Kumbukumbu 11:7 - Biblia Kikutu

⁷ Meso genu gazona mbuli zose ng'hulu, azo ziyatendile Mndewa Imulungu.

Kumbukumbu 11:7 ပူးပေါင်းရင်းမြစ်များ

Zabuli 106:2

Nani yodaha kuzilonga sang'hano za Mndewa Imulungu? Nani yodaha kuzilonga nhogolwa zake zose?

Zabuli 145:12

ili wanhu wose wajuwe sang'hano zako ng'hulu, na ukulu wa ukunoga wa undewa wako.

Zabuli 150:2

Mtogoleni kwa sang'hano zake ng'hulu, mtogoleni kamba ukulu wake viwili.

Kumbukumbu 11:6

na gaja gayawatendele iwazukulu wa Lubeni, Datani na Abilamu wanage Eliabu, isi viigubuke mgameso ga iwanhu wose wa Izilaeli na kuwameza hewo na iwanhu wa mng'anda mmwao na vibanda vao na fugo zao na iwasang'hanaji zao.

Kumbukumbu 11:8

“Avo gogeni malagizo gose goniwagwaa lelo, ili mudahe kuwa na nguvu ya kuchola kuisola isi ayo, yumuloka kuisola,

Kumbukumbu 27:10

Avo, mumtegeleze Mndewa Imulungu, Imulungu wenu, na mugagoge malagizo gake na mafundizo gake goniwalagiza lelo.”

Kumbukumbu 29:2

Musa kawakema Waizilaeli wose kawalongela, “Mugona kwa meso genu wenyego gaja Mndewa Imulungu gayamtendele Falao, imndewa wa Misili, na iwasang'hanaji zake wose na isi yake yose.

Kumbukumbu 4:3

Mwenye mugona kwa meso genu gaja gayatendile Mndewa Imulungu ako Baali Peoli. Mndewa Imulungu, Imulungu wenu, kawakoma iwanhu wose hagati yenu wamtambikile ayo imulungu Baali Peoli.

Kumbukumbu 5:3

Hatendile lagano dino na iwahenga zetu, lakini katenda na siye wose tuli wagima lelo.

Kumbukumbu 7:19

Kumbukeni imitamu ihile imuyonile kwa meso genu, unzonza na vilaguso na udahi na nguvu ng'hulu ya Mndewa Imulungu, Imulungu wenu yaisang'hanile kuwakombola, na kotenda vivo kwa iwanhu wose omuwadumba.

Yoshua 24:31

Avo iwanhu wa Izilaeli wamsang'hanila Mndewa Imulungu siku zose za ugima wa Yoshua, na siku zose za ugima wa iwavele wagendelele kukala wagima viyafile Yoshua, awo wagajuwile gose gayatendile Mndewa Imulungu kwa iwanhu wa Izilaeli.