Kumbukumbu 10:12 - Biblia Kikutu

¹² “Avo mweye wanhu wa Izilaeli Mndewa Imulungu, Imulungu wenu kolonda choni kumwenu, ila mumdumbe Mndewa Imulungu, Imulungu wenu, muzikweleleze nzila zake zose, mumnogele na mumsang'hanile Mndewa Imulungu, Imulungu wenu, kwa mizoyo yenu yose na kwa loho zenu zose,

Kumbukumbu 10:12 ပူးပေါင်းရင်းမြစ်များ

Zabuli 119:2

Wamweda iwanhu ozigoga amuli zake, awo omzahila kwa mizoyo yao yose.

Zabuli 128:1

Wamweda iwanhu wose omdumba Mndewa Imulungu, waja okala kwa kukweleleza malagizo gake.

Zabuli 145:20

Mndewa Imulungu kowakaliza wose omnogela, lakini kowabananga wose otenda gehile.

Zabuli 18:1

Nokunogela gweye Mndewa Imulungu, nguvu yangu.

Zabuli 34:9

Mdumbeni Mndewa Imulungu mweye iwanhu zake wang'alile, kwavija iwanhu omdumba heyo hawaswela kinhu.

Zabuli 81:13

Maza wanhu wangu wanitegeleze, maza iwanhu wa Izilaeli wahakweleleze nzila zangu,

Zabuli 81:14

nahawagomese iwanhu owehila himahima, na kuhindula mkono wangu kwa awo owehila.

Kulawa 23:25

Kamba mwahanitambikila niye, Mndewa Imulungu wenu, nowatendela ganogile kwa kuwagwaa ndiya na mazi na noisegesa mitamu hagati yenu.

Matayo 22:37

Yesu kamwidika, “ ‘Mnogele Mndewa Imulungu wako kwa moyo wako wose, kwa loho yako yose na kwa nzewele zako zose.’

Luka 10:27

Munhu ija kamwidika, “ ‘Mnogele Mndewa Imulungu wako kwa moyo wako wose, na kwa loho yako yose, na kwa nguvu zako zose, na kwa nzewele zako zose,’ na ‘Umnogele miyago kamba viuinogela mwenyego.’ ”

Luka 11:42

“Mogaya mweye Mafalisayo! Kwavija momgwaa Imulungu fungu da longo da majani gonung'hila goya kamba vija binzali na kalafuu, na mboga ziyagwe, lakini moleka kutenda ganogile kwa wanhu na kumnogela Imulungu. Molondigwa kutenda gano na sikumugaleke gago gayagwe.

Sang'hano 9:31

Avo kipindi acho vibumbila va wanhu wamtogole Yesu vikala moyo hole kila hanhu kuko Yudea na Galilaya na Samalia. Kubitila Loho Yang'alile yakalile yowagangamiza wanhu, wanhu ongezeka ng'hani viwakalile okala kwa kumdumba Mndewa.

Walumi 1:9

Imulungu inimsang'hanila kwa moyo wangu wose, kwa kuwapetela wanhu Mbuli Inogile ya Mwanage, ayo yolola kuwa nowakumbuka mweye,

Walumi 8:28

Tojuwa kuwa mna ivinhu vose Imulungu kosang'hana vinogile kwa waja omnogela Imulungu, waja yawakemile watende goyolonda.

Kumbukumbu 10:11

Abaho kanongela, ‘Segela ugendelele na umwanza wako uwalongoze iwanhu ili wadahe kwingila na kuisola isi iniiduwile kwa wahenga zao kamba nowagwaa hewo.’

Kumbukumbu 10:13

na mugoge malagizo na mafundizo ga Mndewa Imulungu goniwagwaa lelo, mbuli ya ganogile genu wenyego.

Kumbukumbu 11:1

“Mnogeleni Mndewa Imulungu, Imulungu wenu na mutende gaja goyolonda, siku zose gogeni malagizo gake na mafundizo gake na nzila zake.

Kumbukumbu 11:13

“Avo mwahagagoga malagizo goniwagwaa lelo, mwahamnogela Mndewa Imulungu, Imulungu wenu, na mwahamsang'hanila kwa mizoyo yenu yose na kwa loho zenu zose,

Kumbukumbu 26:16

“Lelo didino Mndewa Imulungu, Imulungu wenu, kowalagiza mugagoge mafundizo na malagizo gano. Muiteganye mugagoge kwa mizoyo yose na kwa loho yose.

Kumbukumbu 27:10

Avo, mumtegeleze Mndewa Imulungu, Imulungu wenu, na mugagoge malagizo gake na mafundizo gake goniwalagiza lelo.”

Kumbukumbu 30:16

Kamba mwahagagoga malagizo ga Mndewa Imulungu, Imulungu wenu, goniwalagiza lelo, kwa kumnogela Mndewa Imulungu, Imulungu wenu, kwa kukweleleza nzila zake na kugoga malagizo gake na mafundizo gake na gaja golondigwa, avo mokuwa wagima na mokongezeka na Mndewa Imulungu, Imulungu wenu, kowatendela ganogile mwiisi imukwingila kuisola.

Kumbukumbu 30:20

mumnogele Mndewa Imulungu, Imulungu wenu, na mumtegeleze na mumgoge heyo. Kwavija heyo ayo ugima wenu na heyo ayo yowagwaa siku nyingi za kukala wagima, ili mukale mwiisi Mndewa Imulungu iyaiduwile kuwagwaa iwahenga zenu, Abulahamu na Isaka na Yakobo.”

Kumbukumbu 4:29

Lakini mwahawa kuko mziisi azo na mwahamzahila Mndewa Imulungu, Imulungu wenu, kwa mizoyo yenu yose na kwa loho zenu zose, heyo momona.

Kumbukumbu 5:29

Maza wagelegezaga vivo siku zose na kunidumba niye na kugoga malagizo gangu! Wahagendelele vinogile hewo wenyego na ulelo wao siku zose.

Kumbukumbu 5:33

Kwelelezeni gose gayawalagize Mndewa Imulungu, Imulungu wenu ili muwe wagima na mugendelele goya na mukale siku nyingi mwiisi yonda muisole.

Kumbukumbu 6:13

Mdumbeni Mndewa Imulungu, Imulungu wenu, mumsang'hanile heyo yaiyeka, na muiduwile kwa twaga jake.

Kumbukumbu 6:2

Siku zose vimwili wagima mumdumbe Mndewa Imulungu, Imulungu wenu, na mugoge malagizo gake gose na mafundizo goniwagwelela mweye na ulelo wenu ili mukale siku nyingi.

Kumbukumbu 6:24

Avo, Mndewa Imulungu katulagiza tugoge malagizo gano gose na tumdumbe heyo Mndewa Imulungu, Imulungu wetu ili tumwede na tukale wagima kamba vitwili lelo.

Kumbukumbu 6:5

Mnogeleni Mndewa Imulungu, Imulungu wako kwa moyo wako wose na kwa loho yako yose na kwa nguvu zako zose.

1 Timoseo 1:5

Kilamuso cha lagizo jangu dino Nikugala unogelwa ulawa muumoyo unogile na moyo uleka kukutagusa kuwa kubananga na kutamanila kwa ukweli.

Waebulania 12:28

Avo tumgwee nhogolwa Imulungu, kwavija tubokela undewa hautigisika. Tumgwee nhogolwa Imulungu na tumgwee ukulu onda umnogeze, kwa kumtegeleza na kwa bwembwe.

Yoshua 22:5

Ila molondigwa mugagoge malagizo na gaja gayawalagize Musa imsang'hanaji wa Mndewa Imulungu, mumnogele Mndewa Imulungu, Imulungu wenu, na mukweleleze nzila zake na mugoge malagizo gake na mumgoge heyo na mumsang'hanile kwa mizoyo yenu yose na kwa loho zenu zose.”

Yoshua 24:14

“Avo sambi mdumbeni Mndewa Imulungu na mumsang'hanile kwa mizoyo yenu yose. Muisegese imilungu iwaisang'hanile iwahenga zenu ako umwambu wa ulwanda na ako Misili, na mumsang'hanile Mndewa Imulungu.

1 Yohana 2:15

Sikumuinogele isi hebu kinhu chochose kili mwiisi. Munhu yoyose yoinogela isi hadaha kumnogela Tata.

1 Yohana 5:5

Vino nani yodaha kuihuma isi? Ni munhu ija yaiyeka yomtogola Yesu Kilisito kamba Mwana wa Imulungu.

1 Samweli 12:20

Samweli kawalongela, “Sambi mudumbe, kweli mutenda mbuli ihile. Lakini sikumuleke kumkweleleza Mndewa Imulungu na msang'hanileni Mndewa Imulungu wenu kwa mizoyo yenu yose.