

Zabuli 90:9

Tukala siku zetu zose hasi ya ng'hasiliki yako, twishiliza miyaka yetu kamba mhumuzi.

Zabuli 95:11

Avo, niiduwila kwa ng'hasiliki yangu, “Hawengila ng'o hanhu hangu ha kubwihila.”

Kupetigwa 1:1

Mna isiku ya ichanduso ya mwezi wa kabili, mwaka wa kabili Waizilaeli viwalawile Misili, Mndewa Imulungu kalonga na Musa mdihema da mting'hano ako kuluwala lwa Sinai, kamulongela,

Kupetigwa 13:26

Wabwela kwa Musa na Haluni na umting'hano wose wa Waizilaeli ako Kadeshi, kuluwala lwa Palani, walonga gose gawone na wawalagusila matunda ga isi ayo.

Kupetigwa 32:11

‘Kuduhu hata munhu yoyose mna iwanhu walawile Misili yeli na miyaka malongo mabili na kugendelela, yonda yayone isi inilongile nowagwaa Abulahamu na Isaka na Yakobo, kwavija hawanikweleleze kwa mizoyo yao yose.’

1 Wakolinto 10:5

Lakini wanhu bwando hawamnogeze Imulungu, na mitufi yao ipwililika kuluwala.

Kumbukumbu 1:19

“Avo kamba Mndewa Imulungu, Imulungu wetu viyatulagize, tusonga mwanza wetu kulawa kulugongo lwa Holebu, tubita ako kuluwala lugela bwembwe, tugoga inzila ichola kuna iisi ya kuvigongo va Waamoli. Vituvikile Kadeshi Balinea,

Kumbukumbu 1:2

Kulawa kulugongo lwa Holebu mbaka Kadeshi Balinea ugenzi wa siku longo na imoja kwa nzila ya kulugongo lwa Seili.

Kumbukumbu 1:46

Avo, musigala ako Kadeshi siku heleketwaa, mukala kuko.

Kumbukumbu 2:13

“Mndewa Imulungu katulongela, ‘Segeleni muloke bonde da Zeledi.’ Avo tuloka bonde da Zeledi.

Kumbukumbu 2:16

“Avo viwafile wanhu awo wadahile kuchola kuitowa kuna ing'hondo,

Kumbukumbu 2:7

“Mndewa Imulungu, Imulungu wenu kawatenda mumwede mna zisang'hano zenu zose za makono genu. Kawalola goya mmwanza wenu wose wa kukiwala kino kikulu. Miyaka yose ayo malongo mane Mndewa Imulungu, Imulungu wenu, kakala hamoja na mweye na hamuswelile kinhu chochose.

Yoshua 24:7

Iwahenga zenu viwanililile niye Mndewa Imulungu, nika ziza hagati yao na Iwamisili na nitenda bahali iwagubike Iwamisili. Mweye mukona gaja ganitendile ako Misili. Mukala ako kuluwala kwa miyaka mingi.

Yoshua 5:4

Yoshua kawengiza kumbi awo kwavija iwambigalo wose walawile mwiisi ya Misili, wose wakalile odaha kuchola kuing'hondo wafa ako kuluwala mnzila viwalawile Misili.

Yoshua 5:6

Kwavija iwanhu wa Izilaeli watembela kuluwala kwa miyaka malongo mane, mbaka iwambigalo wose wadahile kuchola kuing'hondo wafa, kwavija hawamtegeleze Mndewa Imulungu. Mndewa Imulungu kaiduwila kamba honda wayone isi ayo iyaiduwile kwa iwahenga zao kamba kotugwaa siye, isi imemile maziwa na uki.

Yuda 1:5

Hamoja mbuli zino zose muzijuwa, niye nolonda kuwakumbusa kamba Mndewa kawakombola wanhu wa Izilaeli kulawa mwiisi ya Misili, lakini kumwande kawabananga wanhu wose hawatogole.