Kumbukumbu 11:2 - Biblia Kikutu

² Lelo kumbukeni gaja gamuifunzile mbuli ya Mndewa Imulungu, Imulungu wenu kubitila gaja gamugonile. Mweye awo mugonile siyo wanenu, mweye mona ukulu wake na udahi wake na nguvu zake,

Kumbukumbu 11:2 ပူးပေါင်းရင်းမြစ်များ

Zabuli 136:12

Katenda avo kwa mkono wake uli na nguvu, unogelo wake hawishaga okala milele.

Kulawa 6:6

Walongele Waizilaeli vino, ‘Niye Mndewa Imulungu, nowalava mwiisi ya Misili. Nowatenda mulekeswe kulawa muutumwa. Nougolosa mkono wangu na nowakoboza Wamisili na kuwakombola mweye.

Nongezi 22:19

Ili tamanilo jako diwe kwa Mndewa Imulungu, lelo nikufundiza gweye gano, ona gweye.

Sang'hano 26:22

Lakini Imulungu kanhaza mbaka lelo, na avo nima hano kuwalongela wanhu wose, wakulu kwa wadodo. Mbuli inonga iyo iija iwalongile watula ndagu wa Imulungu na Musa yolawilila.

Kumbukumbu 29:10

“Lelo mweye mose mwima kuulongozi wa Mndewa Imulungu, Imulungu wenu, vilongozi wenu wa makabila na iwavele wenu na iwakulu zenu na wambigalo wose wa Waizilaeli,

Kumbukumbu 3:24

‘Go Mndewa, Mkulu Mndewa Imulungu nojuwa kunilagusila niye msang'hanaji wako hanhu hadodo ha ukulu wako na udahi wako. Vino hana imulungu gani kuulanga hebu mwiisi yodaha kusang'hana mbuli ng'hulu kamba ziusang'hane gweye?

Kumbukumbu 4:34

Vino kuna imulungu yoyose iyagwe yagezile kusola iwanhu wake kulawa mwiisi ya iwanhu wayagwe, kamba viyatendile Mndewa Imulungu, Imulungu wenu? Heyo katenda avo kwa magazo na vilaguso na unzonza na ng'hondo na kwa nguvu yake ng'hulu, katenda vinhu vigela bwembwe na mweye mugona gose ago kwa meso genu ako Misili.

Kumbukumbu 5:24

walonga, ‘Mndewa Imulungu, Imulungu wetu katulagusila ukulu wake na udahi wake, tuihulika sauti yake kulawa hagati ya umoto. Lelo tumona Imulungu kolonga na wanhu, na iwanhu wang'hali wagima.

Kumbukumbu 7:19

Kumbukeni imitamu ihile imuyonile kwa meso genu, unzonza na vilaguso na udahi na nguvu ng'hulu ya Mndewa Imulungu, Imulungu wenu yaisang'hanile kuwakombola, na kotenda vivo kwa iwanhu wose omuwadumba.

Kumbukumbu 8:19

Kamba mwahamsemwa Mndewa Imulungu, Imulungu wenu na kuikweleleza imilungu iyagwe na kuisang'hanila na kuitambikila, lelo nowazuma kamba mokomigwa.

Kumbukumbu 9:26

Nimpula Mndewa Imulungu, nilonga, ‘Go, Mkulu Mndewa Imulungu sikuuwabanange wanhu wako, wanhu wano kuwakombola kulawa mwiisi ya Misili kwa udahi wako na nguvu ng'hulu.

Yoshua 24:31

Avo iwanhu wa Izilaeli wamsang'hanila Mndewa Imulungu siku zose za ugima wa Yoshua, na siku zose za ugima wa iwavele wagendelele kukala wagima viyafile Yoshua, awo wagajuwile gose gayatendile Mndewa Imulungu kwa iwanhu wa Izilaeli.