Kumbukumbu 2:13 - Biblia Kikutu

¹³ “Mndewa Imulungu katulongela, ‘Segeleni muloke bonde da Zeledi.’ Avo tuloka bonde da Zeledi.

Kumbukumbu 2:13 ပူးပေါင်းရင်းမြစ်များ

Kupetigwa 13:23

Viwavikile kubonde da Eshikoli, wanhu awo wakanha tambi dikalile na zabibu nyingi, wasomeka lumango wadipapa wanhu wabili. Vivija wasola makomamanga na tini.

Kupetigwa 21:12

Kulawa ako wachola na weka ng'hambi yao kubonde da Zeledi.

Kupetigwa 21:13

Kulawa ako wachola na weka ng'hambi yao kuluwala mwambu wa kasikazini ya lwanda lwa Alinoni, awo uluwala lugendelela mbaka mwiisi ya Waamoli. Lwanda lwa Alinoni awo ukalile imbaka ya Wamoabu na Waamoli.

Kumbukumbu 2:12

Vivija ako umwaka Waholi wakala okala ako Seili, lakini wanhu wa ulelo wa Esau wawawinga na wawakoma, abaho hewo wakala mwiisi ayo kamba vija wanhu wa Izilaeli viwatendile ako kuna iisi iyawagwelele Mndewa Imulungu.

Kumbukumbu 2:14

Ibita miyaka malongo madatu na nane tangu vitusegele Kadeshi Balinea mbaka vitulokile bonde da Zeledi. Kipindi acho iwanhu wose wadahile kuitowa kuna ing'hondo wafa, kamba Mndewa Imulungu viyaiduwile wofa.