Kumbukumbu 11:9 - Biblia Kikutu

⁹ na mukale siku nyingi mwiisi ayo imemile maziwa na uki, iyaiduwile Mndewa Imulungu kwa wahenga zenu kamba kowagwaa hewo na ulelo wao.

Kumbukumbu 11:9 ပူးပေါင်းရင်းမြစ်များ

Kulawa 20:12

“Wategeleze tatako na mamako, ili ukale mgima siku nyingi mwiisi inikugwelela, niye Mndewa Imulungu wako.

Kulawa 3:8

avo nihumuluka ili niwakombole walawe mmakono gawa Misili na niwagale mwiisi ng'hulu na inogile, isi imemile uki na maziwa, isi ya Wakanaani na Wahiti na Waamoli na Wapelizi na Wahivi na Wayebusi.

Nongezi 10:27

Kumdumba Mndewa Imulungu kokwengeza siku za kuwa mgima, lakini miyaka ya wanhu osang'hana gehile yokuwa midodo.

Nongezi 3:16

Ubala mumkono wake wa kudila kana siku nyingi, na mumkono wake wa kumoso kuna utajili na kutegelezigwa.

Nongezi 3:2

Kwavija zokongezela siku nyingi, na miyaka ya ugima na tindiwalo.

Nongezi 9:11

Kwa kutazigwa na niye ubala siku zako zokwengezigwa, kokwengeziligwa miyaka mingi muugima wako.

Kumbukumbu 1:8

Isi yose ayo niwagwaa mweye, avo gendeni mukaisole isi ayo, niye Mndewa Imulungu niiduwila kwa wahenga zenu, Abulahamu na Isaka na Yakobo na ulelo wao.’ ”

Kumbukumbu 11:10

Isi yumuchola kuisola haiigala na isi ya Misili, ako kumulawile, ako muhandaga mbeyu na kuzigelela mazi kamba kihati.

Kumbukumbu 11:21

ili siku zenu na siku za wanenu ziwe nyingi mna iisi Mndewa Imulungu iyaiduwile kowagwaa wahenga zenu, siku zose ulanga vonda uwe uchanha ya iisi.

Kumbukumbu 4:40

Gogeni gaja gayalongile na malagizo gake goniwagwaa lelo, ili mugendelele goya mweye na wanenu baho kumwande na mukale siku nyingi mwiisi ayo iyowagwaa Mndewa Imulungu, Imulungu wenu iwe yenu siku zose.”

Kumbukumbu 5:16

“ ‘Wategeleze tatako na mamako, kamba Mndewa Imulungu, Imulungu wako viyakulagize, utende vivo ili ukale mgima siku nyingi na mbuli zako zokugendela goya mwiisi iyokugwelela Mndewa Imulungu, Imulungu wako.

Kumbukumbu 5:33

Kwelelezeni gose gayawalagize Mndewa Imulungu, Imulungu wenu ili muwe wagima na mugendelele goya na mukale siku nyingi mwiisi yonda muisole.

Kumbukumbu 6:18

Musang'hane gaja ganogile mgameso ga Mndewa Imulungu, ili mugendelele goya na mwingile na kuisola isi inogile iyalongile kwa kuiduwila kowagwaa wahenga zenu,

Kumbukumbu 6:2

Siku zose vimwili wagima mumdumbe Mndewa Imulungu, Imulungu wenu, na mugoge malagizo gake gose na mafundizo goniwagwelela mweye na ulelo wenu ili mukale siku nyingi.

Kumbukumbu 6:3

Avo tegelezeni mweye wanhu wa Izilaeli, mugagoge goya ili mugendelele goya na mwengezeke ng'hani mwiisi imemile maziwa na uki, kamba Mndewa Imulungu, Imulungu wa wahenga zenu viyalongile.

Kumbukumbu 8:7

Mndewa Imulungu, Imulungu wenu kowagala mwiisi inogile isi ili na vizanda na nzasa na mbwibwi ikilima kulawa kuvigongo na kubonde,

Kumbukumbu 9:5

Mweye moisola isi ya hewo siyo kwavija mweye munoga hebu mizoyo yenu inoga ila Mndewa Imulungu, Imulungu wenu, kowawinga iwanhu awo mgameso genu kwavija watenda gehile na kolonda kudivikiza dija dilagano diyaiduwile kwa iwahenga zenu, Abulahamu na Isaka na Yakobo.