Kumbukumbu 16:3 - Biblia Kikutu

³ Sikumuje nhosa ayo hamoja na magate gageligwe hamila. Kwa kipindi cha siku saba dieni magate hagageligwe hamila, magate gago kolagusa kugaya, kwavija musegela mwiisi ya Misili himahima, avo kipindi chose chonda mukale moikumbuka siku ayo yumusegele mwiisi ya Misili.

Kumbukumbu 16:3 ပူးပေါင်းရင်းမြစ်များ

Zabuli 102:9

Noiyalala ng'hani na tozi diwa kamba ndiya yangu, na king'waji changu nikihanganya na mahozi,

Zabuli 111:4

Katenda sang'hano zake za unzonza zikumbukwe, Mndewa Imulungu kanoga na kana bazi.

Zabuli 127:2

Moigaza bule kulamuka ulukwili, na kukawa kuwasa, mweye muigaza kwa ndiya imuja, Kwavija Imulungu kowagwaa awo yowanogela hata kamba wahawasa.

Kulawa 12:11

Nyama ayo, muije kuno muitanda kwa mwanza kwa kuifunga mikwiji mvigudi venu na kuvala vilatu na mugoge fimbo mmakono genu na muje himahima, na ino ayo Pasaka ya Mndewa Imulungu.

Kulawa 12:17

Mutende nyimwilinyimwili ino ya magate hagageligwe hamila kukumbuka viniwalavile mweye makabila ga Izilaeli kulawa Misili. Ulelo wenu wose uideng'helele siku ayo, kamba lagizo da milele.

Kulawa 12:39

Kwavija wakala walopole kusegela mwiisi ya Misili hawadahile kutanda ndiya ya kuja mnzila, ila uja uusage ukandigwe bila kugeligwa hamila wiiyeka, avo woka magate hagageligwe hamila.

Kulawa 12:8

Kilo acho nyama ayo ibanikigwe na idigwe hamoja na kinhu kili usungu na gate hadigeligwe hamila.

Kulawa 34:18

“Muideng'helele nyimwilinyimwili ino ya magate hagageligwe hamila. Kwa siku saba muje magate hagageligwe hamila kwa kipindi chose kikigwe, muumwezi wa Abibu kamba viniwalagize, kwavija mwezi awo niwalava mwiisi ya Misili.

Walawi 23:6

Mwiisiku ya longo na tano ya mwezi awo musonge kudeng'helela nyimwilinyimwili ya magate hagageligwe hamila, avo kwa kipindi cha siku saba muje magate hagageligwe hamila.

Kupetigwa 28:17

Mna isiku ya longo na tano ya mwezi awo nyimwilinyimwili ya magate hagageligwe hamila yosonga. Kwa siku saba muje magate hagageligwe hamila.

Kupetigwa 9:11

munhu ayo kodaha kuideng'helela mna isiku ya longo na nne ya mwezi wa kabili. Yaideng'helele kwa kuja nyama ya ng'hondolo na magate hagageligwe hamila na mboga zili usungu.

Luka 22:19

Abaho kasola gate, kamgwaa nhogolwa Imulungu, kadibanzula, kawagwaa, kalonga, “Uno ulo lukuli lwangu, ulavigwe mbuli ya mweye. Tendeni vino kwa kung'humbuka niye.”

1 Wakolinto 5:8

Lelo tudeng'helele Pasaka yetu, siyo kwa gate dili na hamila ya umwaka ili na nzambi na ubananzi, lakini kwa gate hadigeligwe hamila, gate dinogile na ukweli.

Kumbukumbu 16:2

Mmulavile Mndewa Imulungu, Imulungu wenu nhosa ya Pasaka kulawa mzifugo zenu za ng'hondolo hebu ng'ombe, hanhu aho honda yahasagule Mndewa Imulungu kwika twaga jake.

Kumbukumbu 4:9

“Muiteganye na mugelegeze, sikumuisemwe gaja gamugonile kwa meso genu wenyego. Sikumuisemwe gago mna imizoyo yenu muugima wenu wose. Wasimulileni wanenu na iwazukulu zenu,

1 Wasesalonike 1:6

Mweye mukweleleza vitutendile siye na vija viyatendile Mndewa, hata kamba mugaya ng'hani, muubokela usenga awo kwa deng'ho dilawa kwa Loho Yang'alile.

Yoshua 4:7

na mweye muwalongele kamba gamazi ga lwanda lwa Yolidani gakimiligwa sikugakilime vidibitizigwe disanduku da lagano da Mndewa Imulungu. Avo mabwe gago gokuwa kilaguso kwa iwanhu wa Izilaeli siku zose.”